Reve Image 1.0 կոչվող նոր նեյրոցանցով կարող եք գեներացնել գերիրական լուսանկարներ: Հնարավորություն կա ընտրել գեներացվող լուսանկարների չափսերը, ինչպես նաև մեկ նկարագրության շրջանակներում գեներացվող լուսանկարների քանակը: Նեյրոցանցը թույլ է տալիս նաև տեսնել ձեր գրած նկարագրության մանրամասն տարբերակը և խմբագրելով այն ստանալ նոր լուսանկարներ: Օրինակ, եթե դուք նկարագրել եք մի քանի բառով, ապա գեներացնելուց հետո կարող եք տեսնել, թե ինչպես է նեյրոցանցը ձեր նկարագրածի հիման վրա գեներացնում մի քանի նախադասությունից բաղկացած մանրամասն նկարագրություն: 

Reve Image ներյոցանցում գրանցվելն անվճար է (կարող եք մուտք գործել Google-ի օգտահաշվով): Գրանցվելուց հետո յուրաքանչյուր օգտահաշվին տրվում է անվճար 100 նկար գեներացնելու հնարավորություն, որը սպառելու դեպքում օրական կարող եք անվճար գեներացնել 20 լուսանկար: Կարող եք նաև վճարել 5$ և գեներացնել 500 նկար: Գեներացված լուսանկարների հետաքրքիր օրինակներ կարող եք տեսնել Armblog-ի Տելեգրամի էջում:

Վիդեոներ խմբագրելու Pika ծառայությունն այժմ թույլ է տալիս վերբեռնել ցանկացած տեսանյութ և փոխարինել դրանում առկա օբյեկտները: Փոխարինելու համար կարող եք օգտվել բառերով նկարագրել (text prompt) փոփոխությունը, կամ վերբեռնել նկար և նշել փոխարինվող օբյեկտը: 

Pika-ից ծառայություններից կարող եք օգտվել անվճար, սակայն կան որոշակի սահմանափակումներ:

Google ընկերությունն անվանափոխել է Bard նեյրոցանցը: Այսուհետ bard.google.com կայքը վերահասցեավորվելու է gemini.google.com նեյրոցանցի վրա: Այս նեյրոցանցի անվճար տարբերակն աշխատում է Gemini Pro 1.0 նեյրոցանցի հիման վրա և աշխատում է ինչպես տեքստերի, այնպես էլ նկարների հետ: Նեյրոցանցը կարող է նաև տեքստից գեներացնել նկարներ:

Google-ը նաև թողարկել է Gemini Advanced վճարովի նեյրոցանցը (ամսական 20$), որն աշխատում է Google-ի ամենահզոր և ամենաֆունկցիոնալ Gemini Ultra 1.0 նեյրոցանցի հիման վրա: 

Google-ը Անդրոիդ համակարգի համար թողարկել է նաև Gemini բջջային հավելվածը, որի գլխավոր առանձնահատկությունն այն է, որ օգտատերը կարող է Google Assistant-ը փոխարինել Gemini-ով: Այսինքն Gemini-ն հնարավոր է բացել սմարթֆոնն անջատելու ֆիզիկական կոճակով, կամ Google Assistant-ը կանչելու մնացած տարբերակներով (օրինակ «Ok, Google» հրամանով): Բջջային տարբերակն ընդունում է տեքստային և ձայնային հրամաններ, ինչպես նաև կարողանում է անալիզ անել վերբեռնված լուսանկարները: Հետագայում այն կկարողանա նաև կառավարել սմարթ տունը և կատարել Google Assistant-ի մնացած ֆունկցիաները:

iOS համակարգում նույնպես հայտնվել է Gemini նեյրոցանցը, սակայն  այն չունի առանձին հավելված: Նեյրոցանցից հնարավոր է օգտել Google-ի հավելվածի միջոցով: Հավելվածներն առայժմ հասանելի են միայն ԱՄՆ-ի տարածաշրջանի համար են, սակայն մոտակա շաբաթներում հասանելի կլինեն նաև մնացած երկրների համար:

2011 թվականին ԱՄՆ-ի հատուկ ուժայինները Ուսամա բեն Լադենին սպանելուց հետո առգրավվել են նրա համակարգիչը և այնտեղ գտնվող ֆայլերը տեղադրել Կենտրոնական հետախուզական վարչություն պաշտոնական կայքում (բացառությամբ որոշ գաղտնի և ոչ ցենզուրային ֆայլերի):

Ընդհանուր առմամբ կայքում տեղադրված են մոտ կես միլիոն ֆայլեր, որոնց մեջ կան 18.000 փաստաթղթեր, 79.000 աուդիո և ֆոտո ֆայլեր, ավելի քան 10.0000 վիդեո ֆայլեր: 

Զավեշտալին այն է, որ այլ ֆայլերի մեջ կան Final Fantasy VII խաղի կրկնօրինակը, բազմաթիվ մուլտֆիլմեր, ֆիլմեր (Resident Evil) և անիմեներ: Ֆայլերի մեջ կան նաև DS խաղային կոնսոլի էմուլյատորի .sav ֆորմատով խաղեր (New Super Mario Bros. և Animal Crossing: Wild World):

Ուսամա բեն Լադենի համակարգչի ֆայլերի մեջ կան նաև Tom & Jerry մուլտֆիլմի 140 սերիաներ, որոնք մնացած ոչ լիցենզիոն ֆայլերի հետ կարող եք անվճար ներբեռնել անմիջապես ԱՄՆ-ի Կենտրոնական հետախուզական վարչություն կայքից: Նշեմ նաև, որ կայքում կան ֆիլտրեր, որոնցով հնարավոր է տեսնել օրինակ միայն վիդեոները կամ նկարները:

Ռուսաստանի խոշոր ինտերնետ խանութներից մեկը՝ Ozon-ը պաշտոնապես մտել է Հայաստանի շուկա: Նշվում է, որ ապրանքները կառաքվեն 7 օրվա ընթացքում: Օգտատերերը կարող են ապրանքները ստանալ նախօրոք քարտեզի վրա ընտրած ստացման կետերում: Տվյալ պահին Երևանում հասանելի են ավելի քան 40 ստացման կետեր: 

Սկզբնական շրջանում ապրանքները Omni Logistics-ի առաքիչներով և ստացման կետերով, իսկ հետագայում նախատեսվում է ունենալ սեփական լոգիստիկ ծառայությունները: Հայաստանից գնորդները կարող են պատվիրել ռուսական շուկայի գրեթե ողջ տեսականին:

Հայ սպառողները կարող են գնել Ozon-ի 196 միլիոն անուն ապրանքներ ավելի քան 20 կատեգորիայում՝ գրքերից և հագուստից մինչև սննդամթերք և խնամքի պարագաներ: 

«Яндекс» ընկերությունը YandexGPT լեզվային մոդելում ավելացրել է նոր հնարավորություն: Այժմ այս նեյրոցանցը կարողանում է համառոտ ներկայացնել ինտերնետ կայքերում առկա հոդվածները: Անհրաժեշտ է ընդամենը բացել այս կայքը և տեղադրել հոդվածի հղումը: Նշեմ, որ նեյրոցանցից օգտվելու համար պետք է մուտք գործեք Yandex-ի օգտահաշիվ: Նշվում է, որ նեյրոցանցը կարող է համառոտագրել մինչև 30.000 նշան պարունակող տեքստեր: 

Հետաքրքիր է, որ այս նեյրոցանցն աշխատում է նաև հայերեն հոդվածների դեպքում, սակայն համառոտ տեքստը ռուսերենով է ցուցադրում:

Բլոգի նախորդ գրառումներից մեկում անդրադարձել էի QR կոդեր գեներացնող նոր նեյրոցանցին, սակայն այն ժամանակ ծրագրային կոդը դեռ փակ էր և օգտատերերի համար ոչ հասանելի: Վերջերս համացանցում արդեն սկսել են հայտնվել նոր գործիքներ, որոնք աշխատում են այս նեյրոցանցով ու գեներացնում են աշխատող QR կոդեր: Հնարավոր է ընտրել մուտքային լուսանկարը կամ պարզապես գեներացնել տեքստային նկարագրությունով:

Օրինակ կարող եք գեներացնել ձեր կայքի հասցեն կամ այլ ինֆորմացիա պարունակող QR կոդ Արարատ լեռան պատկերով: Ստորև կարող եք փորձել այդ գործիքներից մի քանիսը:

https://qr.journey.io

https://www.aiqrgenerator.com/generator

https://quickqr.art

https://huggingface.co/spaces/huggingface-projects/QR-code-AI-art-generator

Տեքստից վիդեոներ գեներացնող Runway Gen-2 նեյրոցանցը փակ փորձարկում անցնելուց հետո արդեն հասանելի է բոլոր օգտատերերի համար: Յուրաքանչյուր պրոֆիլին անվճար հասանելի է 105 վայկյան:

Gen-2 նեյրոցանցով վիդեո գեներացնելու համար պետք է բացեք պաշտոնական կայքն ու գրանցվեք (կարող եք նաև մուտք գործել Google-ի պրոֆիլի միջոցով): Այնուհետև առաջարկվող գործիքներից ընտրեք Gen-2 նեյրոցանցը: