Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Honor X7, X8 և X9 սմարթֆոնների տեխնիկական պարամետրերի և արտաքին տեսքի համեմատություն

Honor X7, X8 և X9 սմարթֆոնների տեխնիկական պարամետրերի և արտաքին տեսքի համեմատություն


Վերջերս Honor ապրանքանիշը գլոբալ շուկայի համար թողարկեց X շարքի նոր բյուջետային սմարթֆոններ: Քանի որ Honor X8-ին մանրամասն արդեն անդրադարձել ենք, ապա այս անգամ կպարզենք, թե ինչ պարամետրերով են տարբերվում Honor X7, X8 և X9 սմարթֆոնները:

Պրոցեսոր և գրաֆիկական ադապտեր 
Բոլոր երեք մոդելներն աշխատում են 8 միջուկանի Snapdragon 680 4G պրոցեսորով և Adreno 610 գրաֆիկական ադապտերով: Այս երկու պարամետրերով երեք մոդելները հավասար են: 


Օպերատիվ և ներքին հիշողություն 
Honor X7-ն ունի 4/6 ԳԲ օպերատիվ և 128 Գբ ներքին հիշողություն: X8-ն ունի 6 Գբ օպերատիվ և 128 Գբ ներքին հիշողություն: Իսկ ահա X9 մոդելն ունի 4/6/8 Գբ օպերատիվ և 128 Գբ ներքին հիշողություն: Սմարթֆոններում ներդրված վիրտուալ հիշողության տեխնոլոգիան թույլ է տալիս ներքին հիշողության հաշվին ունենալ 2 Գբ ավել օպերատիվ հիշողություն: X7 մոդելն ուն նաև մինչև 512 Գբ microSD քարտ տեղադրելու հնարավորություն, ինչը կարելի է համարել առավելություն մնացած երկուսի նկատմամբ: 


Մարտկոցի ծավալ և լիցքավորման արագություն 
Honor X7-ն ունի 5000 մԱժ մարտկոց, որը լարով լիցաքավորվում է 22.5 Վտ առավելագույն հզորությամբ: Honor X8 մոդելի մարտկոցը 4000 մԱժ է: Այն նույնպես լիցքավորվում է 22.5 Վտ հզորությամբ: Honor X9-ի մարտկոցը 4800 մԱժ մարտկոցը լիցքավորվում է 66Վտ հզորությամբ: 


Բոլոր երեք մոդելներն էլ չեն լիցքավորվում անլար տարբերակով: Երեք մոդելներից ամենաշատ ծավալով մարտկոց ունի X7-ը, սակայն լիցքավորման արագությամբ այդ կատեգորիայում հաղթում է X9-ը: Նշեմ, որ սմարթֆոնների տուփերում առկա են հենց առավելագույն հզորության լիցքավորիչները: 




Տեսախցիկներ 
Honor X7-ի հետնամասում տեղադրված են 4 մոդուլներ՝ 48 ՄՊ (f/1.8) հիմնական + 5 ՄՊ (f/2.2) լայնանկյուն + 2 ՄՊ խորության մոդուլ (f/2.4) + 2 ՄՊ մակրո տեսախցիկ (f/2.4): Honor X7-ի առջևի տեսախցիկը 8 ՄՊ (f/2.0) է: 


Honor X8-ի հետնամասում տեղադրված են 4 մոդուլներ՝ 64 ՄՊ (f/1.8) հիմնական + 5 ՄՊ (f/2.2) լայնանկյուն + 2 ՄՊ խորության մոդուլ (f/2.4) + 2 ՄՊ մակրո տեսախցիկ (f/2.4): Honor X8-ի առջևի տեսախցիկը 16 ՄՊ (f/2.45) է: 


Honor X9-ի հետնամասում տեղադրված են 4 մոդուլներ՝ 64 ՄՊ (f/1.8) հիմնական + 8 ՄՊ (f/2.2) լայնանկյուն + 2 ՄՊ խորության մոդուլ (f/2.4) + 2 ՄՊ մակրո տեսախցիկ (f/2.4): Honor X9-ի առջևի տեսախցիկը 16 ՄՊ (f/2.45) է: 

Տեխնիկական պարամետրերից կարող եք տեսնել, որ X7-ի տեսախցիկը զիջում է X8-ի և X9-ի տեսախցիկներին, որոնք միմյանցից քիչ են տարբերվում: Ներկայացնեմ մի քանի լուսանկարներ, որոնք կատարել եմ այս սմարթֆոնների տեսախցիկներով: 





Բոլոր սմարթֆոնների տեսախցիկներն ունեն 8x թվային զում: Սմարթֆոններում առկա են նկարահանման մի շարք ռեժիմներ՝ գիշերային, լայնանկյուն, սելֆի (բոկե), պրոֆեսիոնալ, պանորամա, սուպեր մակրո և այլն: Սմարթֆոնների առջևի և հետևի տեսախցիկներով հնարավոր է նկարել FullHD վիդեոներ: Սմարթֆոնների առջևի տեսախցիկները նախատեսված են նաև դեմքը 2D-ով սկանավորելու և սմարթֆոններն արգելափակումից հանելու համար: 


Էկրան 
Երեք մոդելներն էլ ունեն IPS էկրան, որոնց չափսերը շատ քիչ են տարբերվում` Honor X7-6.74 դյույմ (720x1600), Honor X8-6.7 դյույմ (1080x2388), Honor X9-6.81 դյույմ (1080x2388): 


Երեք մոդելների էկրանները թարմացվում են 90 Հց հաճախականությամբ: Եթե հաշվի առնենք էկրանի թողունակություն և պիքսելների խտությունը, ապա այստեղ առավելություն ունեն X8 և X9 մոդելները: 


NFC, Bluetooth, Wi-Fi և այլ մոդուլներ 
Շուկայից կախված երեք սմարթֆոններն էլ ունեն NFC մոդուլ: Բոլոր սմարթֆոններն ունեն միևնույն Wi-Fi 802.11 a/b/g/n/ac և նավիգացիոն GPS/GLONASS/BeiDou/Galileo մոդուլները: Honor X7-ում տեղադրված է Bluetooth 5.1 մոդուլ, իսկ մնացած երկուսում՝ Bluetooth 5.0: Սմարթֆոններն աշխատում են երկու SIM քարտերով 4G/LTE ցանցում: Honor X7 և X8 մոդելներն ունեն 3.5մմ ականջակալների բնիկ, իսկ X9-ի ականջակալները միացվում են USB-C բնիկով: Եթե ականջակալները լարով եք միացնում, ապա չեք կարող միաժամանակ լիցքավորել և օգտվել ականջակալներից: Այդ պատճառով ես այստեղ ընտրում եմ 3.5մմ բնիկով տարբերակները: 


Օպերացիոն համակարգ և ծրագրեր 
Բոլոր մոդելները տուփից աշխատում են Magic UI 4.2 ինտերֆեյսով, որը հիմնված է Android 11-ի վրա: Նշեմ նաև, որ Honor X շարքի սմարթֆոնների վրա վերադարձել են Google-ի ծառայությունները (Play Market և այլն): 

Չափսեր, կշիռ և արտաքին տեսք 
Honor X7-ը կշռում է 198 գրամ, X8-ը՝ 177 գրամ, իսկ X9-ը՝ 189 գրամ: Սմարթֆոնների հաստություններն ու չափսերն են՝ 

Honor X7 - 8.62 մմ, 77.19 x 167.59 մմ 
Honor X8 - 7.45 մմ, 74.7 x 163.4 մմ 
Honor X9 - 8.05 մմ, 75.78 x 166.07 մմ 

Երևի արդեն նկատեցիք, որ թվարկվածներից ամենաթեթև, ամենաբարակն ու ամենակոմպակտ մոդելը X8 մոդելն է: Իմ սուբյեկտիվ կարծիքով այս երեք մոդելներից X8-ը առանձնանում է նաև իր գեղեցկությամբ, սակայն ինչպես ասում են ճաշակին ընկեր չկա: 


Ժամանակակից սմարթֆոններում արտաքին տեսքը բնորոշվում է նաև սմարթֆոնների հետևի տեսախցիկների վահանակով և առջևի տեսախցիկի դիրքով: Տվյալ 3 մոդելները նշված վահանակի տեսքով զգալի տարբերվում են: 





Իսկ ինչ վերաբերում է առջևի տեսախցիկի դիրքին ու տեսքին, ապա X7 մոդելում այն տեղադրված է էկրանի վերևի հատվածում «կաթիլի» տեսքով, իսկ մնացած երկու մոդելներում այն տեղադրված է էկրանի վրա գտնվող փոքր անցքի մեջ: 


Մատնահետքի սկաները բոլոր մոդելներում տեղադրված է կողքի հատվածում գտնվող ֆիզիկական կոճակի մեջ: Սմարթֆոնի տեսքի կարևոր բնութագրիչներից է նաև գույնը: Honor X շարքի նշված 3 մոդելները հասանելի են Ocean Blue, Midnight Black և Titanium Silver երանգներով: 

Honor X7, X8 և X9 սմարթֆոնները Հայաստանում կարող եք ձեռք բերել Ucom վաճառասրահներից:



 «SpaceX-ի տիեզերանավով Երկիր մոլորակի ուղեծիր է դուրս բերվել ՀՀ առաջին արբանյակը

«SpaceX-ի տիեզերանավով Երկիր մոլորակի ուղեծիր է դուրս բերվել ՀՀ առաջին արբանյակը

Մայիս 25-ին ԱՄՆ Ֆլորիդայի նահանգի Cape Canaveral Space Force Station կայանից SpaceX ընկերության Falcon 9 հրթիռով թողարկվել է Transporter-5 տիեզերանավը, որը Երկրի ուղեծիր է դուրս բերել 59 փոքր արբանյակներ, այդ թվում նաև հայկական՝ Երկրագնդի դիտարկման արբանյակը։  

Սա տեղի է ունեցել հայկական պետական «Գեոկոսմոս» ՓԲԸ-ի եւ իսպանական «Սանտլանտիս» ընկերության համագործակցության արդյունքում: Արբանյակից արված լուսանկարները կօգտագործվեն նաեւ սահմանների պաշտպանության համար։

Xiaomi-ն ներկայացրեց Mi Band 7 սմարթ ֆիթնես թևնոցը

Xiaomi-ն ներկայացրեց Mi Band 7 սմարթ ֆիթնես թևնոցը

Xiaomi ընկերությունը ցուցադրեց Mi Band սմարթ ֆիթնես թևնոցի 7-րդ տարբերակը, որն արտաքնապես նման է Mi Band 6-ին: Mi Band 7-ի AMOLED 490×192 էկրանը 1.62 դյույմն է (նախորդինը՝ 1.56), ինչի հաշվին էկրանի օգտագործվող մակերեսը մեծացել է 25%-ով: Թևնոցում առկա է նաև Always On Display ռեժիմ, ինչի շնորհիվ էկրանին միշտ ցուցադրվելու է ժամը կամ այլ ինֆորմացիա: 

Mi Band 7-ում շատացել է նաև մարտկոցի ծավալը՝ 125-ից դառնալով 180 մԱժ: Թևնոցում առկա են նմանատիպ սարքերում առկա բոլոր գործառույթները՝ քնի, սրտի աշխատանքի, ակտիվության, արյան մեջ թթվածնի քանակության մոնիթորինգ: 

Mi Band 7-ում լավացվել է SpO2-ի մոնիթորինգը: Օրինակ 90%-ից ցածրի դեպքում թևնոցն վիբրացիայի միջոցով տեղեկացնում է օգտատիրոջը: Թևնոցում կա նաև մարզման ծանրաբեռնվածության հաշվիչ, որով կարելի է հաշվել, թե ինչքան է պետք հանգստանալ մարզումը շարունակելու համար: Mi Band 7-ում ներդրված են 120 սպորտային ռեժիմներ: 

Mi Band 7-ը թողարկվելու նաև NFC տարբերակով, որով հնարավոր կլինի օրինակ վճարումներ անել: Թևնոցները վաճառվելու են մոտ 40 դոլարով: Վաճառքը կմեկնարկի մայիսի 30-ից:

Google-ի նոր նեյրոցանցը գեներացնում է նկարներ ըստ նկարագրված տեքստի

Google-ի նոր նեյրոցանցը գեներացնում է նկարներ ըստ նկարագրված տեքստի

Google ընկերությունը ներկայացրեց Imagen նոր նեյրոցանցը, որը գեներացնում է նկարներ ըստ նկարագրված տեքստի: Imagen-ը սկզբում գեներացնում է 64x64 չափսերով նկար, այնուհետև այն աստիճանաբար մեծացնում է:


DrawBench տեստի ընթացքում նմանատիպ գործիքներով գեներացված նկարները ցուցադրվել են մարդկանց և նրանք նախընտրել են հենց Imagen-ով գեներացվածները:


Ի տարբերություն մեկ այլ հայտնի գործիքի՝ DALL-E-ի կամ DALL-E 2-ի, Google-ի այս գործիքն ու ծրագրային կոդը դեռ հասանելի չէ օգտատերերի համար:

Imagen-ի կայքում կարող եք տեսնել գեներացված նկարների օրինակներ, ինչպես նաև ընտրել բառեր, որոնց հիման վրա կգեներացվեն նկարները:

Նշեմ, որ շաբաթներ առաջ ռուսական «Сбер» ընկերությունը թողարկել էր ruDALL-E կոչվող նմանատիպ գործիք, որտեղ հնարավոր է նաև բացատրել գեներացվող նկարը ռուսերենով: Այդ գորքիքը կարող եք փորձարկել պաշտոնական կայքում: Ծրագրային բաց կոդով ևս մեկ նմանատիպ գործիք է CompVis Latent Diffusion-ը:

Яндекс.Музыка հավելվածում հայտնվել է կարաոկե ռեժիմ

Яндекс.Музыка հավելվածում հայտնվել է կարաոկե ռեժիմ


Яндекс-ը թարմացրել է Яндекс.Музыка ծառայությունը և այնտեղ ավելացրել կարաոկե ռեժիմ: Այս ռեժիմն ակտիվացնելու համար անհրաժեշտ է սեղմել երգի էկրանի ներքևում գտնվող T տառի վրա: 

Կարաոկե ռեժիմն արդեն հասանելի է  Яндекс.Музыка  iOS և Android հավելվածներում: 

Ինչ ցուցադրվեց Google I/O 2022 միջոցառման ժամանակ

Ինչ ցուցադրվեց Google I/O 2022 միջոցառման ժամանակ


Մայիսի 11-ին Google-ը անցկացրեց ամենամյա Google I/O միջոցառումը, որի ընթացքում ցուցադրվեցին մի շարք ծրագրային և ապարատային նորույթներ: Եկեք համառոտ տեսնենք, թե ինչ ներկայացրեց Google-ը:

Pixel 7 և Pixel 7 Pro

Google-ը ցուցադրեց նոր ֆլագմանների արտաքին տեսքն ու որոշ տեխնիկական պարամետրեր: Google-ի երկրորդ սերնդի Tensor  չիպով աշխատող այս սմարթֆոնները հասանելի կլինեն աշնանը: Սմարթֆոնների տեսախցիկների ալյումինից բլոկը տեսքով նման է նախորդ սերնդի մոդելներին:


Pixel 6a


Google-ը նաև ներկայացրեց Pixel 6 և 6 Pro սմարթֆոնների բյուջետային տարբերակը, որը վաճառվելու է 449 դոլարով: Սմարթֆոնների վաճառքը կմեկնարկի հուլիսի 28-ից: Այս մոդելն աշխատում է նույն Tensor պրոցեսորով, ինչը տեղադրված է 6 և 6 Pro մոդելներում:


Google Pixel Watch 


Շաբաթներ առաջ համացանցում արդեն տեղեկություններ ու լուսանկարներ էին տարածվել, որը Google-ը պատրաստվում է թողարկել իր առաջին սմարթ ժամացույցը՝ Google Pixel Watch-ը: Այսպիսով երեկ այն պաշտոնապես ներկայացվեց: Այն աշխատում է Wear OS 3 օպերացիոն համակարգով:


Pixel Buds Pro


Pixel Buds Pro նոր ականջակալներն ունեն առանձին 6 միջուկանի աուդիոչիպ, որը նախատեսված է ակտիվ ձայնամեկուսացման համար: Յուրաքանչյուր ականջակալում տեղադրված է 3 միկրոֆոն: Ականջակալներն ունեն նաև «թափանցիկ» ռեժիմ, որը դրսի ձայնը փոխանցում է ներս: Ականջակալներն ունեն նաև տարածական (spatial audio) ֆունկցիա: Մեկ լիցքավորումով ականջակալներն աշխատում են 31 ժամ (տուփի հետ): Հնարավորություն կա նաև լիցքավորել անլար ռեժիմով: Վառաքը կմեկնարկի հուլիսի 21-ից: Անաջակալներն արժեն 199 դոլար: Ականջակալները հասանելի են 4 գույներով:


Google Tensor պլանշետ


Google-ը ցուցադրեց նաև Tensor չիպով աշխատող պլանշետ, որն աշխատելու է մեծ էկրանների համար նախատեսված Android 12L օպերացիոն համակարգով: Այս պլանշետը նախատեսվում է թողարկել 2023 թվականին:

Google Wallet հավելված


Google-ը ներկայացրեց Wallet հավելվածը, որը նախատեսված է բանկային քարտեր, ավիատոմսեր, կուպոններ, սերտիֆիկատներ, ինչպես նաև մեքենայի թվային բանալիներ պահելու համար: Հավելվածում հնարավոր կլինի պահել նաև սկանավորվող անձնագրերն ու վարորդական վկայականները: Կարելի է ասել, որ սա ձևափոխված նախկինում հայտնի Google Pay հավելվածն է: 


Թարմացված Android 12L


Մեծ էկրանների համար նախատեսված Android 12L օպերացիոն համակարգի տակ ադապտացվել են ավելի քան 20 հավելվածներ (YouTube, TikTok, Google Maps և այլն): Android 12L-ի ծանուցումների կենտրոնը բաժանված է երկու հատվածների՝ կառավարող կոճակների և ծանուցումների: 


Drag’n’drop ֆունկցիայով հնարավոր կլինի մի հավելվածից պարունակությունը տեղափոխել այլ հավելված: Ինչ վերաբերում է Android 13-ին, ապա բետա տարբերակն արդեն հասանելի է ոչ միայն Pixel սարքերի վրա, այլև Asus, Lenovo, Xiaomi, OnePlus, realme, Vivo, Oppo և այլն:

Թարմացված Google Assistant

Google-ը թարմացրել է նաև ձայնային օգնականը: Հայտնվել է Look and Talk նոր գործառույթ Google Nest սարքերի համար, որը թույլ է տալիս նայել սարքին և միանգամից խոսել՝ առանց ասելու Ok Google: Հաշվի են առնվում ձայնի տոնը, գլխի դիրքը և այլն: 


Թարգմանող ակնոցներ

Google-ը ցուցադրեց նոր սմարթ ակնոցների մասին պատմող տեսահոլովակ: Այս ակնոցները թարգմանում են խոսակցությունը և էկրանին ցուցադրում տեքստը: Առայժմ մանրամասներ հայտնի չեն այս սարքի մասին: