Motorola-ն ցուցադրեց նոր տեխնոլոգիա, որը օդով միաժամանակ լիցքավորում է 4 սարքեր
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEi11mUtNgFs9YN2DB6zr6T2l-ii0rfhlnREqIsbT-eQi5aA_6KSTmdJpFrJD7cWPCdJbsyY6qXLRStJmP1bL58gdgwi2oS22mRmrYkIxO4kNCU38goIXsJAVYiIo-PCY0xgQT8DX4Jc4P0M/w640-h362/vt1a1FEed2VI.jpg)
2021թ. հունվարին Motorola ընկերությունը ցուցադրեց տարածության մեջ անլար լիցքավորման իր նոր տեխնոլոգիան: Այժմ արդեն Motorola-ն ներկայացրեց այդ տեխնոլոգիայի բարելավված տարբերակը, որն ստացել է Space Charging անվանումը: Նշվում է, որ այս տեխնոլոգիան թույլ է տալիս միաժամանակ լիցքավորել մինչև 3 մետր հեռավորության վրա գտնվող 4 սարք: Լիցքավորումը տարածվում է 100 աստիճան անկյունով:
![](https://blogger.googleusercontent.com/img/b/R29vZ2xl/AVvXsEjqlXM-J9fQVO-ZSF2er0kjc7Qn0PYKDqIhZmGbkv4RfCkPRDXHV_5tCa-mn536CFQzYAQFXTflUgw1WtNZe2O7eW-qnlqgQQcHK_lAe7lB_PAzA9S-gpyKeWR_wpyuyQRMyRaJTQ05K3dY/w640-h470/ZhzRmI1Ygljk.webp)
Լիցքավորող սարքն ունի 1600 անտենա, որոնցից դուրս էկող ազդանշանը կարող է անցնել թղթի կամ այլ նմանատիպ արգելքների միջով: Լիցքավորումը դադարում է, երբ մարդ է կանգնում լիցքավորող և լիցքավորվող սարքերի միջև: Այս տեխնոլոգիայով լիցքավորման հզորությունը 5Վտ է, ինչը կարող է քիչ լինել ժամանակակից սմարթֆոնների համար, սակայն այլ խելացի սարքերի համար բավական է (օր. սմարթ ժամացույց կամ անլար ականջակալ):
Space Charging տեխնոլոգիան գրեթե պատրաստ է շուկա դուրս գալու համար, սակայն կոնկրետ ժամկետներ չեն նշվում: Հիշեցնեմ, որ նմանատիպ տեխնոլոգիա ունի նաև Xiaomi ընկերությունը, որը կոչվում է Mi Air Charge: