![HONOR 90 Lite սմարթֆոն գնելու հինգ պատճառ](https://blogger.googleusercontent.com/img/b/R29vZ2xl/AVvXsEhWBFaS50MY-g-EU_oAvNg8h4_DhnOra4HB-SFjK2SQP3Y81NYXZgFoTwbRH6fvVYJkCFXT4Xw5xfpWR5k6Pf2amFCp_WhZ7x3WU8vjrJKOP2mUF4AiEOOeMUh0DhyphenhyphenBKhAA8ZCqzZdMCeRVZPELYeGT2_y9HP1OcRpAE5UoOi-5amYkaPtPcsz29FBYtPQL/s72-w640-c-h426/main.jpg)
HONOR 90 Lite սմարթֆոն գնելու հինգ պատճառ
![](https://blogger.googleusercontent.com/img/b/R29vZ2xl/AVvXsEhWBFaS50MY-g-EU_oAvNg8h4_DhnOra4HB-SFjK2SQP3Y81NYXZgFoTwbRH6fvVYJkCFXT4Xw5xfpWR5k6Pf2amFCp_WhZ7x3WU8vjrJKOP2mUF4AiEOOeMUh0DhyphenhyphenBKhAA8ZCqzZdMCeRVZPELYeGT2_y9HP1OcRpAE5UoOi-5amYkaPtPcsz29FBYtPQL/w640-h426/main.jpg)
HONOR 90 Lite-ը համաշխարհային արտադրողի առաջարկած բարձրակարգ սմարթֆոնների շարքին է դասվում։ Սակայն, ի տարբերություն ֆլագմանների, այս մոդելն առանձնանում է մատչելի գնով։ Ընդ որում, բացի հասանելի արժեքից, HONOR 90 Lite-ն ունի նաև բազում այլ արժանիքներ։ Ահա հինգ պատճառ նոր սմարթֆոնին հենց հիմա ուշադրություն դարձնելու համար։
Ճոխ դիզայն
HONOR 90 Lite-ի արտաքին տեսքը գրեթե չի տարբերվում մի քանի անգամ ավելի թանկ պրեմիում դասի սմարթֆոններից։ Այն ունի նրբագեղ դիզայն՝ տափակ կողեզրերով, արծաթագույնի, երկնագույնի և սևի նուրբ երանգներ, հետնամասի ծածկույթը մետաքսյա է, որի վրա չեն մնում հետքեր։
![](https://blogger.googleusercontent.com/img/b/R29vZ2xl/AVvXsEhNue55wzWdTtv9Y203IgAyhPgO7YBfeibwFPhtkOdQAPKCdB26GApo1RlsVSGbOEOllyUPQXGypBXUYMpvblOqJcoId9J0UtJoLYc0cURGOIRasZ5EsBQJ4_pssfEENXceUAPTlnhSFcY2f2KmsYHVv0sriGPp2xQKw7k6id3oV3yvFzy_VV8DNy9IWYno/w640-h422/1.jpg)
Սմարթֆոնի տեխնոլոգիականությունն ընդգծվում է նաև տեսախցիկների բլոկի դիզայնով։ Սենսորային երկու հարթակները հատվում են՝ ձևավորելով էլեգանտ լուծում, որն առավել նկատելի է երկնագույն և արծաթագույն տարբերակներում։
Շքեղ էկրան
HONOR-ը սմարթֆոնի մեջ տեղադրել է 6,7 դյույմանոց, առանց շրջանակի հսկա էկրան։ Դրա պատկերն առանձնանում է իրականությանը մոտ գունաարտացոլմամբ, ինչին նպաստում է էկրանի՝ HONOR-ի նախագծած ֆիրմային չափաբերումը։
![](https://blogger.googleusercontent.com/img/b/R29vZ2xl/AVvXsEgqIUX6IR-wS6dKKA0-3uImVDN_y_VBMpTpCMyTC2cTeWQ1SyNAwuJMbuKlZ2QqdKGP7sdyb3Rwp4sK-kfxBpI69dWdT8OgvZYBQ-BP5EBVHh1Z6_WAQ71RQae19wamDkosI7340Dko-HHgJlvJujQjWYBJlGY7VtEt5aaRS7yml5psUhG9F1rTRZp-GiYs/w640-h426/2.jpg)
Էկրանը նաև թույլ է տալիս թարմացնել պատկերը 90 Հց հաճախականությամբ, ինչի շնորհիվ այն առանձնանում է բացառիկ սահունությամբ։ Չմոռանանք նաև, որ արտադրողը հոգ է տանում օգտատիրոջ տեսողության մասին։ HONOR 90 Lite-ն օժտված է դինամիկ պայծառության ֆունկցիայով, որը հարմարվում է բնական լուսավորությանն ու նպասում է աչքերի հոգնածության նվազմանը։ Իսկ ցիրկադային ռեժիմը երեկոյան ժամերին կապահովի ավելի տաք երանգներ, որպեսզի չխաթարի հանգիստ քունը։
100 Մպ տեսախցիկ
Ընդհանուր առմամբ HONOR 90 Lite-ն ունի միանգամից չորս տեսախցիկ։ Դրանց թվում են առջևի 16 Մպ սենսորը, գերլայնանկյուն մոդուլը և սուպերմակրո տեսախցիկը։ Սակայն այս մոդելի աստղը հիմնական 100 Մպ տեսախցիկն է։ Այն թույլ է տալիս լուսանկարել բարձր կետայնությամբ և մոտեցնել նույնիսկ ամենահեռու օբյեկտները՝ գրեթե առանց որակի կորստի։
![](https://blogger.googleusercontent.com/img/b/R29vZ2xl/AVvXsEjkZHgnTaUVFKUv5ImaHMDGJ95nHUgwBW0wxmhdHkRBZF_Dlqx2Lk83OUXtvsepcz02nPsnrj-9GesumN5NvOL2e9tHQ_Dp1ANbUrgFYbY8t6571TC_LG610K6ix0V6jKGuv3qTNx8tRjzNHDzsDXn3DWX0LEl-rEwYclMviMuuAoFghoIfT8DlGOHOhXFJ/w640-h426/3.jpg)
Ծրագրային ապահովումը հետ չի մնում բարձրակարգ տեխնոլոգիաներից: HONOR 90 Lite-ով արված լուսանկարներն ու տեսանյութերը մշակվում են արհեստական բանականության միջոցով։ Կարճ տեսանյութեր նկարելու սիրահարները հավանաբար կգնահատեն տեսանյութերի աուդիոուղորդման համար նախատեսված արդեն իսկ պատրաստի շաբլոնները։
Կատարողականություն յուրաքանչյուր օրվա համար
HONOR 90 Lite-ն ունի նոր Mediatek Dimensity 6020 պրոցեսոր և 8 ԳԲ օպերատիվ հիշողություն։ Այս համադրությունը բավարար է ցանկացած առօրյա խնդիր լուծելու համար։ Խաղե՞ր։ Ոչ մի խնդիր, կարելի է գործարկել ամենանոր նախագծերը։ Տեսանյու՞թ։ Կվերարտադրվի ցանկացած տեսանյութ՝ առանց որևէ ընդհատման։ ՕՀՍ մեծ ծավալի շնորհիվ ակնթարթորեն հասանելի կլինեն բոլոր նորագույն հավելվածները։
![](https://blogger.googleusercontent.com/img/b/R29vZ2xl/AVvXsEhfTQmeiS9yqEuQAWz9i8a6I8CbekT5QX4Z-fnmhQhDZIxrxnEWN2L50tgMubFM7V1qMOnIjW4zJETOnUr8WBhuI8lHb-9_Kv1smZxYxp9CZjKBNsp9f7MlYgdl5An_K1HZ-Y9VXATDEpvaMqiHaUNpCUbtN7oXbGn_rzvoHv3LTGahOKCwDDUA_UmEXyJG/w640-h426/4.jpg)
Տվյալների պահպանման համար նախատեսված է 256 Գբ ծավալով ներքին հիշողություն։ Ունիվերսալ ծավալ, որը հավանաբար կհերիքի մի քանի տարի։ Ընդ որում, կարիք չեք ունենա սահմանափակել ինքներդ ձեզ լուսա/տեսանկարահանման ժամանակ։
Շահավետություն
Ցանկում վերջինն է, բայց ոչ նվազ կարևորը։ Բոլոր թվարկված արժանիքներով հանդերձ, HONOR 90 Lite-ը առանձնանում է զարմանալիորեն մատչելի գնով։ Այս պահին սմարթֆոնը կարելի է ձեռք բերել ընդամենը 98400 դրամով։ Ավելին, եթե մինչև հոկտեմբերի 20-ը հասցնեք գնել HONOR 90 Lite-ը Team Telecom-ում, ապա որպես նվեր կստանաք անլար ականջակալ։
![](https://blogger.googleusercontent.com/img/b/R29vZ2xl/AVvXsEhOk17g2XO9yNu0GC2E7o6AYdJDmVemX_zKT4723mku9xybY-KH2dxtBtmJiuL8XCRUKd686zW7I9kEdI416jbDgXZqtci5WSo2aPdhZsmqmP5QdmTE5m1NVNYKp-M-mR64_Uwol3AJKQkw0Oo3QNpxM7tVwGI5UhQ-7Ay-nvMQ-PcxJUFgadXlscrBzHSi/w640-h426/5.jpg)