Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Շտապեք անվճար ձեռք բերել Spec Ops: The Line համակարգչային խաղը

Շտապեք անվճար ձեռք բերել Spec Ops: The Line համակարգչային խաղը


Humble Bundle կայքը շարունակում է ակցիաներով ուրախացնել խաղասերներին: Այս անգամ Humble Bundle կայքը տրամադրած կոդով կարող եք Steam պլատֆորմից անվճար ներբեռնել Spec Ops The Line խաղը: Նշեմ, որ այս ակցիայից դուրս խաղն արժի մոտ 30 դոլար: 



Spec Ops The Line խաղն իրենից ներկայացնում է երրորդ դեմքով պատերազմական շութեր և ունի բավականին բարձր վարկանիշ: Այս խաղն անվճար ձեռք բերելու ակցիան գործում է մինչև շաբաթ երեկոն, այնպես որ շտապեք Ձեր Steam խաղերի ցանկը համալրել ևս մեկով:


Ակցիայից օգտվելու համար անհրաժեշտ է բացել այս հասցեն և մուտքագրել Humble Bundle կայքի օգտանունն ու գաղտնաբառը: Եթե նախկինում գրանցված չեք եղել այս կայքում, ապա կարող եք նոր պրոֆիլ ստեղծել: 


Համակարգ մուտք գործելուց հետո պետք է կապեք Ձեր պրոֆիլը Steam-ի պրոֆիլի հետ և տրամադրված կոդով խաղը ավելացնեք Steam-ի խաղերի գրադարանում:

Ինչպես համակարգչի կամ սմարթֆոնի վրա անվճար դիտել Discovery, NatGeo, Матч ТВ և այլ հայտնի ալիքներ

Ինչպես համակարգչի կամ սմարթֆոնի վրա անվճար դիտել Discovery, NatGeo, Матч ТВ և այլ հայտնի ալիքներ


Գոյություն ունեն հատուկ ծառայություններ, որոնք որոշակի գումարի դիմաց տրամադրում են այսպես կոչված IPTV ալիքների ցուցակներ, որի միջոցով հնարավոր է առցանց դիտել հեռուստատեսային ալիքները: IPTV ցուցակն իրենից հիմնականում ներկայացնում է m3u ֆայլ, որի մեջ գրված է լինում ալիքների անուններն ու IP հասցեները:



IPTV-ի փլեյլիսթները հնարավոր է բացել վիդեո նվագարկող գրեթե բոլոր  ծրագրերով, կամ հատուկ IPTV ալիքները ցուցադրելու համար նախատեսված ծրագրերով:



Վերջերս հայտնաբերել եմ անվճար փլեյլիսթներ և ուզում եմ կիսվել Արմբլոգի ընթերցողների հետ: Եթե ժամանակի ընթացքում այս փլեյլիսթները չաշխատեն, ապա կարող եք ինտերնետում որոնել այլ IPTV փլեյլիսթներ:

Ինչպես դիտել համակարգչի վրա


1.Ներբեռնեք և տեղադրեք VLC ծրագիրը:

2.Բացեք VLC ծրագիրը և Media մենյուից ընտրեք Open Network Stream (կամ սեղմեք Ctrl+N):



3.Բացված պատուհանում գրեք ներքևի IPTV փլեյլիսթներից մեկի հասցեն ու սեղմեք Play:

➡ https://smarttvnews.ru/apps/iptvchannels.m3u
➡ https://smarttvnews.ru/apps/Auto_IPTV-400.m3u
➡ https://smarttvnews.ru/apps/Channels_full.m3u
➡ https://smarttvnews.ru/apps/Films.m3u
➡ https://smarttvnews.ru/apps/Channels.m3u
➡ http://iptv.slynet.tv/FreeSlyNet.m3u
➡ http://iptv.slynet.tv/FreeBestTV.m3u
➡ http://iptv.slynet.tv/PeerstvSlyNet.m3u
➡ http://listiptv.ru/iptv18.m3u
➡ http://iptv.slynet.tv/FreeWorldTV.m3u
➡ http://getsapp.ru/IPTV/03.18.m3u
➡ https://webhalpme.ru/PlaylistMart2018.m3u



4.Այս քայլերից հետո VLC-ում կցուցադրվի ալիքների ցանկը: Կարող եք սեղմել ալիքներից որևէ մեկի վրա և դիտել:  Դիտելու ընթացքում ցանկը տեսնելու համար կարող եք սեղմել Ctrl+L, կամ View մենյուից ընտրեք Playlist:



VLC ծրագրում վիդեոն մեծացնել/փոքրացնելու համար մկնիկով երկու անգամ սեղմեք դրա վրա: Նշեմ նաև, որ կան IPTV-ի համար հատուկ ծրագրեր, որոնցում հնարավոր է ավելի լավ դասակարգել փլեյլիսթներ և տեսնել հաղորդումների ժամանակացույցը: Նմանատիպ ծրագրերից է SimpleTV-ն, որը ներառում է նաև որոշ փլեյլիսթներ:

Ինչպես դիտել սմարթֆոնի կամ այլ սարքերի վրա

IPTV փլեյլիսթները հնարավոր է դիտել նաև սմարթֆոնների, պլանշետների և Smart հեռուստացույցների վրա: Դրա համար պետք է գտնել համապատասխան հավելվածը և այնտեղ գրել IPTV փլեյլիսթի հասցեն: Օրինակ կարող եք բացել Google Play-ը կամ App Store-ը և որոնել IPTV վերնագրով որևէ հավելված:


Smart հեռուստացույցները հիմնականում ունենում են IPTV կարգավորումների էջ, որտեղ պետք է ընդամենը գրել փլեյլիսթի հասցեն: 
Ինչպես համակարգչով անվճար խաղալ PlayerUnknown’s Battlegrounds խաղը

Ինչպես համակարգչով անվճար խաղալ PlayerUnknown’s Battlegrounds խաղը


PUBG խաղը (PlayerUnknown’s Battlegrounds) օնլայն «շութեր» է, որտեղ անհրաժեշտ է սպանել միևնույն կղզու վրա հայտնված հակառակորդներին և ողջ մնալ: Վերջերս մեծ իրարանցում առաջացրած այս խաղի բջջային տարբերակը անվճար հասանելի դարձավ Android և iOS համակարգերի բոլոր օգտատերերի համար: PUBG խաղը հասանելի է նաև Windows-ի ու XBox-ի վրա, սակայն այդ պլատֆորմերի վրա խաղալու համար պետք է գնել խաղը:



PUBG խաղը Windows-ում անվճար խաղալու համար կարող եք օգտվել BlueStacks ծրագրից, որը թույլ է տալիս համակարգչի վրա օգտագործել Android համակարգի հավելվածները: BlueStacks-ը ներբեռնելուց և տեղադրելուց հետո պետք է ընդամենը գտնեք անհրաժեշտ Android հավելվածը և տեղադրեք այս ծրագրի մեջ: Տվյալ դեպքում պետք է որոնեք PUBG խաղը և ներբեռնեք:



Քանի որ այս խաղը նախատեսված է թաչ էկրանով սարքերի համար, ապա նախընտրելի է, որ BlueStacks-ում կատարեք ստեղնաշարի ու մկնիկի որոշ կարգավորումներ: Տեսանյութի վերջում կարող եք տեսնել, թե ինչպես կարգավորել կոճակները:  

Հնարավոր է արդյոք BFF կամ Xoxo բառերով ստուգել ջարդած Ֆեյսբուքի պրոֆիլը կամ հեռախոսի օրիգինալը լինելը

Հնարավոր է արդյոք BFF կամ Xoxo բառերով ստուգել ջարդած Ֆեյսբուքի պրոֆիլը կամ հեռախոսի օրիգինալը լինելը


Վերջերս Ֆեյսբուքում մեծ տարածում է գտել մի այսպես կոչված հնարք, որով հնարավոր է ստուգել, թե արդյոք Ձեր հեռախոսը օրիգինալ է կամ Ձեր Ֆեյսբուքի պրոֆիլի ջարդած է: Հնարքի հիմքում ընկած է BFF բառը, որը մեկնաբանություններում գրելու դեպքում պետք է կանաչ գույն լինի: Եթե այդ բառը կանաչ չի, ապա խորհուրդ է տրվում փոխել գաղտնաբառը:


Անկեղծ ասած չեմ կարողանում հասկանալ, թե ինչու պետք է Ֆեյսբուքը նման կերպ ստուգեր մարդկանց պրոֆիլների ջարդած լինելը: Գոյություն ունեն ավելի հեշտ ու հասանելի մեթողներ: Հիմնականում կասկածելի պրոֆիլների դեպքում Ֆեյսբուքը տեղեկացնում է մարդկանց, որ այլ համակարգչից կամ այլ երկրից մուտք է եղել պրոֆիլ և խորհուրդ է տրվում փոխել անվտանգության կարգավորումները կամ գաղտնաբառը:


Ֆեյսբուքում BFF գրելով դեռ կարելի է ինչ-որ կերպ հավատալ այս հնարքին, բայց հեռախոսի օրիգինալ լինելը նման կերպ ստուգելն արդեն ֆանտասիկայի ժանրից է: Իրականում Ֆեյսբուքում կան մի քանի որոշված բառեր, որոնք գրելու դեպքում գունավորվում են և դրանց վրա սեղմելով էկրանի վրա անիմացիաներ են ցուցադրվում: 


Տվյալ դեպքում BFF բառը նշանակում է Best Friends Forever: Ֆեյսբուքում գունավորվում են նաև հետևյալ բառերը՝


Իրականում BFF-ի հնարքի մասին գրող էջերն ունեն մեկ նպատակ. ինչքան հնարավոր է շատ մարդկանց տարածեք իրենց գրառումը ու շատ մեկնաբանություններ անեք: Այսինքն սա պարզ ու կեղծ հնարք է, որից ցավոք օգտվում են բազմաթիվ օգտատերեր: Այնպես որ դադարեցրեք նմանատիպ գրառումները տարածելն ու մեկնաբանություններ գրելը:
Համացանցում հայտնվել է Uber-ի ինքնավար մեքենայի կողմից մահվան ելքով վրաերթի տեսագրությունը

Համացանցում հայտնվել է Uber-ի ինքնավար մեքենայի կողմից մահվան ելքով վրաերթի տեսագրությունը



Ոստիկանությունը Twitter-ի էջում տեղադրել է օրեր առաջ տեղի ունեցած վրաերթի տեսագրությունը: Հիշեցնեմ, որ Uber-ի ինքնավար ավտոմեքենան վերջերս վրաերթ էր կատարել, որի հետևանքով մահացել էր մեքենայի դեմը հանկարծակի հայտնված մի կին: Մեքենայի մեջ եղել էր նաև վարորդը, ով չէր հասցրել արագ արձագանքել և կանխել վթարը:


Instagram-ի պրոֆիլի կենսագրությունում արդեն հնարավոր է գրել ակտիվ հեշթեգեր և այլ պրոֆիլների հղումներ

Instagram-ի պրոֆիլի կենսագրությունում արդեն հնարավոր է գրել ակտիվ հեշթեգեր և այլ պրոֆիլների հղումներ


Instagram սոցցանցում կատարվել է մի կարևոր փոփոխություն, ինչի շնորհիվ արդեն հնարավոր է պրոֆիլի կենսագրության բաժնում գրել ակտիվ հեշթեգեր և պրոֆիլների հղումներ: 



Կենսագրության մեջ հեշթեգեր գրելու համար պետք է գրել # նշանը, իսկ այլ պրոֆիլ նշելու համար՝ @ նշանը:
Sony-ն ներկայացրեց God of War խաղի նոր թրեյլերն ու գեյմփլեյը

Sony-ն ներկայացրեց God of War խաղի նոր թրեյլերն ու գեյմփլեյը


PlayStation 4-ի համար նախատեսված God of War խաղի հերթական տարբերակը կթողարկվի մի քանի շաբաթից, իսկ մինչ այդ Sony-ն ներկայացրեց այս խաղի թրեյլերն ու գեյմփլեյը: 



Հիշեցնեմ, որ սա այս խաղային շարքի թվով 8-րդ խաղն է ու հասանելի է լինելու միայն PS4 և PS4 Pro կոնսոլների վրա:


Sony-ն վաճառքի է հանել նաև God of War խաղի դիզայնով հատուկ PS4 Pro կոնսոլներ, որոնք ներառում են նաև այս խաղը:


God of War խաղի ստանդարտ տարբերակը կարժենա $59,99, ollector’s Edition տարբերակը՝ $129,99, Stone Mason Edition տարբերակը՝ $149,99, իսկ Digital Deluxe Edition տարբերակը՝ $69,99:

Google Play-ում արդեն հնարավոր է առանց ներբեռնելու փորձարկել խաղերը

Google Play-ում արդեն հնարավոր է առանց ներբեռնելու փորձարկել խաղերը


Google ընկերությունը թարմացրել է Android համակարգի հավելվածների խանութը և խաղերի համար ավելացրել Google Play Instant գործառույթը: Հիշեցնեմ, որ նմանատիպ ֆունկցիա նախկինում հասանելի էր մի քանի հավելվածների համար, իսկ խաղերի համար առկա չէր: Տվյալ պահին Google Play Instant տեխնոլոգիան գտնվում է փորձարկման փուլում և ներառում է հետևյալ խաղերը՝

Clash Royale
Words with Friends 2
Bubble Witch 3 Saga
Final Fantasy XV: A New Empire
Solitaire
Mighty Battles


Google Play Instant տեխնոլոգիան թույլ է մի քանի վայրկյանի ընթացքում բեռնել և փորձարկել խաղը՝ առանց այն ներբեռնելու սմարթֆոնի մեջ: Բնականաբար Instant խաղերը ամբողջական չեն, այլ պարզապես խաղի մասին արագ պատկերացում կազմելու համար են: 


Google Play Instant-ից օգտվելու համար անհրաժեշտ է ընդամենը բացել այս տեխնոլոգիայով աշխատող խաղի էջը և սեղմել «Try Now» կոճակը:

PUBG խաղի բջջային տարբերակն անվճար հասանելի է բոլորի համար

PUBG խաղի բջջային տարբերակն անվճար հասանելի է բոլորի համար


Վերջերս մեծ իրարանցում առաջացրած PlayerUnknown’s Battlegrounds խաղի բջջային տարբերակը վերջապես հասանելի դարձավ Android և iOS համակարգերի բոլոր օգտատերերի համար: Հիշեցնեմ, որ նախկինում այս խաղի բջջային տարբերակը հասանելի էր միայն փորձնական տարբերակով մի քանի երկրների համար: 



PUBG-ն օնլայն «շութեր» է, որտեղ անհրաժեշտ է սպանել միևնույն կղզու վրա հայտնված հակառակորդներին և ողջ մնալ:


PUBG խաղի բջջային տարբերակն առայժմ անվճար է և չի ներառում գովազդներ կամ վճարովի բովանդակություն: Նշեմ, որ խաղի Windows տարբերակը հնարավոր է ձեռք բերել 29.9 դոլարով:


Uber-ի ինքնավար ավտոմեքենան մահվան ելքով վրաերթ է կատարել

Uber-ի ինքնավար ավտոմեքենան մահվան ելքով վրաերթ է կատարել


Uber ընկերությունը որոշել է դադարեցնել ինքնավար ավտոմեքենաների փորձարկումը այն բանից հետո, երբ ԱՄՆ-ի Արիզոնա նահանգում ինքնավար մեքենան վրաերթի է ենթարկել մի կնոջ, ով ցավոք մահացել է: Նախնական տեղեկություններով այդ կինը հեծանիվով ճանապարհն անցնելիս է եղել չթույլատրվող հատվածով: Մեքենայի մեջ եղել է նաև վարորդ, ով չի հասցրել կառավարումը վերցնել իր վրա:
Հայտնի է Google Play-ում 1 միլիարդ ներբեռնումների սահմանը առաջինը հատած խաղը

Հայտնի է Google Play-ում 1 միլիարդ ներբեռնումների սահմանը առաջինը հատած խաղը


Subway Surfers խաղը թողարկվել է Kiloo և Sybo ընկերությունների կողմից 2012 թվականի մայիսին և մոտ 6 տարի անց դարձավ առաջին խաղը, որը Google Play-ում առաջինը հատեց 1 միլիարդ ներբեռնումների սահմանը: 



Նշեմ, որ 2015 թվականին այս խաղը Android և iOS սարքերի վրա ներբեռնվել է 350 միլիոն անգամ, 2016 թվականին՝ 330 միլիոն, իսկ ահա 2017թ.-ին՝ 400 միլիոն: Այս վերջին ցուցանիշի շնորհիվ Subway Surfers-ը համարվում է 2017 թվականի ամենաշատ ներբեռնված բջջային խաղը:



Նախկինում այս խաղը հասանելի էր նաև Windows սմարթֆոնների վրա, սակայն հետագայում դրա թարմացումն ու զարգացումը դադարեցվեց:
Ծխախոտային ինդուստրիայի էվոլյուցիան՝ IQOS

Ծխախոտային ինդուստրիայի էվոլյուցիան՝ IQOS


Արդեն մի քանի շաբաթ է հասարակական վայրերում, մամուլում ու նույնիսկ սոցիալական ցանցերում սպառողները քննարկում են՝ ի՞նչ է IQOS-ը և կարծիք հարցնում՝ ինչո՞ւ անցնել ծխախոտի տաքացման նորարարական համակարգին:

Նորարարական տեխնոլոգիան Ֆիլիպ Մորրիս ընկերության նոր արտադրանքն է։ Ծխախոտի արտադրությամբ զբաղվող համաշխարհային հսկան, գիտակցելով ծխելու դեմ պայքարի այլընտրանքային և աջակցող միջոցների անհրաժեշտությունն ու հասարակական պահանջը, մշակել է այլընտրանքային արտադրանք այն ծխողների համար, ովքեր ցանկանում են ապագայում ևս վայելել ծխախոտային արտադրանք։ Բոլորիս հայտնի ավանդական սիգարետի և IQOS-ի հիմնական տարբերությունը հետևյալն է​․ծխելու ընթացքում սովորական սիգարետն այրվում է և արտազատում հազարավոր վնասակար նյութեր՝ մեթանոլ, խեժ, ածխածնի մոնօքսիդ, որոնք վտանգավոր են ոչ միայն ծխողի համար, այլ վնասում են նաև պասիվ ծխողներին։ Սա է պատճառը, որ հասարակական մի շարք վայրերում ծխելն արգելված է։



Հեղափոխական IQOS-ը փոխում է ծխախոտաարտադրության արդեն ավանդական դարձած դիմագիծը՝ ծխողների համար ուրվագծելով նոր՝ տեխնո դարաշրջան։ Նոր գաջեթը աշխատում է տաքացման սկզբունքով։ IQOS-ը ոչ թե այրում է թութունը, այլ տաքացնում այն մինչև 250-350°C աստիճան։ Հենց այս տեխնոլոգիայի շնորհիվ էլ ծխախոտի հետ համեմատած միջինում մոտ 90-95% ավելի քիչ վնասակար նյութեր են արտամղվում շրջակա միջավայր։ Նորարարական տեխնոլոգիայով աշխատող գաջեթի շնորհիվ ծխախոտամոլների և պասիվ ծխողների կյանքն առանց ծխախոտի կպչուն հոտի ու ծխի արդեն հնարավոր է։ Նշենք, որ հենց IQOS օգտագործելիս կարելի է զգալ իրական թութունի համը և ստանալ նույնչափ նիկոտին, որքան սովորական սիգարետ ծխելուց։


IQOS-ը հիգիենիկ է թե՛ օգտագործողի և թե՛ նրա հարևանությամբ գտնվող չծխողի համար, սա է պատճառը, որ այն շատ մոբիլ է, կարելի է օգտագործել փակ տարածքներում, ավտոմեքենայի մեջ ու չվախենալ ո՛չ տհաճ հոտից, ո՛չ էլ մոխիրով ավտոմեքենայի նստատեղը կամ հագուստը այրելուց։ Մանրակրկիտ մտածված ու մշակված դիզայնը առավել հարմարավետ է դարձնում հեղափոխական գաջեթի օգտագործումը։ Արտադրողներն ուշադրություն են դարձրել բոլոր դետալներին, սարքն ունի հատուկ մաքրման խոզանակ։

Աշխարհի զարգացած շատ երկրներում, ինչպիսիք են օրինակ Մեծ Բրիտանիան, Նոր Զելանդիան, Ճապոնիան, Ուկրաինան, այլընտրանքային այս ապրանքն արդեն իսկ լայնորեն օգտագործում են: Կա նաև նորարարական այս արտադրանքի գիտական կողմը, ընդ որում, ինչպես նշվում է ընկերության պաշտոնական www.pmiscience.com կայքում, հենց Ֆիլիպ Մորրիսն էլ խրախուսում է իրենց ուսումնասիրությունները ստուգել։ IQOS-ը ԱՄՆ շուկա ներմուծելու համար Ֆիլիպ Մորրիսը դիմում է ներկայացրել ԱՄՆ Սննդամթերքի և դեղորայքի վարչություն (FDA)։ Վարչության փորձագիտական խորհուրդը հունվարին հաստատել է, որ թութունի տաքացման IQOS համակարգը առաջացնում է զգալիորեն ավելի քիչ վնասակար նյութեր, քան սովորական սիգարետը: Խորհրդի անդամ 8 փորձագետներն այս որոշմանը կողմ են քվեարկել։ Թվերի ու վիճակագրության հետ գուցե և կարելի է վիճել, բայց այն, որ ապրանքն իսկապես ավելի լավ այլընտրանք է սիգարետին, փաստ է։
Ակցիա: Nova ծառայության միջոցով կարող եք անվճար գրքեր առաքել Ռուսաստանից

Ակցիա: Nova ծառայության միջոցով կարող եք անվճար գրքեր առաքել Ռուսաստանից


Արտասահմանյան կայքերից գնումներ կատարելու և պատվերները Հայաստան առաքելու Nova ծառայությունը հատուկ ակցիայի շրջանակներում Ռուսական Book24.ru, Ozon.ru և Читай Город կայքերից գնված գրքերը առաքելու է անվճար: Ակցիան գործում է մինչև ս.թ. ապրիլի 1-ը և հասանելի է միայն «Գնիր իմ փոխարեն» ծառայության միջոցով գնված գրքերի համար: Այսինքն նշված խանութներից գրքեր գնելու դեպքում չեք վճարելու «Գնիր իմ փոխարեն» ծառայության և առաքման գումարը: Nova ծառայության մասին ավելի մանրամասն կարող եք կարդալ այստեղ:
Ինչպես Ֆեյսբուքի գրառմանը կցել եռաչափ օբյեկտներ

Ինչպես Ֆեյսբուքի գրառմանը կցել եռաչափ օբյեկտներ



Ֆեյսբուք սոցիալական ցանցում վերջերս ավելացել է եռաչափ օբյեկտներ տեղադրելու և դիտելու գործառույթ: Առայժմ հնարավորություն կա տեղադրել միայն glTF 2.0 ֆորմատի օբյեկտներ, սակայն հատուկ գործիքների միջոցով կարող եք ցանկացած եռաչափ օբյեկտ ձևափոխել այս ֆորմատի և տեղադրել: Windows 10-ում առկա Paint 3D ծրագիրը նույնպես թույլ է տալիս օբյեկտները պահպանել այս ֆորմատով: glTF 2.0 ֆորմատի և դրա ձևափոխման մասին մանրամասն կարող եք կարդալ այստեղ


Եռաչափ պատկերների այս նոր գործառույթի միջոցով օրինակ ապրանքանիշների էջերը կարող են տեղադրել իրենց ապրանքների եռաչափ պատկերները, որպեսզի օգտատերերը բոլոր անկյուններից ավելի պատկերավոր տեսնեն դրանք:

Ֆեյսբուքում արդեն հնարավոր է տեղադրել և դիտել եռաչափ օբյեկտներ:
Posted by Armblog.net on Wednesday, March 14, 2018

Ֆեյսբուքում եռաչափ պատկերներ տեղադրելու համար հատուկ հմտություններ ու գործիքներ պետք չեն: Անհրաժեշտ է ընդամենը քաշել և ստատուսի դաշտի վրա թողնել եռաչափ պատկերի ֆայլը: 



glTF 2.0 ֆորմատի պատրաստի եռաչափ օբյեկտներ կարող եք ներբեռնել օրինակ այստեղից: Այնուհետև Ֆեյսբուքում տեղադրելու համար պետք է քաշեք և տեղադրեք արխիվում առկա .glb ֆայլերից որևէ մեկը:
Google-ը ներկայացրեց Android P օպերացիոն համակարգի առաջին փորձնական տարբերակը

Google-ը ներկայացրեց Android P օպերացիոն համակարգի առաջին փորձնական տարբերակը


Google ընկերությունը օրեր առաջ ներկայացրեց Android օպերացիոն համակարգի հերթական տարբերակը և ծրագրավորողների համար հասանելի դարձրեց Developer Preview 1 տարբերակը: Այս նոր համակարգի անունը սկսվում է P տառով, սակայն դեռ հայտնի չէ, թե P տառով սկսվող կոնկրետ ինչ բառ է լինելու:



Եթե հաշվի առնենք, որ MWC 2018 ցուցահանդեսի ժամանակ ներկայացվեցին մի շարք սմարթֆոններ, որոնք ունեն Apple iPhone X-ի «ճակատային կտրվածք»-ից, ապա կարելի էր սպասել, որ նոր Android-ի նկատելի փոփոխություններից մեկը լինելու է հենց այդ կտրվածքի ծրագրային ապահովումը:



Android P-ի երկրորդ նկատելի փոխոխությունը կապված է ծանուցումների վահանակի արտաքին տեսքի և ֆունկցիոնալության հետ: Անդրոիդ 7-ից սկսած օգտատերերը կարող էին անմիջապես ծանուցումների վահանակում գրել տեքստեր և պատասխանել հաղորդագրություններին: Այս տարբերակում կատարելագործվել է այդ ֆունկցիան:



Օրինակ ծանուցումների մեջ ցուցադրվում է օգտատիրոջ լուսանկարը կամ հաղորդագրության մեջ ներառվող լուսանկարը, հնարավորություն կա կիսատ թողնել պատասխանը և այն շարունակել հավելվածի մեջ, ինչպես նաև Smart replies ֆունկցիայի շնորհիվ ցուցադրել ստանդարտ պատասխանները:



Android P-ում հայտնվել է նաև հատուկ API, որի միջոցով հնարավոր է միաժամանակ աշխատել մի քանի տեսախցիկների հետ: Այժմ սմարթֆոններ արտադրող ընկերությունները հիմնականում ներառում են երկու տեսախցիկների հետ աշխատելու սեփական ծրագրային լուծումները, այդ պատճառով պարզ չի, թե ինչքանով այս նոր API-ն պահանջված կլինի:

Android P-ում առկա են նաև մի շարք այլ փոփոխություններ, որոնցից են HDR VP9 Profile 2 և HEIF ֆայլերի ֆորմատները, Wi-Fi ցանցի միջոցով 1-2 մետրի ճշտությամբ օգտատիրոջ դիրքի որոշումը, տեքստային դաշտերի ավտոմատ լրացման բարելավվումը, ֆոնային ռեժիմում աշխատող հավելվածների համար միկրոֆոնի և տեսախցիկի արգելափակումը, էներգախնայողության և արագագործության բարելավվումը և այլն:



Ինչպես արդեն նշեցի, սա այս օպերացիոն համակարգի առաջին փորձնական տարբերակն է և դեռևս շատ ֆունկցիաներ կան, որոնք հետագայում կներառվեն կամ հայտնի կդառնան: Փորձնական այս տարբերակը հնարավոր է տեղադրել միայն Google Pixel սմարթֆոնների վրա: Նախատեսվում է, որ նոր Android-ի վերջնական տարբերակը հասանելի կլինի այս սեպտեմբերին:
Fortnite: Battle Royale խաղը շուտով հասանելի կլինի նաև Android և iOS համակարգերի վրա

Fortnite: Battle Royale խաղը շուտով հասանելի կլինի նաև Android և iOS համակարգերի վրա


Epic Games ընկերությունը հայտնել է, որ Fortnite: Battle Royale խաղը շուտով հասանելի կլինի Android և iOS պլատֆորմերի վրա: Այսինքն բջջային հեռախոսներով և սմաթֆոններով նույնպես հնարավոր կլինի խաղալ այս հայտնի խաղը: Այս պլատֆորմերի օգտատերերը կկարողանան խաղալ նույն 100 հոգանոց օնլայն խաղը, որը մինչ այժմ խաղում էին PlayStation 4, Xbox One, PC և Mac պլատֆորմերի վրա: 



Fortnite: Battle Royale խաղի բջջային սարքերի վրա ներառում է cross-platform multiplayer ֆունկցիան: Այսինքն, կարող եք բջջային սարքով առցանց խաղալ այլ պլատֆորմերով խաղացողների հետ: Հնարավորություն կա նաև օգտագործել նույն պրոֆիլը տարբեր սարքերի վրա (Xbox One-ի դեպքում բացառություն է և այն չի ներառվում cross-platform ֆունկցիայի մեջ):



Այսօրվանից սկսած iOS համակարգի օգտատերեը կարող են բաժանորդագրվել բետա փորձնական տարբերակին, իսկ Android-ի օգտատերերը պետք է մի փոքր սպասեն:

Google Street View-ով այժմ հնարավոր է վիրտուալ շրջել Disney-ի այգիներում

Google Street View-ով այժմ հնարավոր է վիրտուալ շրջել Disney-ի այգիներում


Google Street View ծառայությունում ավելացվել են ԱՄՆ-ում գտնվող 11 Disney-ի այգիները: Կարող եք սեղմել ներքևի հղումը և բացված ցանկից ընտրել այդ 11 այգիների որևէ մեկը և վիրտուալ շրջայց կատարել:

Բացահայտում - Հրաշագործը

Բացահայտում - Հրաշագործը

Այս հավելվածով կարող եք նախապատրաստվել «Հայոց լեզու և հայ գրականություն» առարկայի քննություններին

Այս հավելվածով կարող եք նախապատրաստվել «Հայոց լեզու և հայ գրականություն» առարկայի քննություններին


Շտեմարան հավելվածը թույլ է տալիս նախապատրաստվել «Հայոց լեզու և հայ գրականություն» առարկայի պետական ավարտական և միասնական քննություններին, ստուգել գիտելիքների մակարդակը ժամանակի ցանկացած պահին և ցանկացած վայրում։



Այն ուսուցման յուրօրինակ էլեկտրոնային վարժասարք գործիք է, որում առանձնացված են «Հայոց լեզու և հայ գրականություն» առարկայի շտեմարանի բոլոր բաժինները և օգտատերը հնարավորություն ունի յուրաքանչյուր բաժնից հարցին պատասխանելուց հետո տեսնել ճիշտ պատասխանը, ինչպես նաև ստանալ վիճակագրություն թեստի արդյունքների վերաբերյալ։



Հավելվածի մշակման աշխատանքները տևել են շուրջ 4 ամիս՝ տվյաների բազայի մուտքագրումից, դիզայնի մշակումից մինչև վերջնական թեստավորում։



Շտեմարան հավելվածի թեստային առաջադրանքերի բազան ներառում է «Հայոց լեզու և հայ գրականություն» շտեմարանի 4 գրքերի հարցերը, որոնք մուտքագրվել է հրապարկված թեստային հարցերի հիման վրա։


Շտեմարան
Շտեմարանի բոլոր բաժինները հասանելի են այժմ։
Posted by Luseen Technologies on Saturday, February 17, 2018

Տեղեկատվական տեխնոլոգիաների ոլորտի Luseen Mobile ընկերություն (luseen.com) հիմադրվել է Արմեն Խաչատրյանի, Վարազատ Ավետիսյանի և Արտակ Դռնոյաին կողմից 2015թ․-ին։ Թիմում աշխատում են միևնույն գաղափարի շուրջ համախմբված 10 երիտասարդ ծրագրավորողներ, դիզայներ, նախագծերի ղեկավարներ։ Luseen Mobile-ն ունի թողարկած մի շարք սեփական գաղափարային հավելվածներ՝ «Զվարթնոց» «Dram Today», «LuseeNet», «Profi4.me»: