Հունվարի 1-ից մաքսային փոփոխություններ են լինելու ՀՀ ապրանքներ ներմուծելու կարգում
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEgwduOIE_PbsdKNVZhhKFmZ5qJyZA5xisqMU1qcYcqu4_xILMcq-M1F63Giaki2yyNp7TwA_uIUdbB5JHb4ofm-mIa1AHSXZysElCgtrsMmJEIi0LMGOr3N9nQoyBVdUGI5kBbmOkME0viu/s1600/%25D5%25B4%25D5%25A1%25D6%2584%25D5%25BD%25D5%25A1%25D5%25B5%25D5%25AB%25D5%25B6-%25D6%2585%25D5%25B6%25D5%25AC%25D5%25A1%25D5%25B5%25D5%25B6-%25D5%25A3%25D5%25B6%25D5%25B8%25D6%2582%25D5%25B4.jpg)
Պետական եկամուտների կոմիտեն տեղեկացնում է, որ 2020թ. հունվարի 1-ից փոփոխություններ են լինելու անձնական օգտագործման ապրանքները փոխադրողի կողմից կամ միջազգային փոստային առաքանիներով Եվրասիական տնտեսական միության մաքսային տարածք ներմուծելու կարգում: Մասնավորապես` Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի թիվ 107 որոշման համաձայն` 2020 թվականի հունվարի 1-ից անձնական օգտագործման ապրանքները փոխադրողի կողմից կամ միջազգային փոստային առաքանիներով կարող են ներմուծվել Եվրասիական տնտեսական միության մաքսային տարածք առանց մաքսատուրքերի և հարկերի վճարման, եթե դրանց արժեքը չի գերազանցում 200 եվրոյին համարժեք գումարը, և (կամ) քաշը (միջազգային փոստային առաքանու դեպքում՝ համաքաշը (բրուտտոն)) չի գերազանցում 31 կիլոգրամը:
![](https://blogger.googleusercontent.com/img/b/R29vZ2xl/AVvXsEiae1N3yc1Q0ooA_SaqDcaqq96uRegbZYowaNViodkQKx-l_m7Vuj3HOzADCLKJFmoY6huezKAgQBKysBozIMw2Lzou40L1UtkXnjfL7C07d0MaGrFJDEoctioMLmzrF-2txZ4w6gAcrw-w/s640/9ccbdb90-1cdc-11ea-b7df-536f181887be.jpg)
Փաստորեն, միության անդամ չհանդիսացող պետություններից ֆիզիկական անձանց կողմից փոխադրողի միջոցով կամ միջազգային փոստային առաքումներով Հայաստանի Հանրապետության տարածք ներմուծվող ապրանքների համար 2020 թ. հունվարի 1-ից պետք է վճարվեն մաքսատուրք և հարկեր 0% միասնական դրույքաչափով, եթե տեղափոխվող ապրանքների ընդհանուր քաշը չի գերազանցում 31 կիլոգրամը, իսկ արժեքը չի գերազանցում 200 եվրոյին համարժեք ՀՀ դրամը: Մինչդեռ եթե ընդհանուր քաշը գերազանցում է 31 կիլոգրամը, կամ արժեքը գերազանցում է 200 եվրոյին համարժեք ՀՀ դրամը, ապա պետք է վճարվեն մաքսատուրք և հարկեր գերազանցող մասի համար՝ 15% միասնական դրույքաչափով, սակայն ոչ պակաս, քան 31 կիլոգրամը գերազանցող յուրաքանչյուր կիլոգրամի համար 2 եվրոյին համարժեք ՀՀ դրամը:
![](https://blogger.googleusercontent.com/img/b/R29vZ2xl/AVvXsEiZmPLhBF33e29DH3IVjzIYUrOCD1Km9n2Or0cX-4-z49ahLh0UGqk7ir08162Xsh6SPCzYiZUU6JKmiKSuciNJui_3BScH_pvwb47E9gUNyoghKfJSXt4yIlXukHEvPLE2A5Bbu50RO6m5/s640/online-shopping-eco-friendly-e1572302764661.jpg)
2020թ. հունվարի 1-ից կվերացվեն նաև առանց մաքսատուրքերի և հարկերի վճարման ֆիզիկական անձանց կողմից փոխադրողի միջոցով կամ միջազգային փոստային առաքումներով ՀՀ ներմուծվող անձնական օգտագործման ապրանքների հաճախականության սահմանափակումները:
ՊԵԿ-ը հայտնում է, որ փոփոխությամբ պայմանավորված` մաքսային մարմինները կուժեղացնեն ապրանքների իրական արժեքը պարզելուն ուղղված հսկողությունը: