iOS 16-ում հնարավոր է ձևափոխել iPhone-ի արգելափակման էկրանը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEhIt-g1I_3FWWoIYnPjfgL4qqhkpDQ9AmwFQSnz25slQwYY7TKFpp6QXLsoO6UQr9TlHXGUqBriBQzaT0Sm-PxxjKWjR9aWSRqg_jtawpEnZeqLR5SaGPlKR3FuoM01wZrzAE95_wC7ZaEtXbq7W9HD5zE5fZloV_UI4IKw_DNTl4bcf1SZodY52gRRIQ/w640-h400/iOS-16-finally-lets-you-customize-the-iPhone-lock-screen.webp)
WWDC 2022 միջոցառման ժամանակ Apple ընկերությունը ցուցադրեց iOS 16 օպերացիոն համակարգի մի շարք նոր գործառույթներ: Այս նոր համակարգի առանցքային փոփոխություններից է արգելափակման էկրանի ձևափոխման հնարավորությունը: Օգտատերերը կարող են փոխել ժամացույցի տառատեսակն ու գույնը, ինչպես նաև էկրանի վրա տեղադրել եղանակի, օրացույցի և այլ հավելվածների վիջեթներ: Ծրագրավորողները WidgetKit-ի միջոցով կարող են ստեղծել իրենց հավելվածների վիջեթները, որոնք կհայտնվեն արգելափակման էկրանի վրա: Նոր ալգորիթմը ճանաչում է նաև լուսանկարի վրա գտնվող գլխավոր օբյեկտը կամ մարդուն և ժամացույցը տեղադրում է հետևի ֆոնին (ստացվում է խորության էֆեկտ):
![](https://blogger.googleusercontent.com/img/b/R29vZ2xl/AVvXsEhOvoaXrWHQmcLBkZft9HRo2Mj6RJpFnOtQ96JvMVqmt6Aacjp2YFy2GW5BBdvo9dnqM5qDFMQonrCRkd_ibz5_7-YO30A0_Y_1KjQZCO1ZLTXFdpKZ6p2QrHcAdeqFnVrW7-5jnMnXJ05TW4keNovfF6BzMzGFR6ftLU4F9t6M5loon-3rYooyi6fJzA/w640-h360/lockscreen-IOS-16-WWDC-2022-3.webp)
Հնարավորություն կա ստեղծել և պահպանել արգելափակման էկրանի մի քանի ինտերֆեյսներ և արագ փոխել դրանք: Արգելափակման էկրանի վրա հայտնվել է նաև Live Activity գործառույթը, որն իրենից ներկայացնում է թարմացվող ծանուցման վիջեթ: Օրինակ այս վիջեթով հնարավոր է հետևել սպորտային իրադարձությանը կամ կառավարել աուդիո փլեյերը:
![](https://blogger.googleusercontent.com/img/b/R29vZ2xl/AVvXsEiuez9weLPXy_40DBTGg1S3f9UccYTGE_OCEd4MMNEkweFKxUx2g4SHddoUhJx78OXRoZJZhsITphu3XhEDvJGMQttOs-wOWLPtrXmH8qedSxZ5UHAM1jzT74mRCjF9MC9rDKaIWQ8RN_JYw8hM-sf6IvJMfRto9HJBi0PJIbK8b4M6y3mEbk-1QoywOw/w457-h640/Apple-WWDC22-iOS16-Live-Activities-Apple-TV-Plus-220606_inline.jpg.large_2x.jpg)
Արգելափակման էկրանի վրա նաև հնարավոր է համակարգել ծանուցումները, որպեսզի դրանք չբաղեցնեն ամբողջ էկրանը:
![](https://blogger.googleusercontent.com/img/b/R29vZ2xl/AVvXsEjGlbEqvqAGEULvQvetqCBiQz7Yy_v9ULgluTqjrY4XJs1V33_P506EP-dwR5VnSnrRSOc1UR-0NlpME98ZoVTSy3tqacPNJRQ0fvE0PbyZS9VV-Ei4xpsUXlClc5pC5Syk_axEZA-fcG0tzsXH22dX2pfrvo3EPQDfLtNmheKOQklwwwus46SC914olA/w458-h640/Apple-WWDC22-iOS16-Lockscreen-Notifications-220606_inline.jpg.large_2x.jpg)
Ֆոկուսի ռեժիմը հնարավոր է կիրառել նաև արգելափակման էկրանի վրա: Օրինակ աշխատանքային ռեժիմի դեպքում կցուցադրվի այլ դիզայնով էկրան և այլ ինֆորմացիա:
iOS 16-ի բետա տարբերակն արդեն հասանելի է ծրագրավորողների համար, իսկ օգտատերերի համար հասանելի կլինի աշնանը: