Microsoft ընկերությունը վերջապես պաշտոնապես թողարկեց Windows 10-ի հերթական մեծ թարմացումը, որը կոչվում է Creators Update: Այս թարմացումը կարելի է տեղադրել երեք տարբերակով:
1. Պետք է բացել Windows-ի թարմացումների բաժինը և ստուգել հասանելի թարմացումները: Դրանց մեջ պետք է որ լինի այս թարմացումը:
Windows համակարգում Skype-ից օգտվող օգտատերերի համար կա մի օգտակար հավելված, որը թույլ է տալիս հայտնաբերել և ուղղել ուղղագրական սխալները: Այդ հավելվածը կոչվում է Ursa Spell Checker: Այս ծրագիրն իր մեջ ներառում է բազմաթիվ լեզուների ուղղագրական բառարաններ, որոնց մեջ կան նաև հայերեն, ռուսերեն և անգլերեն լեզուները: Եկեք տեսնենք, թե ինչպես կարող ենք տեղադրել և օգտվել այս հավելվածից:
2.Բացեք արխիվի պարունակությունը որևէ թղթապանակի մեջ (extract):
3.Աշխատացրեք UrsaSpellingSetup.exe ծրագիրը:
4.Կատարեք պահանջվող քայլերը և տեղադրեք ծրագիրը:
5.Տեղադրելուց հետո համոզվեք, որ այդ ծրագիրը բացված չի: Հակառակ դեպքում փակեք այն:
6.Պատճենահանեք ներբեռնված արխիվում պարունակվող license.dll ֆայլը տեղադրված ծրագրի թղթապանակի մեջ (C:\Program Files (x86)\UrsaSpelling)
Այս քայլերից հետո աշխատացրք տեղադրված UrsaConsole.exe ծրագիրը և բացեք Skype-ը:
Ինչպես օգտվել
1.Գրեք որևէ հաղորդագրություն Skype-ում:
2.Աջ քլիք արեք հաղորդագրության դաշտի վրա և ընտրեք համապատասխան լեզուն:
3.Եթե լեզուների ցանկում բացակայում է Ձեր ուզած լեզուն, ապա սեղմեք Settings ու բացված պատուհանում ավելացրեք լեզուն:
Այս քայլերից հետո Skype-ում հաղորդագրություն գրելու դեպքում Ursa հավելվածը կգտնի և կարմիրով կնշի սխալ բառերը: Դրանց վրա կարող եք աջ քլիք անել ու տեսնել առաջարկվող տարբերակները: Կարող եք նաև բացակայող բառերը ավելացնել բառարանում:
Նշեմ, որ հայերենի համար այդքան էլ լավ չի աշխատում այս հավելվածը, քանի որ բառարանը թերի է:
Անգլերենի, ռուսերենի ու մնացած լեզուների դեպքում կարծես թե այս ծրագրի թերություններն ավելի քիչ են:
Apple ընկերության շարժական սարք (սմարթֆոն, պլանշետ և այլն) ունեցող Ucom-ի բաժանորդները կօգտվեն Հայաստանում Apple ընկերության կողմից միակ սերտիֆիկացված 4G/LTE Advanced ցանցից: LTE Advanced-ի հնարավորությունը սերտիֆիկացված է, օրինակ, iPhone 5-ի և դրանից հետո արտադրված մոդելների համար: Apple-ի կողմից սերտիֆիկացված ցանցից օգտվելու համար անհրաժեշտ է թարմացնել հեռախոսի օպերացիոն համակարգը մինչև iOS10.3 տարբերակը:
Թարմացումից հետո Apple iPhone ունեցող բաժանորդները, միանալով Հայաստանում Apple ընկերության կողմից սերտիֆիկացված միակ ցանցին՝ Ucom-ի 4G-ին, կխնայեն հեռախոսի մարտկոցը ու խնդիրներ չեն ունենա զանգերի, SMS-ների, ձայնային հաղորդագրությունների և բջջային տվյալների հետ: Նշեմ, որ Ucom-ի 4G+ (LTE Advanced) գերժամանակակից ցանցն այժմ հասանելի է Հայաստանի բնակչության 55,7 %-ին (տեսնել ծածկույթը):
Samsung ընկերությունը վերջերս ներկայացրեց Galaxy S8 և Galaxy S8 Plus սմարթֆոնները, որոնք բացի մատնահետքի սկաներից ունեն նաև դեմքի/աչքի սկաներ: Այսինքն օգտատերը կարող է պարզապես նայել սմարթֆոնի վրա և արգելափակումից հանել հեռախոսը կամ կատարել վճարումներ: Սակայն պարզվում է, որ սա այդքան էլ անվտանգ գործառույթ չի: iDeviceHelp օգտատերը YouTube-ի իր ալիքում տեսանյութ է տեղադրել, որտեղ ցույց է տալիս, թե ինչպես է ցուցադրում օգտատիրոջ Ֆեյսբուքի նկարը և արգելափակումից հանում այդ օգտատիրոջ սմարթֆոնը:
StatCounter կայքի վերջին տվյալների համաձայն Android օպերացիոն համակարգը տվյալ պահին ամենաշատ օգտագործվող օպերացիոն համակարգն է: Ավելի ճիշտ այս պահին Անդրոիդով աշխատող սարքերից ավելի շատ օգտատեր է օգտվում ինտերնետից (37.93%), քան Windows-ով (37.91%), iOS-ով (13.09%) և մնացած այլ համակարգերով:
Նշեմ նաև, որ այս թվերը ամբողջ աշխարհի մակարդակով են, իսկ կոնկրետ տարածաշրջաններում Windows-ը շարունակում է մնալ առաջատար: Օրինակ Հայաստանում Windows-ը մեծ առավելություն ունի (78.89%):
IT Futsal Cup-ը Հայաստանյան ՏՏ ընկերությունների միջև անցկացվող ֆուտբոլի մրցաշար է, որին այս տարի մասնակցում են 35 թիմեր: ԵՊՀ նորակառույց սպորտ համալիրում կայացան այս առաջնության խմբային փուլի վերջին խաղերը:
Մի քանի ամիս առաջ ստեղծված staff.am կարիերայի հարթակն արդեն իսկ հասցրել է իր ուրույն տեղը գտնել ոլորտում: Կայքը տվյալ պահին ունի ավելի քան 8500 գրանցված օգտատերեր, 250-ից ավել կազմակերպություններ և 350-ից ավել թափուր աշխատանքի հայտարարություններ:
staff.am-ում օգտատերերը կարող են Facebook-ի և Linkedin-ի իրենց պրոֆիլների հիման վրա ստեղծել օնլայն ռեզյումե և իրենց պրոֆիլմերի ինֆորմացիան միանգամից տեղափոխել այս հարթակ: Հետագայում օգտատերերը կարող են օգտագործել այդ ռեզյումեներն աշխատանքի դիմելիս: Հնարավորություն կա նաև արտահանել ռեզյումեները PDF ֆորմատով:
staff.am կայքն ունի բավականին պարզ արտաքին ինտերֆեյս ու օգտակար գործիքներ: Աշխատանք փնտրող օգտատերերը կարող են ընտրել բանալի բառեր, ընկերություններ, տեխնոլոգիաների անուններ դրանց հիման վրա ստեղծել ու ստանալ ծանուցումներ: Օգտատերերը կարող են նաև հետևել իրենց աշխատանքի դիմումին և տեղեկանալ, թե ինչ փուլում է գտնվում այն:
Գործատուները կարող են StaffSearch Engine-ի միջոցով հեշտությամբ գտնել աշխատողների, ինչպես նաև օգտվել դիմումների օնլայն ընդունման և դրանց կառավարման համակարգից:
staff.am-ի անձնակազմը շատ ակտիվ է նաև համացանցում և դրանից դուրս: staff.am-ի թիմը շատ լուրջ է վերաբերվում իրենց բլոգին՝ StaffBlog-ին: Այստեղ կարող եք գտնել թարմ ու հետաքրքիր խորհուրդներ աշխատանք և աշխատակից փնտրելու վերաբերյալ: staff.am-ի թիմը նաև հանդիպումներ է կազմակերպում իր օգտատերերի հետ: Առաջին հանդիպումը կազմակերպվել էր LOFT HR ակումբի հետ համատեղ, իսկ երկրորդ՝ Գյումրու Տեխնոլոգիական Կենտրոնի: staff.am-ը խոստանում է նման հանդիպումներ հաճախակի կազմակերպել:
Դե ինչ, ցանկանանք այս օգտակար ու հետաքրքիր կայքին նորանոր հաջողություններ, իսկ օգտատերերին մաղթենք, որպեսզի գտնեն իրենց երազանքի աշխատանքը:
Ինչպես և սպասվում էր Samsung ընկերությունը ներկայացրեց Galaxy S8 և S8 Plus սմարթֆոնները, որոնք ունեն ամբողջովին նոր դիզայն: Այս սմարթոնների առաջնային մասում տեղադրված է Infinity Display էկրանը, որը կողքի հատվածներում չունի շրջանակ: S8 սմարթֆոնի Super AMOLED էկրանը 5.8 դույմ է՝ 2960×1440 թողունակությամբ, իսկ S8 Plus-ինը՝ 6.2 դույմ՝ նույն թողունակությամբ: Նոր սմարթֆոնների առաջնային մասում չկան Home և այլ ֆիզիկական կոճակները: Բոլոր այդ կոճակները տեղափոխվել են էկրանի մեջ:
Վաճառվող տարածաշրջանից կախված սմարթֆոնները հասանելի կլինեն տարբեր պրոցեսորներով: ԱՄՆ-ի շուկայի համար տեղադրված է 8 միջուկով աշխատող 2.35Գհց Qualcomm Snapdragon 835 պրոցեսոր, իսկ միջազգային տարբերակներում՝ 2.35Գհց Samsung Exynos պրոցեսոր: Սմնարթֆոնների օպերատիվ հիշողությունը 4Գբ է, իսկ ներքին հիշողությունը՝ 64Գբ:
Նոր սմարթֆոններում թարմացվել են նաև տեսախցիկները, ինչի շնորհիվ գիշերային և ցերեկային լուսանկարներն ավելի որակով են: S8-ի հիմնական տեսախցիկը 12Մպ է, իսկ առաջնայինը՝ 8Մպ:
Samsung Galaxy S8 և S8 Plus սմարթֆոններում հասանելի են LTE Cat.16, Wi-Fi a/b/g/n/ac, Bluetooth 5.0, NFC, MST մոդուլները: Վերջինը պատասխանատու է Samsung Pay-ի համար: Ի շնորհիվ Bluetooth 5.0 տեխնոլոգիայի, S8 սմարթֆոններին հնարավոր է միանգամից միացնել երկու Bluetooth սարք և լսել երաժշտություն: Սմարթֆոնների վրա կան USB-C, 3.5մմ աուդիո և microSD քարտի բնիկները:
Սմարթֆոնները պատրաստված են IP68 ստանդարտով և պաշտպանված են փոշուց ու ջրից: Galaxy S8-ի մարտկոցը 3000 մԱ/ժ է, իսկ S8 Plus-ինը՝ 3500 մԱ/ժ: Սմարթֆոնները հնարավոր է նաև լիցքավորել անլար: Samsung Galaxy S8 և S8 Plus սմարթֆոններն աշխատում են Android 7.0 Nougat օպերացիոն համակարգով:
Samsung Galaxy S8 և S8 Plus սմարթֆոնների մատնահետքի սկաները տեղադրված է հետնամասում: Սմարթֆոնների վրա տեղադրված է նաև աչքի/դեմքի սկաներ, որն օգտագործվում է սմարթֆոնն արգելափակելուց հանելու, ինչպես նաև վճարումները հաստատելու համար:
Սմարթֆոնների վրա տեղադրված է նաև Bixby ինքնուսուց վիրտուալ օգտականը, որից օգտվելու համար սմարթֆոնի կողքի հատվածում տեղադրված է հատուկ ֆիզիկական կոճակ:
Samsung Galaxy S8 և S8 Plus սմարթֆոնները կարող են նաև վերածվել համակարգչի ի շնորհիվ Samsung DeX սարքի: Սմարթֆոններն այդ սարքի մեջ տեղադրելուց հետո կարող եք մկնիկով կամ ստեղնաշարով կառավարել սմարթֆոնը, բացմապատուհանային ռեժիմում տեսնել ու կառավարել սմարթֆոնի ֆայլերը, բացել ծրագրեր և կատարել այլ գործողություններ:
