Armblog.net

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Հայկական BlotClub խաղը 1000-ական միավոր է նվիրում բոլոր օգտատերերին

Հաշվի առնելով ստեղծված իրավիճակը` հայկական BlotClub խաղը արդեն երկրորդ շաբաթն է, ինչ 1000-ական միավոր է փոխանցում իր բոլոր օգտատերերին: Սա արվում է որպես տանը մնալու խրախուսանք և հորդոր: Մնացե'ք տանը և վայելեք սիրված խաղը Բլոտ Քլաբի հետ: Մանրամասների և նորությունների համար հետևեք Բլոտ Քլաբի ֆեյսբուքյան էջին:

Ներբեռնեք խաղը iOS և Android համակարգերի համար և ստացեք լրացուցիչ 1000 միավոր: Լրացուցիչ 1000 միավոր ստանում են միայն այն օգտատերերը, որոնք ապրիլի 1-ից մինչև 16-ը խաղալու են 12:00-16:00 ընկած ժամանակահատվածում:

Yandex-ի քարտեզում ցուցադրվում է քաղաքների ինքնամեկուսացման ինդեքսը

Yandex-ի քարտեզներում հայտնվել է քաղաքների ինքնամեկուսացման ինդեքս, որը ցույց է տալիս, թե ինչքան են տվյալ քաղաքի բնակիչները պահում ինքնամեկուսացման ռեժիմը: Որքան բարձր է ցուցանիշը, այնքան բնակիչները ինքնամեկուսացված են (0-5 միջակայք): Տվյալ պահին Երևանի ինդեքսը 3.2 է:

Նշեմ նաև, որ Yandex-ի քարտեզներում ցուցադրվում է նաև կորոնավիրուսի տարածման ցուցանիշը:

Բացել կայքը

5-12 դասարանների թվայնացված դասագրքերը անվճար հասանելի են Android, iOS և վեբ տարբերակներով

Հաշվի առնելով ստեղծված իրավիճակն ու հեռահար ուսուցման անհրաժեշտությունը, «Mer Soft LLC» ընկերությունը տեղեկացնում է, որ այսուհետ Google PlayMarket-ում և AppStore-ում հասանելի է նաև անվճար «Armenian School Books» հավելվածը:

Mer Soft LLC ընկերության bonee.net համակարգի, Dshh «Դասագրքերի շրաջանառու հիմնադրամի» համագործակցության շնորհիվ «Armenian School Books» նախագիծը հասանելի է բոլորին: Նշվում է նաև, որ Viva-MTS ընկերության բջջային ցանցի բոլոր օգտատերերի համար գրքերը հասանելի են առանց ինտերնետի վճարի։

ՀՀ կրթության, գիտության, մշակույթի և սպորտի նախարարությունան նախարարության կողմից երաշխավորված 5-12 դասարանների դասագրքերի թվայնացված տարբերակները հասանելի են ինչպես Անդրոիդ և iOS, այնպես էլ վեբ տարբերակով:

Android հավելած

iOS հավելված

Վեբ տարբերակ

Monument Valley 2 գլուխկոտրուկ-խաղը տվյալ պահին անվճար է Android և iOS սարքերի համար

Monument Valley 2 խաղը տվյալ պահին անվճար է Android և iOS սարքերի համար: Շտապեք ավելացնել Ձեր խաղերի գրադարանում:

Epic Games-ն անվճար նվիրում է World War Z, Figment և Tormentor X Punisher խաղերը

Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է World War Z, Figment և Tormentor X Punisher խաղերը: Նշեմ, որ այս ակցիան գործում է մինչև ապրիլի 2-ը: Այս ընթացքում եթե նշված խաղերն ավելացնեք Epic Games-ի ձեր գրադարանում, ապա դրանք հետագայում նույնպես կարող եք անվճար խաղալ:

Ներբեռնել

Lara Croft Go խաղը տվյալ պահին անվճար է Android և iOS սարքերի համար

#stayhomeandplay ակցիայի շրջանակներում Lara Croft Go խաղը տվյալ պահին անվճար է Android և iOS սարքերի համար: Այս խաղը կարող եք անվճար ներբեռնել մինչև ս.թ. ապրիլի 2-ը:

Ներկայացվեցին Huawei P40, P40 Pro և P40 Pro+ սմարթֆոնները

Huawei ընկերությունը պաշտոնապես ներկայացրեց Huawei P40 սմարթֆոնների շարքը, որը ներառում է Huawei P40, Huawei P40 Pro և Huawei P40 Pro+ սմարթֆոնները: Huawei P40 սմարթֆոնն ունի 6.1 դյույմանոց Quad-curve Overflow էկրան, որը ճկված է 4 կողմերում: Էկրանի մեջ տեղադրված է մատնահետքի սկաները:

Սարքն ունի Kirin 990 5G պրոցեսոր, 8ԳԲ օպերատիվ և 128ԳԲ ներքին հիշողություն: Huawei P40 սմարթֆոնն հետնամասում ունի եռակի մոդուլով տեսախցիկ, որոնցից գլխավորը 50ՄՊ է, մյուսները 8ՄՊ և 16ՄՊ:

Սմարթֆոնն առջևի մասում ունի 32ՄՊ տեսախցիկ, որն ունի ինֆրակարմիր սենսորներ: Սմարթֆոնի թե առջևի, թե հետևի տեսախցիկներն ունեն 4K 60fps վիդեո ձայնագրելու հնարավորություն:

Huawei P40 սմարթֆոնն ունի փոշու և ջրի IP53 պաշտպանություն: Սարքն ունի 3800 մԱ/ժ մարտկոց, որը լիցքավորվում է 22.5Վտ էներգիայով:

Huawei P40 Pro սմարթֆոնն ունի 6.58 դյույմանոց կողքի հատվածներում ճկված OLED Overflow Display էկրան: Այս մոդելը ևս աշխատում է նույն պրոցեսորով և ունի նույնքան օպերատիվ հիշողություն, սակայն ներքին հիշողությունը 256ԳԲ է:

Huawei P40 Pro սմարթֆոնի հետևի տեսախցիկն ունի արդեն 4 մոդուլ (50ՄՊ, 12ՄՊ, 40ՄՊ և խորությունը սկանավորելու ToF սենսոր):

Սմարթֆոնի առջևի տեսախցիկը նույնպես 32ՄՊ է, սակայն այն ներառում է ToF սենսոր: Huawei P40 Pro սմարթֆոնի մարտկոցը 4200 մԱ/ժ է, որը լիցքավորվում է 40Վտ լարով և 27ՎՏ անլար էներգիայով: Այս մոդելը պաշտպանված է ջրից ու փոշուց IP68 տեխնոլոգիայով:

Huawei P40 Pro+ սմարթֆոնը Huawei P40 Pro սմարթֆոնից տարբերվում է երեք հիմնական պարամետրերով: Այս մոդելի ներքին հիշողությունը 512 ԳԲ է: Այն անլար լիցքավորվում է 40Վտ էներգիայով:

Այս սմարթֆոնի ամենազգալի տարբերությունը տեսախցիկի մեջ է, որն ունի 5 մոդուլ: P40 Pro-ի տելեֆոտո սենսորի փոխարեն այստեղ օգտագործվում են երկու առանձին մոդուլներ:

Ներկայացված երեք սմարթֆոններն աշխատում են Android 10 օպերացիոն համակարգի հիման վրա ստեղծված EMUI 10.1 համակարգով, որտեղ բացակայում են Google-ի բջջային ծառայությունները: Սմարթֆոններում տեղադրված է AppGallery հավելվածների խանութը, իսկ Google-ի ծառայությունների փոխարեն տեղադրված են Huawei-ի նոր ծառայությունները՝ վիդեոզանգերի MeeTime հավելվածը, Celia ձայնային օգնականը և այլն:

Huawei P40, Huawei P40 Pro և Huawei P40 Pro+ սմարթֆոնները կվաճառվեն համապատասխանաբար 799, 999 և 1399 եվրոյով:

Դասախոսը երկրաչափության դաս է անցկացրել Half-Life Alyx խաղում (տեսանյութ)

Օրեր առաջ Valve ընկերությունը թողարկեց Half-Life Alyx վիրտուալ իրականության խաղը, որն արդեն հասցրել է բազմաթիվ խաղասերների բարձր գնահատանքին արժանանալ: Այս խաղում խաղացողները կարող են վիրտուալ իրականության մեջ փոխազդել տարբեր առարկանների վրա: Սան Դիեգոյի դասախոսները մեկը որոշել է այս խաղում իր աշակերտներին երկրաչափություն սովորեցնել:

Խաղի տեղամասերից մեկում կա մի պատուհան, որտեղ հնարավոր է նկարել մարկերով և ջնջել սպունգով: Դասախոսը սա օգտագործել է որպես վիրտուալ գրատախտակ: Քանի որ սա VR խաղ է, այդ պատճառով դասախոսն ու ուսանողները կրել են VR ակսեսուարներ:

Համացանցում հայտնվել են նաև մի շարք վիդեոներ, որտեղ ցուցադրվում են, թե ինչպես է հնարավոր խաղում փոխազդել վիրտուալ առարակների վրա:

Վիրուսների ստեղծման և տարածման Plague Inc. խաղում հայտնվելու է նաև կանխման ռեժիմ

Կորոնավիրուսի հետ կապված վերջին ամիսներին բավականին տարածում է ստացել Plague Inc. խաղը, որտեղ խաղացողները պետք է ստեղծեն և տարածեն զանազան վիրուսներ: Նշեմ, որ այս խաղը ստեղծվել է տարիներ առաջ և միայն հիմա է այդքան հայտնի դարձել: Չինաստանում նույնիսկ վերջերս App Store-ից ջնջվել էր այս խաղը, որպեսզի կանխվի կորոնավիրուսի տարածումը:

Վերջերս խաղի հեղինակները հայտարարել են, որ 250.000 դոլար կնվիրաբերեն կորոնավիրուսի դեմ պայքարի ֆոնդին, իսկ խաղում շատ շուտով կհայտնվի նոր ռեժիմ, որի միջոցով խաղացողները կկարողանան կանխել ոչ թե տարածել, այլ կանխեն վիրուսները:

Քահանան լայվի ժամանակ պատահական միացրել է ֆիլտրերի գեներատորը (տեսանյութ)

Իտալիայում քահանան լայվ հեռարձակում է կազմակերպել, որի ժամանակ պատահական միացրել է ֆիլտրերի գեներատորը:

Xiaomi-ն սկսել է արտադրել ուլտրակոմպակտ էլեկտրական սկուտեր

Xiaomi-ին պատկանող Himo բրենդը սկսել է արտադրել ուլտրակոմպակտ էլեկտրական H1 սկուտերը: Նշեմ, որ indiegogo հարթակում այս նախագծի հետ կապված քրաուդֆանդինգ է ընթանում և արդեն հավաքվել է նապատեսվածից մի քանի անգամ շատ գումար:

Այս սկուտերի առանձնահատկությունն այն է, որ այն ծալված վիճակում բավականին կոմպակտ է և տեղավորվում է ուսապարկի մեջ: Նաև հնարավոր է այն ծալած վիճակում բռնել ձեռքում և հեշտ տեղափոխել:

Սկուտերի առավելագույն արագությունը 18կմ/ժ է, իսկ մարտկոցը 7500 մԱ/ժ, ինչը բավականացնում է 30 կմ ընթացքի համար: Մարտկոցը հնարավոր է հանել սկուտերից և լիցքավորել 4-6 ժամում: Սկուտերի քաշը 14.5 կգ է:

H1 սկուտերն ունի նաև լեդ էկրան, որտեղ ցուցադրվում է արագությունը, մարտկոցի լիցքավորման աստիճանը և լուսարձակների մասին ինֆորմացիա:

Քրաուդֆանդինգի ընթացքում սկուտերը պատվիրած օգտատերերը այն կգնեն 469-499 դոլարով, իսկ մնացածները՝ 700 դոլարով:

Unity Learn Premium օնլայն դասերը 3 ամսով դարձել են անվճար

COVID-19 վիրուսի հետ կապված Unity Learn Premium օնլայն դասերը 3 ամսով դարձել են անվճար: Եթե ցանկություն ունեք ծանոթանալ խաղեր ստեղծելու համար նախատեսված այս գրադարանին, ապա սա հիանալի առիթ է:

Ինչ կարելի է անել նոր iPad Pro-ի LiDAR սենսորով (տեսանյութ)

Վերջերս ներկայացված Apple iPad Pro պլանշետում տեղադրված է LiDAR սենսոր, որը նախատեսված է տածաությունը ճշգրիտ սկանավորելու և դրա վրա լրացված իրականություն ցուցադրելու համար: LiDAR-ի շնորհիվ ստեղծվում է շրջակա միջավայրի ճշտգրիտ 3D մոդելը:

Համացանցում դեմո վիդեո է հայտնվել, թե ինչեր է հնարավոր անել այս նոր սկաներով: Օրինակ կարող եք սենյակի հատակը դարձնել վիրտուալ լավա և խաղալ կամ կահավորել սենյակը կահույքով:

Ներկայացվեց թարմացված Nokia 5310 հեռախոսը

HMD Global ընկերությունը ներկայացրեց թարմացված Nokia 5310 հեռախոսը, որը արտաքնապես նման է 2007 թվականին թողարկված 5310 XpressMusic հեռախոսին: Այս հեռախոսը նույնպես կողքի հատվածում ունի երաժշտությունը կառավարող ֆիզիկական կոճակներ:

Հեռախոսն ունի 2.4 դյույմանոց QVGA էկրան, որի տակ տեղադրված են թվերի ֆիզիկական կոճակները: Սարքն ունի 16Մբ ներքին հիշողություն, որը հնարավոր է շատացնել մինչև 32Գբ microSD քարտի հաշվին:

Հեռախոսի մարտկոցը 1200 մԱ/ժ է և մեկ լիցքավմամբ անոնին ռեժիմում աշխատում է մոտ մեկ ամիս: Հեռախոսն աշխատում է միայն 2G ցանցով և ունի երկու քարտի հնարավորություն: Թարմացված Nokia 5310 հեռախոսը կվաճառվի 40 Եվրոյով:

Epic Games-ն անվճար նվիրում է Watch Dogs և Stanley Parable խաղերը

Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է Watch Dogs և Stanley Parable խաղերը: Նշեմ, որ այս ակցիան գործում է մինչև մարտի 26-ը: Այս ընթացքում եթե նշված խաղերն ավելացնեք Epic Games-ի ձեր գրադարանում, ապա դրանք հետագայում նույնպես կարող եք անվճար խաղալ:

Ներբեռնել

GOG.com-ը StayAtHome ակցիայով անվճար նվիրում է 27 խաղ

Համակարգիչների խաղերի հայտնի GOG.com կայքում այժմ հատուկ ակցիա է, որի շրջանակներում անվճար կարող եք ներբեռնել և խաղալ 27 խաղեր: Նշեմ, որ ակցիան մի քանի օրից կավարտվի, իսկ այս ընթացքում Ձեր պրոֆիլին կցված խաղերը կարող եք անվերջ խաղալ:

Խաղերը Ձեր պրոֆիլին կապելու համար պետք է բացեք gog.com և մտնեք Ձեր պրոֆիլ (եթե պրոֆիլ չունեք, ապա գրանցվեք): Այնուհետև բացեք ակցիայի էջը և ավելացրեք խաղերը Ձեր զամբյուղի մեջ: Վերջում բացեք զամբյուղը և անվճար գնեք խաղերը, որոնք հետագայում կարող եք ներբեռնել այս էջից: Նշեմ, որ որոշ խաղեր նախատեսված են նաև Mac-ի և Linux-ի համար:

Բացել կայքը

Հայկական Krisp ծրագրով կարող եք լռեցնել միկրոֆոնի կամ դինամիկի ավելորդ աղմուկը

Վերջին օրերին մի քանի հարյուր տոկոսով աճել է հայկական Krisp ծրագրի ներբեռնումների թիվը: Պատճառն այն է, որ այս օրերին շատերն աշխատում են տանից և շատ են աուդիո/վիդեո զանգեր կատարում:

Krisp ծրագիրը նեյրոնային ցանցի միջոցով կարողանում է լռեցնել միկրոֆոնի կամ դինամիկի ավելորդ աղմուկը և մարդկանց խոսակցություններն ավելի հստակ են լսվում:

Ծրագիրը հասանելի է Windows, Mac և iOS համակարգերի համար և աշխատում է Skype, Slack, Zoom և այլն հայտնի ծրագրերի հետ: Այսինքն, սա առանձին մեսինջեր չի, այլ պարզապես ստեղծում է միջանցիկ աուդիո կանալ և ձայնը փոխանցում է մնացած ծրագրերին: Ծրագիրն ունի ինչպես անվճար, այնպես էլ վճարովի փաթեթներ: Եթե դժվարանաք ծրագիրը կարգավորելու հարցում, ապա դիտեք այս վիդեոները: Նշեմ, որ կորոնավիրուսի հետ կապված Krisp-ը 6 ամսով բոլոր հայ օգտատերերին նվիրում է Pro փաթեթ:

Ի դեպ, քանի որ խոսք գնաց Zoom ծրագրից, ապա նշեմ, որ այդ ծրագրով կարող եք նաև վերացնել վիդեոյի հետևի ֆոնը և ընտրել Ձեր նախընտրած ֆոնը: Դա նույնպես շատ օգտակար գործառույթ է աշխատանքային վիդեոզանգերի ժամանակ:

Ներբեռնել

Ճապոնիայի դպրոցներից մեկի շրջանավարտները վերջին զանգն արել են Minecraft խաղում

COVID-19 վիրուսի պատճառով Ճապոնիայում դպրոցները շուտ են փակվել, այդ պատճառով դպրոցներից մեկի շրջանավարտները որոշել են հավաքվել Minecraft խաղում և վիրտուալ անել իրենց վերջին զանգը:

Apple-ը ներկայացրեց նոր iPad Pro պլանշետ և 300 դոլարանոց ստեղնաշար

Apple ընկերությունը ներկայացրեց iPad Pro նոր պլանշետը, որն արտաքնապես ու պարամետրերով ավելի շատ նոթբուք է, քան պլանշետ: Այս նոր սարքն ունի եռակի մոդուլով տեսախցիկ:

Հատուկ այս սարքի համար նախատեսված Apple-ը ներկայացրեց նաև Magic Keyboard ստեղնաշարը, որն ունի լուսավորվող կոճակներ և թաչփադ: Magic Keyboard-ը հանդիսանում է նաև որպես պաշտպանիչ չեխոլ:

Նոր iPad-ը թողարկվելու է էկրանի երկու չափսերով՝ 11 և 12.9 դյույմ: Պլանշետի գինը սկսվում է 799 դոլարից, իսկ ստեղնաշարի գինը՝ 299 դոլարից:

Epic Games-ն անվճար տրամադրում է միանգամից երեք խաղ

Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է Anodyne 2, A Short Hike և Mutazione խաղերը: Նշեմ, որ այս ակցիան գործում է մինչև մարտի 19-ը: Այս ընթացքում եթե նշված խաղերն ավելացնեք Epic Games-ի ձեր գրադարանում, ապա դրանք հետագայում նույնպես կարող եք անվճար խաղալ:

Ներբեռնել

Գործարկվում է հեռավար կրթության հարթակ` heravar.armedu.am

ՀՀ կրթության, գիտության, մշակույթի և սպորտի նախարարությունը, հաշվի առնելով կորոնավիրուսի կանխարգելման անհրաժեշտությունը և ելնելով ստեղծված իրավիճակից, հանրակրթական դպրոցներում ուսումնական գործընթացն օնլայն կազմակերպելու նպատակով գործարկում է հեռավար կրթության հարթակ` heravar.armedu.am:

Հարթակը մշակվել է ԿԳՄՍՆ Կրթական տեխնոլոգիաների ազգային կենտրոնում և արդեն հասանելի է: Հեռավար կրթության արդյունավետ կազմակերպման հարցերը քննարկելու նպատակով ԿԳՄՍ նախարարի տեղակալ Ժաննա Անդրեասյանի մոտ հրավիրվել է աշխատանքային քննարկում, որին մասնակցել են նախարարության հանարակրթության ոլորտի պատասխանատուները, ինչպես նաև հեռավար ուսուցում կազմակերպելու փորձ և ներուժ ունեցող կրթական հաստատությունների և հարթակների ներկայացուցիչները:

Նախարարի տեղակալը նշել է, որ անհրաժեշտ է պլանավորել ուսումնական գործընթացի կազմակերպման աշխատանքները` առկա այլընտրանքների ու հնարավորությունների համատեղմամբ: Այս տարի նախարարությունը երկու դպրոցում փորձարկել է հեռավար կրթության ներդրման հնարավորությունը, և այժմ գործընթացում կներգրավվեն բոլոր դպրոցները:

«Հեռավար կրթության կազմակերպման համար մենք ունենք բավականին թվով հայալեզու առցանց ռեսուրսներ և գործիքներ: Կան հեռավար կրթության կազմակերպման ոլորտում հաջողված փորձ ունեցող դպրոցներ, որոնց մենք խնդրել ենք կիսվել իրենց փորձով, ինչպես նաև համախմբել ոլորտում առկա ներուժը, որպեսզի հեռավար կրթությունը կազմակերպվի արդյունավետ և բաց ու հասանելի լինի բոլորին»,- նշել է Ժ. Անդրեասյանը:

Նախարարի տեղակալի խոսքով` անցած երկու օրերին Կրթական տեխնոլոգիաների ազգային կենտրոնում կատարվել է նախապատրաստական աշխատանք, և արդեն իսկ գործարկվել է հեռավար կրթության համալիր էջը:

Կրթական տեխնոլգիաների ազգային կենտրոնի ստեղծած միասնական հարթակում կներկայացվեն նաև բոլոր այն կազմակերպությունների հեռավար կրթության հարթակները, որոնք պատրաստակամ են համագործակցել նախարարության հետ` տրամադրելով իրենց ռեսուրսներն ու հմտությունները:

Նշվել է, որ անհրաժեշտ է պահպանել ՀՀ կրթության և գիտության նախարարի՝ 2018 թվականի դեկտեմբերի 17-ի N 1677-Ա/2 հրամանով հաստատված «Երեխաների առցանց անվտանգության ապահովումը. ուղեցույց երեխաների համար» և «Երեխաների առցանց անվտանգության ապահովումը. ուղեցույց ծնողների համար» կանոնները, որոնց կարելի է ծանոթանալ հետևյալ հղումով՝ https://lib.armedu.am/resource/27385 ։

Հեռավար կրթության հարթակի կիրառման հետ կապված տեխնիկական աջակցության և այլ հարցերի դեպքում կարելի է դիմել Կրթական տեխնոլոգիաների ազգային կենտրոնում ձևավորված արագ արձագանքման խմբին հետևյալ հեռախոսահամարներով և էլեկտրոնային հասցեով՝ 010/ 011/ 578455, 010/ 011/ 578453, heravar@ktak.am :

Առաջիկայում բոլոր դպրոցներին կտրամադրվեն ՏՀՏ վերապատրաստում անցած մենթոր-ուսուցիչների տվյալներ: Վերջիններս կիրականացնեն օնլայն վերապատրաստում և կապահովեն տեխնիկական աջակցություն և ուղղորդում ուսուցիչների համար։

Բացել կայքը