Samsung-ը ներկայացրեց իր ամենաբարակ Galaxy սմարթֆոնը

Ամսաթիվ
Samsung ընկերությունը պաշտոնապես ներկայացրեց Android օպերացիոն համակարգով աշխատող Galaxy Alpha սմարթֆոնը, որն ունի մետաղյա կորպուս և հանդիսանում է Samsung-ի Galaxy շարքի ամենաբարակ սմարթֆոնը: Այն ունի ընդամենը 6.7 մմ հաստություն: Եթե համեմատելու լինենք այս սմարթֆոնը մնացած Galaxy սմարթֆոնների համար, ապա այն գտնվում է  Galaxy S5-ի և Galaxy S5 Mini-ի արանքում: Այս նոր մոդելի արժեքը նույնպես գտնվում է այդ երկու սմարթֆոնների գների միջակայքում: Ըստ նախնական տվյալների, Galaxy Alpha սմարթֆոնն արժի 650 ԱՄՆ դոլար:


Galaxy Alpha սմարթֆոնն ունի 4.7 դյույմանոց Super AMOLED էկրան՝ 1280х720 կետերի թողունակությամբ: Սմարթֆոնն ունի 2 Գբ օպերատիվ հիշողություն և 32 Գբ ներքին հիշողություն: microSD քարտի տեղադրման հնարավորություն այս մոդելի վրա չկա:
Galaxy Alpha  սմարթֆոնի հիմնական տեսախցիկը 12 մեգապիկսել է: Այն ունակ է ձայնագրել 4K  (3840х2160) վիդեոներ: Հեռախոսի առջևի մասում տեղադրված է 2.1 մեգապիկսելանոց տեսախցիկ: Սմարթֆոնն ունի Galaxy S5-ի վրա տեղադրված գրեթե բոլոր սենսորներն ու ինտերֆեյսները (LTE, Wi-Fi, Bluetooth, NFC, ակսելերոմետր, հիրոսկոպ, մատնահետքերի սկաներ և այլն): 

Հավանեցի՞ր, դե տեղեկացրու ընկերներիդ,
կարդա նաև նմանատիպ գրառումները 😊

մեկնաբանություն Facebook-ի պրոֆիլով
0 մեկնաբանություն Google-ի պրոֆիլով

Գրել մեկնաբանություն