Xiaomi-ն ներկայացրեց Mi Band 7 սմարթ ֆիթնես թևնոցը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEhlcSHMlAuqkF1GWSjLgbjXYUEdt1BeGNC04I59EWvCyE4BnTbvOufm1kG2K1A7PbKKmFnY2guQMn6BJqUqV3e8MKm2OI_Piq3wop_WVsVjL7VZ9DPdWe9qaFGPXC1aDMmHwHvbkcSNqpuOR4CCLjF7onvupUMtBMi1jObNe1PAxIcrRvyy9y6ZzqZT5g/w640-h362/iIDzZjncSTiQ.jpg)
Xiaomi ընկերությունը ցուցադրեց Mi Band սմարթ ֆիթնես թևնոցի 7-րդ տարբերակը, որն արտաքնապես նման է Mi Band 6-ին: Mi Band 7-ի AMOLED 490×192 էկրանը 1.62 դյույմն է (նախորդինը՝ 1.56), ինչի հաշվին էկրանի օգտագործվող մակերեսը մեծացել է 25%-ով: Թևնոցում առկա է նաև Always On Display ռեժիմ, ինչի շնորհիվ էկրանին միշտ ցուցադրվելու է ժամը կամ այլ ինֆորմացիա:
Mi Band 7-ում շատացել է նաև մարտկոցի ծավալը՝ 125-ից դառնալով 180 մԱժ: Թևնոցում առկա են նմանատիպ սարքերում առկա բոլոր գործառույթները՝ քնի, սրտի աշխատանքի, ակտիվության, արյան մեջ թթվածնի քանակության մոնիթորինգ:
![](https://blogger.googleusercontent.com/img/b/R29vZ2xl/AVvXsEhnpcARilPOilk_NAhu1FVNoTFuxX3y0lOMjybouTi26zm1ILx0L8yFjREYXvhpi2hplMZMvnvpplqkxHzVILz0Aj_iO8f_12O2_hyOdqcS_-aCJOyJl9ZMhg7e4Vc2gx3g0I8Kc-6Gb6cp1yV-NWkonc21hfQDDJ3Y57KeiW0S-_Ea2bbDz46zVX_BTQ/w480-h640/9Xd7ruV1wZne.webp)
Mi Band 7-ում լավացվել է SpO2-ի մոնիթորինգը: Օրինակ 90%-ից ցածրի դեպքում թևնոցն վիբրացիայի միջոցով տեղեկացնում է օգտատիրոջը: Թևնոցում կա նաև մարզման ծանրաբեռնվածության հաշվիչ, որով կարելի է հաշվել, թե ինչքան է պետք հանգստանալ մարզումը շարունակելու համար: Mi Band 7-ում ներդրված են 120 սպորտային ռեժիմներ:
![](https://blogger.googleusercontent.com/img/b/R29vZ2xl/AVvXsEjuT8YPVHXbccjfIymQTh0dt7Rm5gYe10nu36ftnUh_V6R0whpSqFhoWw35CbTzKtXhdfjOVWs5O7O2Z_abB4MsOEgu2_sqjzEJcmMyaGjxlnu_abv1iU2Z2ZaDvJGWjd8oRdoPD_GWhSHAdoViUJ3BVBOS50gMPoRr2K4so0lIIO__mN_K-ddxZ3rq9g/w480-h640/K8lE5F51LIO4.webp)
Mi Band 7-ը թողարկվելու նաև NFC տարբերակով, որով հնարավոր կլինի օրինակ վճարումներ անել: Թևնոցները վաճառվելու են մոտ 40 դոլարով: Վաճառքը կմեկնարկի մայիսի 30-ից: