Google ընկերությունը iOS համակարգի համար թողարկել է պրեզենտացիաներ պատրաստելու ծրագիր
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEin4BuabTt0nFdNeh62_NYzFbvCaY2dL19fecBmef8Z1iRADjiPeTHCjspqW2flJIj27uk3XNCZwpOsdiZYSsb3xUT97BAc2veIUMrxwMzNXHp71ZpRTgLnZf2dBTfLEySxlM0OpKg2iEA/s1600/docs-sheets-slides-ios-630x387.jpg)
Google ընկերությունը iOS համակարգի համար թողարկել է Slides անունով հավելված, որը թույլ է տալիս iPhone-ի և iPad-ի օգտատերերին անվճար աշխատել պրեզենտացիաների հետ: Slides հավելվածը թույլ է տալիս ստեղծել նոր պրեզենտացիաներ կամ խմբագրել նախկինում ստեղծվածները: Ընդ որում հավելվածն ունակ է լիովին աշխատել Microsoft PowerPoint ծրագրի ֆայլերի հետ: Այսինքն կարող եք դրանք բացել, խմբագրել և պահպանել:
![](https://blogger.googleusercontent.com/img/b/R29vZ2xl/AVvXsEgM2jL2vbZddX9WUBKTn90UQzDgDrHgWy9hVBd_k9KZvABrndswe6pmlCAAA9o6fxoT6MIOmdkINEDTdHKr0MnGazUhac17SklAwFbHj4NZQ6-rPZvA9H9uSkFmnU3qwKKuCkPJVQ_QExc/s1600/google-docs-ios.jpg)
Վերոնշված Slides հավելվածի թողարկման հետ մեկտեղ Google-ը թարմացրել է նաև iOS համակարգի համար նախատեսված Docs և Sheets հավելվածները, որոնք նախատեսված են տեքստային փաստաթղթերի և էլեկտրոնային ցուցակների հետ աշխատելու համար: Այդ հավելվածներով արդեն հնարավոր է բացել, խմբագրել և պահպանել Microsoft Word-ի և Excel-ի ֆայլեր: Այսպիսով Google-ը դժվար դրության մեջ է դնում Microsoft-ին, որը iOS համակարգի համար նույնպես ունի փաստաթղթերի հետ աշխատելու համապատասխան հավելվածները (Word, Excel, PowerPoint), սակայն դրանցով անվճար կարող եք միայն բացել ֆայլերը, իսկ խմբագրման համար պետք է բաժանորդագրվեք ու ամսական որոշակի գումար մուծեք Microsoft-ին: