Chrome 88-ից ջնջվել են FTP և FLASH տեխնոլոգիաները, բարելավվել է սև ինտերֆեյսը

Ամսաթիվ

Google ընկերությունը թողարկել է Chrome դիտարկչի 88-րդ տարբերակը, որտեղ կատարվել են մի շարք փոփոխություններ: Chrome-ի վերջնական ջնջվել է ներդրված Flash Player-ը: Հիշեցնեմ, որ վերջերս Adobe-ը դադարեցրեց Flash Player-ի սպասարկումը: 

Chrome 88-ից ջնջվել է նաև ֆայլերի տեղափոխման FTP պրոտոկոլը: Այսինքն այլևս հնարավոր չի լինի Chrome-ում բացել ftp://-ով սկսվող հասցեները:


Chrome 88-ում բարելավվել են նաև սև ինտերֆեյսի որոշ էլեմենտներ:

Chrome 88-ում հայտնվել է նաև բացված թաբերը որոնելու գործառույթ, որը հնարավոր է միացնել chrome://flags/#enable-tab-search պարամետրը միացնելու դեպքում:


Chrome://flags-ում հայտնվել է նաև permission-chip պարամետրը, որը միացնելու դեպքում Chrome-ի թույլտվության հարցումները ցուցադրվում են ոչ թե փոքր պատուհանում, այլև անմիջապես հասցեի դաշտում: 

Հավանեցի՞ր, դե տեղեկացրու ընկերներիդ`

Comments
0 Comments

Գրել մեկնաբանություն