Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Երկու նոր մատչելի սմարթֆոններ Xiaomi-ից՝ Redmi 9A և Redmi 9C

Երկու նոր մատչելի սմարթֆոններ Xiaomi-ից՝ Redmi 9A և Redmi 9C


Xiaomi ընկերությունը ներկայացրեց երկու նոր բյուջետային սմարթֆոններ՝ Redmi 9A և Redmi 9C: Սրանք հանդիսանում են Redmi շարքի ամենաէժան սմարթֆոնները: 



Սմարթֆոններն աշխատում են բոլորովին նոր MediaTek Helio G35 և Helio G25 պրոցեսորներով, որոնք հանդիսանում են խաղային չիպեր:



Հեռախոսներն ունեն 6.53 դյույմանոց HD+ IPS էկրան, 5000 մԱ/ժ մարտկոց, 2ԳԲ օպերատիվ և 32ԳԲ ներքին հիշողություն:

Redmi 9A սմարթֆոնն ունի մեկ մոդուլանի 13ՄՊ տեսախցիկ, իսկ ահա 9C մոդելի տեսախցիկ ունի 3 մոդուլ՝ 13, 5 և 2 ՄՊ: Բացի այդ, Redmi 9C սմարթֆոնը հետևի կողմում ունի նաև մատնահետքի սկաներ: Հեռախոսների առջևի տեսախցիկը 5ՄՊ է:


Երկու սմարթֆոններն էլ ոնեն 4G VoLTE, Wi-Fi 802.11 b/g/n և Bluetooth 5.0 մոդուլներ: Առկա են նաև ինֆրակարմիր պորտ և 3.5մմ բնիկ: Հեռախոսներն աշխատում են MIUI 11-ով (Android 10):


Սկզբնական շրջանում հեռախոսները հասանելի են Մալազիայի շուկայի համար: Redmi 9A հեռախոսը կվաճառվի 84$-ով, իսկ Redmi 9C-ն՝ 100$-ով:
Հնդկաստանում արգելափակվել են TikTok, WeChat և չինական 57 հավելվածներ

Հնդկաստանում արգելափակվել են TikTok, WeChat և չինական 57 հավելվածներ


Հնդկաստանի իշխանությունները արգելափակել են մի շարք չինական հավելածներ, որոնց մեջ են նաև հայտնի TikTok, WeChat, Weibo, UC Browser և այլ հավելվածները: Նշվում է, որ սա արվել է անվտանգության նկատառումներից ելնելով: 


Հիշեցնեմ, որ TikTok հավելվածը մշտապես հայտնվում է անվտանգության մասնագետների ուշադրության տակ, քանի որ կասկածվում է գաղտնի տվյալների հավաքագրման մեջ: Վերջերս iOS 14-ի օգտատերերը նկատել էին, որ համակարգն անդադար զգուշացնում է, որ TikTok-ը կարդում է պատճենահանման բուֆերը: Բացի այդ, այս որոշումը կարող է կապ ունենալ շաբաթներ առաջ Հնդկաստանի և Չինաստանի սահմանին տեղի ունեցած լարվածության հետ:
Microsoft-ը թողարկել է ջնջված ֆայլերը վերականգնող նոր ծրագիր

Microsoft-ը թողարկել է ջնջված ֆայլերը վերականգնող նոր ծրագիր


Microsoft ընկերությունը թողարկել է Windows File Recovery ծրագիր, որը նախատեսված է կոշտ սկավառակներից կամ արտաքին կրիչներից ջնջված ֆայլերը վերականգնելու համար: Ինչպես և մնացած նմանատիպ ծրագրերը, այնպես էլ այս ծրագրի արդյունավետությունը կախված է ֆայլի ջնջման վաղեմությունից: Այս ծրագիրը չունի գրաֆիկական ինտերյֆեյս և աշխատում է տեքստային հրամաններով: Հնարավորություն կա նշել որոնվող ու վերականգնվող ֆայլի տիպը (pdf, txt, png և այլն):


Windows File Recovery ծրագիրը կարող եք ներբեռնել Windows Store-ից: Այն նախատեսված է Windows 10 օպերացիոն համակարգի համար:

Անվճար դարձած խաղեր:  AER, Stranger Things 3, Farming Simulator և այլն

Անվճար դարձած խաղեր: AER, Stranger Things 3, Farming Simulator և այլն


Epic Games-ն այս շաբաթ անվճար նվիրում է AER և Stranger Things 3 խաղերը, որոնք ձեր գրադարանում ավելացնելուց հետո կարող եք անվերջ անվճար խաղալ:



Windows Store-ում այս պահին անվճար է Omega Rally Championship, Blackbeard's Cove, Spider Jet Flight, Farming Simulator 14 և Farming Simulator 16 խաղերը:



Xbox Store-ից անվճար կարող եք ներբեռնել Crackdown 2 խաղը:



indiegala կայքում այս պահին անվճար են A.I.M.2 Clan Wars և UBERSOLDIER II խաղերը:


itch.io կայքում այս պահին անվճար է Fumiko խաղը:



Steam-ում այս պահին անվճար է Museum of Other Realities խաղը:



Gog.com-ից տվյալ պահին անվճար կարող եք ձեռք բերել Cyberpunk 2077 խաղին վերաբերող նյութեր:


Հայկական dzook հավելվածում ավելացել է նկարները անիմե ոճի վերածելու գործիք

Հայկական dzook հավելվածում ավելացել է նկարները անիմե ոճի վերածելու գործիք


Բլոգի նախորդ գրառումներից մեկում անդրադարձել էի հայկական dzook ծառայությանը, որի միջոցով հնարավոր է անվճար նկարը վերածել գեղեցիկ իլյուստրացիայի: Այսօրվանից այս գործիքում ավելացել է լուսանկարը անիմե ոճի վերածելու գործիք: 

Բացի այդ, dzook-ը հայտնվել է հայտնի ProductHunt կայքում և ունի բոլորիս աջակցության կարիքը: Պետք է ընդամենը բացել կայքը և սեղմել Upvote կոճակը:


dzook գործիքից կարելի է օգտվել ինչպես անմիջապես վեբ կայքում, այնպես էլ բջջային հավելվածներով:

Ներկայացվեց Cyberpunk 2077 խաղի նոր թրեյլերն ու գեյմփլեյը

Ներկայացվեց Cyberpunk 2077 խաղի նոր թրեյլերն ու գեյմփլեյը


CD Projekt RED անկացրեց օնլայն միջոցառում, որի ընթացքում ներկայացվեց Cyberpunk 2077 խաղի նոր թրեյլերը, գեյմփլեյի մասին ինֆորմացիա և Cyberpunk Edgerunners անիմե սերիալը:



Խաղում լինելու է «Բռենդայսի մեխանիկա» գործառույթը, որի միջոցով խաղի հերոսը կարողանում է «սուզվել» այլ հերոսի հիշողության մեջ:



Հիշեցնեմ, որ խաղի թողարկման ամսաթիվը մի քանի անգամ փոխվել է: Այս պահին նախատեսված է, որ խաղը կթողարկվի նոյեմբերի 19-ին:



iPhone-ի կորպուսը թակելով հնարավոր է անել տարբեր գործողություններ

iPhone-ի կորպուսը թակելով հնարավոր է անել տարբեր գործողություններ


Նոր iOS 14 օպերացիոն համակարգում օգտատերերը հայտնաբերել են նոր գործառույթ, որը թույլ է տալիս ընտրել այն գործողությունները, որոնք կկատարվեն iPhone-ի կորպուսը երկու կամ երեք անգամ թակելով: Այս նոր գործառույթը հնարավոր է ակտիվացնել Settings > Accessibility > Touch > Back Tap էջում:


Համադրելով այս գործառույթը iOS-ի HomeKit-ի հետ, հնարավոր է օրինակ երկու անգամ թակելով վառել սենյակի լույսը: 




Բնականաբար կարող եք կատարել ավելի պարզ գործողություններ (սքրինշոթ անել, բացել ձայնային օգնականը և այլն):


Ինչպես տեղադրել iOS 14 օպերացիոն համակարգի բետա տարբերակը

Ինչպես տեղադրել iOS 14 օպերացիոն համակարգի բետա տարբերակը


Apple ընկերությունը օրեր առաջ ներկայացրեց iOS 14 օպերացիոն համակարգը, որտեղ կատարվել են մի շարք վիզուալ փոփոխություններ: 



Կարևոր փոփոխություններից են էկրանին տեղադրվող ինտերակտիվ վիջեթներն ու զանգի պատուհանի նոր ինտերֆեյսը, որը ցուցադրվում է բացված ծրագրերի վրա և չի ծածկում ամբողջ էկրանը: 


iOS 14 օպերացիոն համակարգի բետա տարբերակն արդեն հասանելի է ծրագրավորողների համար, սակայն բոլոր ցանկացողները նույնպես կարող են այն տեղադրել և փորձարկել: Նշեմ միայն, որ սա փորձնական տարբերակ է և այն տեղադրելուց առաջ խորհուրդ է տրվում պահպանել սմարթֆոնի տվյալները համակարգչի մեջ (backup):


Այսպիսով, iOS 14 համակարգի բետա տարբերակը տեղադրելու համար սմարթֆոնով բացեք այս պրոֆիլի հասցեն և ներբեռնեք պրոֆիլը սմարթֆոնի մեջ: Եթե պրոֆիլն ավտոմատ չի տեղադրվում, ապա բացեք Settings-General-Profile բաժինը (կամ Settings-Profile Downloaded) և ընտրելով iOS 14 պրոֆիլը տեղադրեք այն: 


Այնուհետև բացեք հեռախոսի Settings-General-Software Update բաժինը և թարմացումը կհայտնվի: iPadOS 14-ի դեպքում պետք է ներբեռնեք այս պրոֆիլը
Apple-ը ներկայացրեց նոր iOS 14 օպերացիոն համակարգը

Apple-ը ներկայացրեց նոր iOS 14 օպերացիոն համակարգը


Apple ընկերությունը ներկայացրեց iOS 14 օպերացիոն համակարգը, որտեղ զգալի փոխվել է ինտերֆեյսը: Այս համակարգը ստացել է նոր ինտերակտիվ թարմացվող վիջեթներ: 


Տարբեր չափսերի վիջեթները հնարավոր է տեղադրել էկրանի տարբեր հատվածներում: 



Էկրանի վերջին էջում տեղադրված է հավելվածների գրադարանը, որտեղ ցուցադրվում են խմբավորված ցուցադրվում են բոլոր հավելվածները:


Հեռախոսային զանգերն ու Siri օգնականի պատուհանը ցուցադրվում են թարմացված ինտերֆեյսով և չեն ծածկում ամբողջ էկրանը:


iOS 14 համակարգում թարմացվել է նաև համակարգային հավելվածները, բարելավվել է էմոջիներ ստեղծելու գործառույթը:


iOS 14 համակարգում ներդրվել է նաև App Clip գործառույթը: Դրանք պարզեցված հավելվածներ են, որոնք անհրաժեշտության դեպքում վայրկյանական բացվում են օրինակ ինչ-որ բան վարձակալելու կամ վճարելու համար: Այդ հավելվածները հնարավոր է բացել նոր App Clip կոդերը սկանավորելով (կամ NFC և QR կոդերը):


iOS 14-ում արդեն հնարավոր է նաև փոխել տարբեր գործառույթներ կատարող հիմնական հավելվածները (օրինակ ինտերնետ դիտարկիչ, էլ. փոստ):



iOS 14 համակարգն արդեն հասանելի է ծրագրեր ստեղծողների համար: Բետա տարբերակը հասանելի կլինի մի ամսից, իսկ վերջնական տարբերակը հասանելի կլինի աշնանը:


Նոր NES էմուլյատորը թույլ է տալիս խաղալ հին դասական խաղերը (Dendy) եռաչափ ռեժիմում

Նոր NES էմուլյատորը թույլ է տալիս խաղալ հին դասական խաղերը (Dendy) եռաչափ ռեժիմում


Steam օնլայն խանութում հայտնվել է 3dSen էմուլյատորը, որը թույլ է տալիս PC համակարգիչների վրա խաղալ դասական երկչափ համակարգչային խաղերը (Dendy) եռաչափ ռեժիմում:



3dSen էմուլյատորը տվյալ պահին գտնվում է փորձնական փուլում և Steam-ում վաճառվում է 5.6$-ով:


Նշեմ նաև, որ համանուն հավելված հասանելի է նաև VR սարքերի համար, որը թույլ է տալիս խաղալ այս խաղերը VR ռեժիմում:

Նոր նեյրոցանցը իրական է դարձնում պիկսելներով դեմքը: Հին խաղերի հերոսները զվարճալի են ստացվում

Նոր նեյրոցանցը իրական է դարձնում պիկսելներով դեմքը: Հին խաղերի հերոսները զվարճալի են ստացվում


GitHub-ում հայտնվել է Face Depixelizer նոր նեյրոցանցի կոդը, որը բարելավվում է պիկսելներով նկարի որակը: Ավելի ճիշտ այն իր բազայում եղած նկարները սարքում է պիկսելներով և համեմատում է տրված նկարի հետ: Արդյունքում ցուցադրում է համընկման մեծ տոկոս ունեցող արդյունքը: Օգտատերերն արդեն հասցրել են այն կիրառել մի շարք խաղերի հերոսների վրա և բավականին զվարճալի պատկերներ ստանալ:





Injustice: Gods Among Us խաղն անվճար է դարձել PC, PS4 և Xbox համակարգերի համար

Injustice: Gods Among Us խաղն անվճար է դարձել PC, PS4 և Xbox համակարգերի համար


Warner Brothers Games-ը ժամանակավոր անվճար է տրամադրում է Injustice: Gods Among Us խաղը PC, PS4 և Xbox համակարգերի համար: 


Խաղը Ձեր պրոֆիլում ավելացնելու դեպքում հետագայում կարող եք անվերջ խաղալ: Խաղը ներառում է նաև մի շարք անվճար լրացումներ (DLC):

Ներկայացվեց FIFA21 խաղի մեկնարկային թրեյլերը

Ներկայացվեց FIFA21 խաղի մեկնարկային թրեյլերը


EA Games-ը ներկայացրեց FIFA21 և Madden21 խաղերի մեկնարկային թրեյլերը: FIFA21 խաղը հասանելի է լինելու ս.թ. հոկտեմբերի 9-ին: FIFA 21-ը հասանելի կլինի PlayStation 4, Xbox One, PC և Switch պլատֆորմերի վրա: Հետագայում խաղը հասանելի կլինի նաև նոր սերնդրի խաղային կոսնոլների (PS5, Xbox X) համար: Նշվում է, որ FIFA21 ունեցողներն անվճար կստանան նաև նոր սերնդի կոնսոլների համար: 



Խաղը նախապես պատվիրելու դեպքում կտրվեն մի շարք բոնուսներ: Խաղի գեյմփլեյի մասին մանրամասն նորություններ հասանելի կլինեն մոտակա երկու ամիսներին: