Խաղային պատերազմներ: Fortnite-ը ջնջված է Google Play-ից և App Store-ից
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEg7p8mebfMyqrwLX3pIn2rBg3WJOsztsy2OYoSO2rDA4YpaoZhuuSedPz6IDabGbH5a0DzRu-maQwLAUa0apwAo01i-qrGm4qhGzBtgFKpkrCeg5xlXtfa_e9h4LEIod_kC-tSjV_eYesgj/s640/fortnitemissing_splash-1620x800.jpg)
Epic Games-ը Fortnite խաղի թարմացման մեջ ներդրել է խաղում վճարումներ կատարելու նոր համակարգ, ինչի շնորհիվ օգտատերերը կարող են առանց Google-ի կամ Apple-ի միջնորդության գնումներ կատարել խաղում: Սա թույլ է տալիս Epic Games-ին չվճարել 30% մասնաբաժին Google-ին և Apple-ին և կիրառել զեղչեր վիրտուալ ապրանքների վրա:
![](https://blogger.googleusercontent.com/img/b/R29vZ2xl/AVvXsEix_QiVdlFnzXBP8JdrGn_gAbcEX5O8wCclaZtso1jj3JiWKeyFkIjwYX92ZEy36i7aCIWqAYt07STcvXQjcQznPc101UDZ3B2l8cRapzlbV7mEIJp-5Hj6saKxf5hNcGmE3AlfubECYWw0/s640/epic-games-pay.jpg)
Բնականաբար այս խորամանկություն չէր կարող անպատասխան մնալ: Նախ Apple-ը, այնուհետև Google-ը շատ կտրուկ արձագանքեցին այս քայլին և խաղը ջնջեցին App Store-ից և Google Play-ից: Անդրոիդի դեպքում հնարավոր է խաղը ներբեռնել այլ օնլայն խանութներից, իսկ ահա iOS-ի դեպքում այլ տարբերակ չկա:
![](https://blogger.googleusercontent.com/img/b/R29vZ2xl/AVvXsEi6aWWrrmPIUNhC5KI2LiXCR3ETJfz2RHHWX_fzZpF01_c5NhsoevfWOrlK4G9TjPw-A8tqpMobk_zAJ1CItbEQH4InMqBVfnd9W7S1nHmlh9OxvgQAQvdpuRXt_uEWJ204h3khmU2f1sq4/s640/Fortnite-Epic-Games-Apple-App-Store-ban-removal.jpg)
Apple-ի այս քայլին Epic Games-ը պատասխանել է քննադատությամբ ու տեսանյութ է պատրաստել, որը ծաղրում է Apple-ին: Տեսանյութը նկարահանված է Macintosh-ի «1984» գովազդի հիման վրա, որն էլ հիմնված է Ջորջ Օուրելի համանուն հակաուտոպիական վեպի վրա, որտեղ համակարգը հետևում ու կառավարում է ամեն քայլ:
Apple-ի կողմից գանձվող 30% միջնորդավճարի դեմ էր վերջերս խոսել նաև Տելեգրամի հիմնադիր Պավել Դուրովը:
![](https://blogger.googleusercontent.com/img/b/R29vZ2xl/AVvXsEimL8tI6y1d5SPmhBuM88ML5MMCYQWQ7H2933KQTiROtZghRMy0OZu_exM81obzqVmCILO5_T4EHqZFryCMhH6UaR6APy1HEAb4WRUvon7M_CeG6at_vinfLRGP2vTXvN8j1RptDGsK6MNV/s640/2020-08-14_11-42-58.png)
Նշեմ, որ Apple-ի ու խաղային մյուս ընկերությունների պայքարը վերջերս մեծ թափ է հավաքել: Բանն այն է, որ Apple-ը App Store-ից ջնջում է այն հավելվածները, որոնք թույլ են տալիս խաղեր խաղալ սթրիմինգային ծառայություններով:
Apple-ն այս քայլը հիմնավորում է նրանով, որ App Store-ում տեղադրված խաղերի որակը կարողանում է ստուգել ու երաշխավորել, իսկ ահա սթրիմինգային խաղերի դեպքում պատկերն այլ է:
Apple-ն այս քայլը հիմնավորում է նրանով, որ App Store-ում տեղադրված խաղերի որակը կարողանում է ստուգել ու երաշխավորել, իսկ ահա սթրիմինգային խաղերի դեպքում պատկերն այլ է:
![](https://blogger.googleusercontent.com/img/b/R29vZ2xl/AVvXsEhGlmzLsVXiYrUUK7hiecIalhFarSV2wZPaRRTXzwTyK6GX5VJ_aizKQkCZ94_RZJRWos7ES4iHLk1F03zmbGESJ6m0CT-8O4icLYzcG1M__rY5AXOhz4fmAwuWjNwcqmJfQlQ25T7-rGf_/s640/xcloud_1573795594488.jpg)
Սթրիմինգային խաղերի դեմ Apple-ի վարած այս քաղաքականության դեմ արդեն հասցրել են բողոքել Facebook-ը, Microsoft-ը, Google-ը և այլ ընկերություններ:
Հիշեցնեմ, որ iOS-ում հասանելի չեն լինելու Google Stadia և xCloud սթրիմինգային ծառայությունները, որոնք թույլ են տալիս սմարթֆոնով, պլանշետով կամ համակարգչով խաղալ թոփ խաղեր՝ ունենալով միայն արագ ինտերնետ: Այսինքն, խաղը բացվում է սթրիմինգային ծառայություն տրամադրող ընկերության սերվերների վրա և պատկերը հեռարձակվում է օգտատիրոջ սարքի վրա:
![](https://blogger.googleusercontent.com/img/b/R29vZ2xl/AVvXsEi6bArbxvRuRtFJulS7vYwDZtktMV-yMHSqpV8SIF7a5J-43dGFymX7lED1fKrmOlDEgaSAwfUc2NX2hViGu4wS2vePxJyMWjCSsukUh1BMndIx5-Si2p2SgXDQYSoBr4FIDml7tkPVodbg/s640/06Facebook-Apple-game-superJumbo.jpg)
![](https://blogger.googleusercontent.com/img/b/R29vZ2xl/AVvXsEiKUUUirQ3Q1nt5wzpMfMXcZpuP2trYe0mWmxQUPV7taJFmTDczkRRoaB0DALj4b3b8PAxtErJzyNAfiXesnXCMVJakEQekYcoW5GScBICqQnDxHj7YbnplRp_CwQFcSOffKVaYPzG1Gqfd/s640/GoogleStadia-1024x609.jpg)
Շատերը կարծում են, որ Apple-ը փորձում է առաջ տանել իր Apple Arcade ծառայությունը, այդ պատճառով է արգելափակում տարբեր խաղային ընկերությունների ծառայությունները: Apple Arcade-ը թույլ է տալիս բաժանորդավճարի դիմաց iOS-ում 100-ավոր խաղեր խաղալ: