Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Xiaomi-ն ներկայացրեց իր առաջին ծալվող էկրանով Mi Mix Fold սմարթֆոնը, որը կրկնակի էժան է Galaxy Z Fold2-ից

Xiaomi-ն ներկայացրեց իր առաջին ծալվող էկրանով Mi Mix Fold սմարթֆոնը, որը կրկնակի էժան է Galaxy Z Fold2-ից

Xiaomi-ն այսօր շարունակեց երեկ սկսված մեծ միջոցառումը և ցուցադրեց իր առաջին ծալվող էկրանով Mi Mix Fold սմարթֆոնը: Այս նոր սմարթֆոնի կոնստրուկցիան նման է Samsung Galaxy Z Fold2 և Huawei Mate X2 սմարթֆոններին: 

Mi Mix Fold-ի էկրանը ծալվում է ներս և ծալված վիճակում հետևի կողմում ունի լրացուցիչ էկրան: Սմարթֆոնը բացված վիճակում դառնում է 8,01 դյույմանոց պլանշետ:

Բացված վիճակում առկա է այսպես կոչված «դեքսթոփային ռեժիմ», որի ժամանակ հավելվածները բացվում են առանձին պատուհաններում, այլ ոչ թե ամբողջ էկրանով: Փակված վիճակում սմարթֆոնի հետևի էկրանը 6,52 դյույմ է:

Mi Mix Fold սմարթֆոնն ունի 3 մոդուլանի հիմնական տեսախցիկ՝ 108 Մպ (Samsung HMX), 13 Մպ ուլտրալայն և 8 Մպ: 

Վերջին մոդուլը բաղկացած է հեղուկ ոսպնյակից, ինչը թույլ է տալիս տեսախցիկին աշխատել մարդու աչքի նման (միաժամանակ հանդիսանում է և մակրո և տելեֆոտո մոդուլ): Այս մոդուլն ունի 3x օպտիկական և 30x թվային զում: Մոդուլը թույլ է տալիս նկարել նվազագույնը 3 սմ հեռավորությունից:

Mi Mix Fold-ն ունի թոփ SoC Snapdragon 888 պրոցեսոր, 12/16 ԳԲ օպերատիվ և 256/512Գբ ներքին հիշողություն: Սմարթֆոնն ունի 5020 մԱ/ժ մարտկոց (Mi 11 Ultra-ի սիլիցիումի օքսիդային տեխնոլոգիայի նման), որը լիցքավորվում է գերարագ 67 Վտ հզորությամբ (0-ից 100% 37 րոպեում): 

Սմարթֆոնն ունի նաև 4 հատ Harman Kardon դինամիկներ, ինչի շնորհիվ ձայնը դառնում է տարածական (3D panoramic sound):

Ի տարբերություն շուկայում առկա նմանատիպ Samsung Galaxy Z Fold2 և Huawei Mate X2 սմարթֆոնների, Xiaomi Mi Mix Fold-ի գինը զգալի էժան է: Բազային մոդելը (12/256ԳԲ) վաճառվում է 1500 դոլար:


Հայտնի է iOS 15 համակարգի և Apple-ի այլ նորույթների ցուցադրման ամսաթիվը

Հայտնի է iOS 15 համակարգի և Apple-ի այլ նորույթների ցուցադրման ամսաթիվը

Apple ընկերության կայքից տեղեկանում ենք, որ այս տարվա WWDC 2021 միջոցառումը տեղի կունենա հունիսի 7-ից 11-ը: Ինչպես անցած տարի, այս տարի նույնպես միջոցառումը տեղի կունենա օնլայն ֆորմատով (Covid-ի պատճառով): Հիշեցնեմ, որ միջոցառումը նախատեսված է նախևառաջ ծրագրեր մշակողների համար: Սպասվում է, որ միջոցառման ժամանակ Apple-ը կներկայացնի iOS 15, macOS 12, watchOS 8 և tvOS 15 օպերացիոն համակարգերը: Apple-ը հավանաբար կներկայացնի նաև Apple M1X չիպը և թարմացված iMac-ը:

WWDC21 միջոցառման շրջանակներում կանցկացվի նաև Swift Student Challenge մրցույթը, որին մասնակցել ցանկացողները պետք է դիմեն մինչև ապրիլի 18-ը և ներկայացնեն իրենց պրոյեկտները:

Xiaomi-ն ներկայացրեց Mi 11 սմարթֆոնի 5 մոդիֆիկացիաներ, որոնցից Ultra-ն տեսախցիկների բլոկում ունի լրացուցիչ փոքր էկրան

Xiaomi-ն ներկայացրեց Mi 11 սմարթֆոնի 5 մոդիֆիկացիաներ, որոնցից Ultra-ն տեսախցիկների բլոկում ունի լրացուցիչ փոքր էկրան

Այսօր Xiaomi-ն անցկացրեց մեծ միջոցառում, որի ընթացքում ցուցադրեց բազմաթիվ նոր սարքեր: Մասնավորապես ներկայացվեցին Mi 11 սմարթֆոնի 5 նոր մոդիֆիկացիաներ՝ Mi 11i, Mi 11 Lite, Mi 11 Lite 5G, Mi 11 Pro և Mi 11 Ultra: 



Հատկապես հետաքրքիր է Ultra մոդելը, որ հետնամասնում տեղադրված է լրացուցիչ փոքր էկրան: Այդ էկրանը գտնվում է տեսախցիկների մոդուլների կողքին և կարող է օգտագործվել տարբեր նպատակներով (տեսնել ծանուցումները, հետևի տեսախցիկով սելֆի անելուց տեսնել պատկերը և այլն): 

AMOLED Էկրանի չափսը 1.1 դյույմ է և ունի Always On ռեժիմ:

Mi 11 Pro-ի հիմնական էկրանը 6.81 դյույմ է, որն աշխատում է 120 Հց հաճախականությամբ: Սմարթֆոնի պրոցեսորը Snapdragon 888 է (ինչպես Mi 11-ում): 

Սմարթֆոնը լիցքավորվում է անլար 67 Վտ հզորությամբ: Mi 11 Ultra և Mi 11 Pro սմարթֆոնների 5000 մԱ/ժ մարտկոցը ստեղծվել է նոր տեխնոլոգիայով (սիլիցիումի օքսիդից), ինչն ավելի բարակ է ու տարողունակ: Այս մարտկոցը նաև ավելի արագ է լիցքավորվում: Սմարթֆոնով հնարավոր է նաև անլար լիցքավորել այլ հեռախոս 10 Վտ հզորությամբ:

Նշվում է, որ սա շուկայում առաջին սմարթֆոնն է, որի մարտկոցը ստեղծվել է այս տեխնոլոգիայով: 

Սմարթֆոնի հովացման համակարգը նույնպես յուրահատուկ է: Այն աշխատում է եռափուլ անցումի տեխնոլոգիայով, ինչը լավացնում է հովացումը 100%-ով:

Mi 11 Ultra-ի տեսախցիկն ունի 5x օպտիկական և 120x թվային զում: Տեսախցիկը բաղկացած է 50+48+48 Մպ մոդուլներից: 

Գլխավոր GN2 մոդուլը Samsung-ինն է: Սմարթֆոնի առջևի տեսախցիկը 20 Մպ է:


Միջոցառման մասին ավելի մանրամասն իմանալու համար կարող եք դիտել ամբողջ միջոցառման ձայնագրությունը, որը տևել է մոտ 5 ժամ:

Xiaomi-ն ներկայացրեց մինչև 3 սարք միաժամանակ անլար լիցքավորող սարք

Xiaomi-ն ներկայացրեց մինչև 3 սարք միաժամանակ անլար լիցքավորող սարք

Xiaomi ընկերությունն այօրվա միջոցառման ժամանակ ներկայացրեց նաև  մինչև 3 սարք միաժամանակ անլար լիցքավորող սարք, որը նման է Apple-ի կողմից ներկայացված AirPower սարքին: Հիշեցնեմ, որ AirPower-ն այնպես էլ սերիական արտադրության չհանվեց Apple-ի կողմից:

Xiaomi-ի այս նոր սարքը միաժամանակ  Qi տեխնոլոգիայով լիցքավորում է երեք սարքեր 20 Վտ հզորությամբ: Նշվում է նաև, որ բոլորովին պարտադիր չի, որպեսզի սարքերը ուղիղ դրվեն սարքի վրա: Սարքն արժի մոտ 90 դոլար:

Բացի այդ Xiaomi-ն ցուցադրեց նաև 80 Վտ անլար լիցքավորման տակդիր, որը 120 Վտ ադապտերի հետ ներառված է Mi 11 Pro-ի  Super Package Edition կոմպլեկտում:

Xiaomi-ն ներկայացրեց Mi Band 6 սմարթ թևնոցները

Xiaomi-ն ներկայացրեց Mi Band 6 սմարթ թևնոցները

Xiaomi ընկերությունը ներկայացրեց Mi Band 6 սմարթ թևնոցը, որը արտաքնապես գրեթե չի տարբերվում նախորդ մոդելից: Միակ զգալի տարբերությունն այն է, որ այս թևնոցն ունի ավելի մեծ էկրան (1.56 դյույմ ~326 ppi), ինչի շնորհիվ էկրանին 50%-ով ավելի շատ ինֆորմացիա է ցուցադրվում: Mi Band 6-ում ավելացել են նոր ցիֆերբլատներ:

Նոր թևնոցում ավելացել են 19 նոր սպորտային ռեժիմներ և այժմ դրանց թիվը 30 է: Թևնոցը կարողանում է ավտոմատ միացնել ռեժիմները, եթե հայտնաբերում է որևէ սպորտային ակտիվություն: Թևնոցը ջրակայուն է: Mi Band 6-ի մարտկոցը մեկ լիցքավորմամբ աշխատում է 14 օր:

Թևնոցը հետևում է քնի որակին, ակտիվության անձնական ինդեքսին (PAI), hաշվարկում է կանացի ցիկլերը, չափում է արյան մեջ թթվածնի հագեցվածությունը (SpO2), սրտի աշխատանքը և ստրեսի մակարդակը, ինչպես նաև հաշվում է քայլերը: 


Թևնոցի մեջ ներդրված է GPS մոդուլ: Իսկ ահա NFC մոդուլով որոշ երկրներում հնարավոր է վճարումներ կատարել:

Mi Band 6 թևնոցի բազային տարբերակը վաճառվելու է 35 դոլարով, իսկ NFC տարբերակը՝ 43$: Համեմատության համար նշեմ, որ Mi Band 5-ը համապատասխանաբար վաճառվում էր 27$-ով և 32$-ով:

Այս Android հավելվածով կարող եք անվճար լսել հազարավոր աուդիոգրքեր

Այս Android հավելվածով կարող եք անվճար լսել հազարավոր աուդիոգրքեր

Այս հավելվածը նախատեսված է ռուսական RuTracker կայքում տեղադրված աուդիոգրքերի գրադարանից օգտվելու համար: Այն իր մեջ ներառում է ներդրված Torrent կլիենտ և աուդիո փլեյեր: Գրքերը դասավորված են ըստ ժանրերի: 

Փլեյերում հնարավոր է կարգավորել արագությունը, ինչպես նաև միացնել քնի ռեժիմը, որի դեպքում ընտրված ժամանակից հետո հավելվածը կանջատվի:

Հնարավորություն կա նաև աուդիո գրքերը լսել ֆոնային ռեժիմում: Այսինքն կարող եք բացել հավելվածը, ընտրել գիրքը և օգտվել այլ հավելվածներից, կամ պարզապես արգելափակել հեռախոսի էկրանը:

Հավելվածի Pro տարբերակի apk ֆայլը կարող եք անվճար ներբեռնել և տեղադրել  Արմբլոգի Տելեգրամի էջից: Հավելվածից օգտվելու համար պետք է գրեք Rutracker կայքի Ձեր օգտանունն ու գաղտնաբառը: 

Եթե գրանցված չեք այդ կայքում, ապա կարող եք անվճար գրանցվել կամ օգտվել այս այս պրոֆիլից՝ օգտանուն՝ rurur0, գաղտնաբառ՝ rurur0

PlayStation-ի համար անվճար են դարձել 9 խաղեր

PlayStation-ի համար անվճար են դարձել 9 խաղեր

#PlayAtHome միջոցառման շրջանակներում PlayStation Store-ում անվճար են դարձել 9 խաղեր: Խաղերը անվճար հնարավոր է վերցնել մինչև ապրիլի 22ը: Այսինքն, մինչև այս ժամկետի ավարտը խաղերը գրադարանում ավելացնելուց հետո հնարավոր է անվերջ խաղալ: Նշեմ, որ մինչև ապրիլի 1-ը կարող եք անվճար ստանալ նաև Ratchet & Clank (2016)  խաղը: Այսպիսով, այս պահին անվճար են հետևյալ խաղերը՝ 

Abzû 
Enter The Gungeon 
REZ Infinite 
Subnautica 
The Witness 
Astro Bot Rescue Mission 
Moss 
Thumper 
Paper Beast
Ratchet & Clank
Թարմացված Tesla-ներում առաջ կամ հետ գնալու համար պետք է սենսորային էկրանի վրա մատով բարձրացնել վերև կամ ներքև

Թարմացված Tesla-ներում առաջ կամ հետ գնալու համար պետք է սենսորային էկրանի վրա մատով բարձրացնել վերև կամ ներքև

Թարմացված Tesla S/X ավտոմեքենաներում բացակայում է P (Parking),R (Reverse),N (Neutral), D (Drive) ռեժիմները փոխելու բռնակը: Մեքենան ավտոմատ որոշելու է և փոխելու է ռեժիմը: Օրինակ, եթե մեքենայի առջևում խոչընդոտ կա, ապա մեքենան ավտոմատ փոխելու է R-ի վրա: Եթե այնուամենայնիվ վարորդը ցանկանում է ինքնուրույն փոխել ռեժիմը, ապա պետք է սենսորային էկրանի վրա գտնվող փոքր մեքենան բարձրացնի վերև կամ ներքև: 

Neutral-ի հարցը մի փոքր ավելի դժվար է: Այն թաքնված է էկրանի մենյուներից մեկում:

Telegram-ում «օրենքի ուժով» նորից հայտնվել է Глаз Бога բոտը, որով կարելի է որոնել ՌԴ քաղաքացիների անձնական տվյալները

Telegram-ում «օրենքի ուժով» նորից հայտնվել է Глаз Бога բոտը, որով կարելի է որոնել ՌԴ քաղաքացիների անձնական տվյալները

Telegram-ում նորից հայտնվել է Глаз Бога բոտը, որի միջոցով հնարավոր է որոնել ու տեսնել ՌԴ քաղաքացիների մի շարք անձնական տվյալներ: Նշեմ, որ նախկինում այս բոտը Տելեգրամից ջնջվել էր Роскомнадзор-ի պահանջով, սակայն բոտի ստեղծողները վարձել են պրոֆեսիոնալ իրավաբանների և կարողացել են այնպես անել, որպեսզի օրինական կերպով այս բոտը նորից աշխատի: Հեղինակները նշում են, որ այս բոտը իրականում որոնողական համակարգի նման է, այսինքն այն սկանավորում է համացանցում գտնվող բաց տվյալները: 

Հետաքրքիրն այն է, որ այս բոտում հնարավոր է տվյալներ որոնել հեռախոսահամարով, սոցիալական ցանցի տվյալներով, մեքենայի համարանիշով կամ VIN կոդով, լուսանկարով, էլ փոստով կամ գաղտնաբառով, իրավաբանական անունով, հասցեով, IP հասցեով և այլ տվյալներով: Անվճար ցուցադրվում են ոչ բոլոր տվյալները, իսկ ամբողջականը տեսնելու համար պետք է վճարել չնչին գումար:


Քանի օր այս բոտն այժմ աշխատում է օրենքների սահմաններում, այդ պատճառով որոնող կատարող օգտատերը պետք է սկզբում համաձայնվի պայմաններին և ընտրի առաջարկվող օրենքներից մեկը, որով ցանկանում է որոնում կատարել:

Oneplus-ը ներկայացրեց OnePlus Watch  խելացի ժամացույցը

Oneplus-ը ներկայացրեց OnePlus Watch խելացի ժամացույցը


OnePlus 9 սմարթֆոնի պրեզենտացիայի միջոցառման ժամանակ OnePlus ընկերությունը ցուցադրեց նաև իր առաջին խելացի OnePlus Watch ժամացույցը: 


Ժամացույցի կլոր էկրան տեղադրված է չժանգոտվող մետաղի մեջ և պաշտպանված է ջրից IP68 ստանդարտով: 1,39 դյույմանոց Էկրանն ունի 454×454 (326 ppi) կետերի թողունակություն: Ժամացույցը ղեկավարվում է սենսորային էկրանով և կողքի հատվածում գտնվող ֆիզիկական կոճակներով:


OnePlus Watch ժամացույցներն ունեն 1 ԳԲ օպերատիվ և 4 ԳԲ ներքին հիշողություն: Ժամացույցն ունի Wi-Fi, Bluetooth և GPS մոդուլներ: Ժամացույցը չունի 4G մոդուլ: Ժամացույցի մեջ ներդրված են նաև բարձրախոս և միկրոֆոն, որոնցով հնարավոր է պատասխանել զանգերին: 


Ժամացույցի 402 մԱ/ժ մարտկոցը մեկ լիցքավորմամբ աշխատում է մոտ երկու շաբաթ, իսկ ակտիվ օգտագործման դեպքում՝ 1 շաբաթ: 


Ժամացույցն ունի 110 տեսակի սպորտային ռեժիմներ և կարողանում է ավտոմատ որոշել վարժության սկիզբն ու ավարտը: Ժամացույցը չափում է սրտի աշխատանքը, քնի որակը, ստրեսի մակարդակը և արյան մեջ թթվածնի քանակությունը: Ժամացույցը ցուցադրում է նաև սմարթֆոնի վրա եկած ծանուցումները: Ժամացույցի ներքին հիշողության վրա հնարավոր է տեղադրել երգեր և լսել դրանք անմիջապես ժամացույցին միացված ականջակալներով կամ ժամացույցի բարձրախոսով: 


Ժամացույցն աշխատում է ֆիրմային RTOS (Real-Time Operating System) օպերացիոն համակարգով և տվյալ պահին միանում է միայն Android 6 կամ բարձր սմարթֆոնների: Սխասվում է, որ շատ շուտով հնարավոր կլինի նաև միացնել iPhone-ներին: 


OnePlus Watch ժամացույցով հնարավոր է նաև կառավարել մոտակայքում գտնվող OnePlus TV հեռուստացույցը: Ժամացույցները նաև ավտոմատ անջատում են հեռուստացույցը, երբ օգտատերը քնում է: OnePlus Watch ժամացույցը վաճառքի է հանվելու ապրիլի 14-ից և արժենալու է $159:
Android-ում վերջին օրերին հայտնվել են տարօրինակ սխալներ: Ինչպես ուղղել

Android-ում վերջին օրերին հայտնվել են տարօրինակ սխալներ: Ինչպես ուղղել

Android հեռախոսի հազարավոր օգտատերեր վերջերս համացանցում բողոքում են, որ իրենց սմարթֆոնների վրա փակվում են ծրագրերը և հայտնվում են տարօրինակ սխալներ: Պարզվում է, որ այս խափանումն առաջացրել է հենց Գուգլի կողմից վերջերս թողարկված WebView կոմպոնենտը, որն ավտոմատ թարմացվում է, եթե Play Market-ում նշված է համապատասխան կարգավորումը: Google-ն արդեն հասցրել է ուղղել սխալը և թողարկել է այս կոմպոնենտի նոր տարբերակը: Թարմացնելու համար բացեք սմարթֆոնի Play Market-ը և թարմացրեք WebView հավելվածը: