Հաճած համակարգչով երգեր լսելու ընթացքում նկատում ենք, որ այդ երգի վերնագիրը Unknown Track է, երգչի անունը Unknown Artist է, ալբոմի անունը Unknown Album է, իսկ երգի նկարի տեղը ցույց է տալիս երգի հետ բոլորովին կապ չունեցող նկար: Դեռ համակարգչի մեջ մի կերպ կարելի է համակերպվել, բայց երբ այդ երգերը տեղադրում ենք հեռախոսի մեջ, ապա սկսվում է իսկական խառնաշփոթ: Այսօր կփորձենք վերջ տալ այդ խառնաշփոթին մի քանի պարզ քայլերով: Երաժշտական ֆայլի թեգն իրենից ներկայացնում է որոշակի տվյալների խումբ, որոնք կցվում են երաժշտական ֆայլերին` դրանց լրացուցիչ ինֆորմացիա հաղորդելու համար: Քանի որ երաժշտական ֆայլերի մեծամասնությունը ներբեռնվում են ինտերնետից, ապա կարելի է ենթադրել, որ դրանց թեգերը բոլորովին էլ չեն համապատասխանում իրենց նպատակին: Յուրաքանչյուր օգտագործող կարող է այդ թեգերը փոփոխել ու իր ցանկացած ինֆորմացիան գրել:
MedioMonkey ծրագիրը իրենից ներկայացնում է երաժշտական գրադարան, որի մեջ ներառված է ֆայլեր նվագարկելու, ֆայլերի ֆորմատներ փոփոխելու, սկավառակների վրա ֆայլեր ձայնագրելու և իհարկե ֆայլերի թեգերի հետ աշխատելու ֆունկցիաներ: Ընդ որում թեգերը կարելի է փոփոխել նաև ավտոմատ, այսինքն եթե գիտենք երգի անունը, կամ եթե երգի թեգի մեջ գրված են որոշակի կիսատ տվյալներ, ապա ծրագիրը կարող է ավտոմատ ինտերնետից ներբեռնել երգի մասին ամբողջ ինֆորմացիան` ներառյալ երգի ալբոմի լուսանկարը:
Երգի թեգն ինտերնետից ներբեռնելու համար հարկավոր է կատարել հետևյալ գործողությունները:
1.Ներբեռնեք MediaMonkey ծրագիրը այստեղից:
2.Բացեք երաժշտական ֆայլը MediaMonkey ծրագրով:
3.Աջ կողմում գտնվող Playlist-ից ընտրեք տվյալ երգը ու մկնիկի աջ կոճակով սեղմել դրա վրա:
4. Բացված մենյույում ընտրեք Auto Tag From Web
5. Եթե երգի մասին որոշակի ինֆորմացիա կա նախնական թեգում, ապա բացված պատուհանում գրվում է այդ ինֆորմացիան և ծրագիրը փորձում է գտնել երգի մասին ինֆորմացիան նախնական ինֆորմացիայի հաշվին: Իսկ եթե չկա, ապա կարող եք ներմուծել երգի մասին Ձեր իմացած տվյալները (երգի անուն, երգիչի անուն) ու սեղմել փնտրել:
6. Եթե որոնումը արդյունք չի տալիս, փորձեք փնտրել այլ սերվերում՝ բացված պատուհանի options կոճակը սեղմելով:
7. Սեղմեք Auto Tag կոճակը ինֆորմացիան ներբեռնելու համար:
Հ.Գ.
Վերջում ավելացնեմ, որ եթե ձեր երաժշտական ֆայլի թեգը այժմ պարունակում է ամբողջական և ճիշտ տվյալներ, ապա կարող եք ձեր էկրանին տեսնել երգի բառերը MiniLyrics ծրագրի շնորհիվ:
Կարդալ ավելին
