Armblog.net: Powerpoint

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Google-ի նոր «.new» դոմեյներով հնարավոր է արագ ստեղծել օնլայն փաստաթղթեր

Google ընկերությունը ներկայացրեց «.new» նոր դոմեյնը, որը նախատեսված է արագ բացել Google Docs և Google Site կայքերը և միանգամից ստեղծել փաստաթղթեր կամ կայքեր:

Տվյալ պահին առկա են 15 «.new» դոմեյներ՝

docs.new, doc.new, document.new - տեքստային ֆայլերի համար

sheet.new, sheets.new, spreadsheet.new - աղյուսակների համար

slide.new, slides.new, deck.new, presentation.new - պրեզենտացիաների համար

form.new, forms.new - ֆորմաների համար

site.new, sites.new, website.new - վեբկայերի համար

Կարդալ ավելին

Android և iOS համակարգերի համար նախատեսված Word, Excel, PowerPoint ծրագրերը դարձել են անվճար

Այսօր Microsoft ընկերությունը հայտնեց, որ iOS և Android համակարգերի համար նախատեսված իր օֆիսային փաթեթը (Word, Excel և PowerPoint ) այսուհետ հասանելի կլինի անվճար: iPhone-ի և iPad-ի համար նախատեսված թարմացումներն արդեն հնարավոր է ներբեռնել, իսկ Android-ից օգտվողները պետք է մի փոքր սպասեն:

Հիշեցնեմ, որ նախկինում iPad-ի համար նախատեսված Word, Excel և PowerPoint ծրագրերով անվճար հնարավոր էր միայն բացել և տեսնել ֆայլերը, իսկ դրանք խմբագրելու համար պետք էր բաժանորդագրվել Office 365 վճարովի փաթեթին: Ծրագրերի թարմացված տարբերակում հայտնվել է նաև Dropbox-ի հետ աշխատելու հնարավորություն, որը թույլ է տալիս ֆայլերը բացել, խմբագրել և պահպանել այդ ամպային ծառայության վրա:

Ներբեռնել iOS-ի համար՝ Word, Excel, PowerPoint

Կարդալ ավելին

Google ընկերությունը iOS համակարգի համար թողարկել է պրեզենտացիաներ պատրաստելու ծրագիր

Google ընկերությունը iOS համակարգի համար թողարկել է Slides անունով հավելված, որը թույլ է տալիս iPhone-ի և iPad-ի օգտատերերին անվճար աշխատել պրեզենտացիաների հետ: Slides հավելվածը թույլ է տալիս ստեղծել նոր պրեզենտացիաներ կամ խմբագրել նախկինում ստեղծվածները: Ընդ որում հավելվածն ունակ է լիովին աշխատել Microsoft PowerPoint ծրագրի ֆայլերի հետ: Այսինքն կարող եք դրանք բացել, խմբագրել և պահպանել:

Վերոնշված Slides հավելվածի թողարկման հետ մեկտեղ Google-ը թարմացրել է նաև iOS համակարգի համար նախատեսված Docs և Sheets հավելվածները, որոնք նախատեսված են տեքստային փաստաթղթերի և էլեկտրոնային ցուցակների հետ աշխատելու համար: Այդ հավելվածներով արդեն հնարավոր է բացել, խմբագրել և պահպանել Microsoft Word-ի և Excel-ի ֆայլեր: Այսպիսով Google-ը դժվար դրության մեջ է դնում Microsoft-ին, որը iOS համակարգի համար նույնպես ունի փաստաթղթերի հետ աշխատելու համապատասխան հավելվածները (Word, Excel, PowerPoint), սակայն դրանցով անվճար կարող եք միայն բացել ֆայլերը, իսկ խմբագրման համար պետք է բաժանորդագրվեք ու ամսական որոշակի գումար մուծեք Microsoft-ին:

Ներբեռնել Slides հավելվածը

Ներբեռնել Docs հավելվածը

Ներբեռնել Sheets հավելվածը

Կարդալ ավելին

Թողարկվեց Office Online ծրագրային փաթեթը Google Chrome-ի համար

Microsoft ընկերությունը Chrome Web Store-ում տեղադրել է Office Online փաթեթը, որը հնարավոր է տեղադրել Google Chrome-ի վրա և մի քլիքով բացել Office-ի օնլայն տարբերակը: Ֆունկցիոնալ առումով Google Chrome-ի վրա տեղադրվող այս ծրագիրն իրենից ներկայացնում է հասարակ հղում դեպի Office Online-ի համապատասխան ծրագրի կայք: Տվյալ պահին հասանելի են Word Online, Excel Online, OneNote Online և PowerPoint Online ծրագրերը: Փաթեթն ամբողջական դարձնելու համար կարող եք տեղադրել նաև OnDrive ամպային ու Outlook.com փոստային ծառայությունների հավելվածները:

Բացի Chrome Web Store-ում Office Online փաթեթի տեղադրումից, Microsoft-ը կատարել է մի շարք թարմացումներ այդ ծրագրերում: Օրինակ OneNote Online ծրագրում ավելացել է տպելու հնարավորություն, իսկ PowerPoint Onlin-ում հայտնվել է թարմացված տեքստային խմբագրիչ:

Հիշեցնեմ, որ Chrome Web Store-ից կարող եք ներբեռնել և Google Chrome-ի վրա տեղադրել նաև Armblog.net-ի ծրագիրը:

Կարդալ ավելին

Թողարկվեց iPad սարքերի համար նախատեսված Microsoft Office ծրագրային փաթեթը

Microsoft ընկերությունը վերջապես թողարկեց iPad պլանշետների համար նախատեսված երկար սպասված Office ծրագրային փաթեթը: Office-ի փաթեթը իրենից ներկայացնում է երեք առանձին հավելվածներ՝ Word, Excel, Powerpoint: Հիշեցնեմ, որ ավելի վաղ թողարկվել էր նաև OneNote հավելվածը: Այսպիսով iPad սարքերի վրա արդեն հասանելի են Office փաթեթի 4 ծրագրեր: Նոր թողարկված ծրագրերը անվճար են, սակայն դրանք թույլ են տալիս միայն նայել փաստաթղթերը: Իսկ եղած փաստաթղթերը խմբագրելու կամ նոր փաստաթղթեր ստեղծելու համար անհրաժեշտ է բաժանորդագրվել Office 365 փաթեթին (9.99$ ամսական կամ 99.99$ տարեկան):

iPad պլանշետի համար նախատեսված Office փաթեթի գլխավոր առանձնահատկություններից մեկն այն է, որ բոլոր փաստաթղթերը սինխրոնիզացվում են OneDrive ծառայության միջոցով և հասանելի են դառնում մնացած այլ սարքերի վրա:

Ներբեռնել Word հավելվածը iPad-ի համար

Ներբեռնել Excel հավելվածը iPad-ի համար

Ներբեռնել Powerpoint հավելվածը iPad-ի համար

Ներբեռնել OneNote հավելվածը iPad-ի համար

Կարդալ ավելին

Ինչպե՞ս բացել Word-ի, Excel-ի և PowerPoint-ի ֆայլերը Google Chrome դիտարկչի միջոցով

Վաղուց արդեն անցել են այն ժամանակները, երբ համակարգչում որևէ ծրագրի բացակայության պատճառով հնարավոր չէր բացել տարբեր ֆորմատների ֆայլը: Օրինակ այժմ իրեն հարգող ցանկացած ինտերնետ դիտարկիչ բացում է PDF ֆայլեր և համակարգչում PDF ֆայլեր կարդացող ծրագրի տեղադրման անհրաժեշտություն այլևս չկա: Ինչ վերաբերում է Word-ի, Excel-ի և PowerPoint-ի ֆայլերին, ապա ինտերնետում այժմ կան մի շարք օնլայն ծառայություններ, որոնց միջոցով դա հնարավոր է անել (օր. Google Drive կամ SkyDrive):

Google Chrome դիտարկիչի միջոցով նույնպես հնարավոր է բացել տարատեսակ ֆորմատների ֆայլեր: Վերջերս այս դիտարկչի համար թողարկվել է նոր հավելված, որի միջոցով հնարավոր է բացել DOC, DOCX, XLS, XLSX, PPT և PPTX ֆայլերը: Հավելվածը կոչվում է Chrome Office Viewer և հասանելի է միայն Google Chrome-ի վերջին բետա տարբերակի համար: