Վերջերս հայտնի դերասա Նիկոլաս Քեյջը այցելել էր Ղազախստան և հանդիպել պետական պաշտոնյաների հետ: Այս հանդիպումներից ոչ մի իրարանցում չէր առաջանա, եթե համացանցում չհայնվեր հետևյալ լուսանկարը:
Բնականաբար Նիկոլաս Քեյջի արտասովոր հագուստն ու հայացքը չէին կարող անտարբեր թողնել համացանցի օգտատերերին ու ստեղծվեցին բազմաթիվ զվարճալի մեմեր:
Դեռևս 2015 թվականին պարզ դարձավ, որ Adobe Flash պլատֆորմի վերջը մոտ է: Բնականաբար նման հայտնի պլատֆորմից ամբողջովին հրաժարվելու համար տարիներ էին հարկավոր: Վերջերս Adobe-ը հայտարարել է, որ այս գործընթացը կավարտվի 2020 թվականին: Adobe Flash-ից հրաժարվելու հիմնական պատճառներից մեկը դրա մեջ առկա անվտանգության բացթողումներն են: Այս պլատֆորմը նաև դանդաղեցնում էր ինտերնետ դիտարկչի աշխատանքը:
Նշեմ, որ չնայած այս ամենին, Adobe Flash տեխնոլոգիան շարունակում է օգտագործվել բազմաթիվ կայքերում ու խաղերում: Նունիսկ Ֆեյսբուքի խաղերի մեծ մասը պատրաստված են ու աշխատում են այս տեխնոլոգիայով: Հեռավոր 2000-ական թվականներին ես նույնպես հանդիսանում էի այս պլատֆորմի սիրահարներից մեկը և իմ խաղերի ու ծրագրերի մեծ մասում օգտագործվել եմ այն (օրինակ «Ով է ուզում դառնալ միլիոնատեր» խաղում): Կարելի է ասել, որ իմ ծրագրավորման առաջին քայլերը կատարել եմ Flash-ով:
Ինտերնետ դիտարկիչները նույնպես նպաստում են Adobe Flash տեխնոլոգիայի մահվան գործընթացից: Առայժմ դիտարկիչները զգուշացնում ու թույլտվություն են հարցնում Flash ֆայլեր բացելու համար, սակայն 2020 թվականից սկսած այս տեխնոլոգիան ընդհանրապես կբացակայի դիտարկիչներից:
Հիշեցնեմ, որ 1996 թվականից սկսած Flash պլատֆորմը պատկանում էր Macromedia ընկերությանը, սակայն 2005 թվականին դարձավ Adobe-ի մեծ ընտանիքի մի մասը: Վերջերս փոխվեց նաև Flash խաղեր ու ծրագրեր պատրաստելու համար նախատեսված ծրագրի անունը: Այն Adobe Flash-ից դարձավ Adobe Animate:
Նշեմ, որ տվյալ պահին Adobe Animate-ով հնարավոր է ստեղծել ոչ միայն Flash տեխնոլոգիայով խաղեր ու ծրագրեր, այլև՝ HTML5-ով, որը հանդիսանում է Flash-ին փոխարինող թիվ մեկ տեխնոլոգիան:
Microsoft ընկերությունը ներկայացրել է, թե որ ծրագրերը կբացակայեն Windows 10-ի հաջորդ թարմացումներում: Այդ ցուցակում առկա է նաև Paint ծրագիրը: Այն ամբողջովին փոխարինվելու է Paint 3D ծրագրով (հավանաբար Windows 10 Fall Creators Update թարմացման մեջ):
Այս նորությունը մեծ իրարանցում է առաջացրել օգտատերերի մոտ, քանի որ 1985 թվականին թողարկված Paint-ը տարիների ընթացքում եղել է շատերի կողմից սիրված ու պահանջված ծրագրերից մեկը:
Windows օպերացիոն համակարգում աշխատանքի ընթացքում կուտակվում են բազմաթիվ անպետք ֆայլեր, որոնցից պարբերաբար պետք է ազատվել: Նշեմ, որ այստեղ խոսքը տասնյակ գեգաբայթերի մասին է, ինչը խնդիրներ կարող է առաջացնել քիչ ծավալ ունեցող համակարգիչների վրա:
Windows օպերացիոն համակարգն իր մեջ ունի մի ծրագիր, որը նախատեսված է հենց նմանատիպ ֆայլերը մաքրելու համար: Այս ծրագիրը կոչվում է Disk Cleanup: Ծրագիրը գտնելու համար Start Menu-ում գրեք cleanmgr: Բացելուց հետո պետք է նշեք անհրաժեշտ ջնջվող ֆայլերի տեսակների դիմաց և վերջ:
Պարզվում է, որ այս ծրագիրն ունի նաև ընդլայնված ռեժիմներ: Առաջին ռեժիմը տեսնելու համար պետք է ծրագիրը բացեք run as administrator ռեժիմով:
Եթե ցանկանում եք տեսնել cleanmgr ծրագրի ամենաընդլայնված ռեժիմը, ապա պետք է բացեք command promp ծրագիրը և դրա մեջ գրեք հետևյալ տեքստը՝ %systemroot%\system32\cmd.exe /c cleanmgr /sageset:65535 & cleanmgr /sagerun:65535
Վերջում նշեմ, որ Disk Cleanup ծրագրով կարող եք մաքրել օրինակ Windows-ի թարմացման անպետք ֆայլերը, նախորդ Windows-ից մնացած ֆայլերը (Windows.old թղթապանակ), ինտերնետի և համակարգչի ժամանակավոր ֆայլերը և այլն:
Հայկ Ափրիկյանը ստեղծել է հայալեզու holmes.am կայքը, որը նվիրված է Շերլոկ Հոլմսին: Այս կայքում կարող եք գտնել Արթուր Կոնան Դոյլի կողմից Շերլոկ Հոլմսի մասին գրված պատմվածքներն ու վիպակներ: holmes.am կայքում տեղադրված են նաև Շերլոկ Հոլմսի մասին գրված հայերեն գրքեր՝ PDF տարբերակով:
«Սևան Ստարտափ Սամմիթ» ամենամյա վրանային բիզնես
ֆորումը, որն արդեն երկրորդ տարին է կազմակերպվում «Ստարտափ Արմենիա» հիմնադրամի կողմից,
այս տարի տեղի կունենա հուլիսի 24-ից 31-ը։ Որպես գլխավոր գործընկեր և ֆորումի հիմնական միջոցառման`
«Big Battle»-ի գլխավոր մրցանակի տրամադրող, նախաձեռնությանն է միացել Ամերիաբանկը:
2017թ. Սամմիթը կկազմակերպվի կրկին Սևանա լճի
ափին: Աշխարհի տարբեր երկրներից հրավիրված ավելի քան 100 ստարտափ թիմեր, հրեշտակ ներդրողներ,
ծրագրավորողներ, բիզնես թրեյներներ, մենթորներ 7 օր շարունակ կլինեն մրցույթներով,
քննարկումներով և բացահայտումներով հագեցած բիզնես միջավայրում և կվայելեն իրենց հանգիստը ամռան ամենահայտնի, ամենաակտիվ
և ամենաարդյունավետ միջոցառման շրջանակներում:
Սա հերթական մեծ քայլն է նոր որակի համագործակցության
հարթակ ստեղծելու գործընթացում, հարթակ, որտեղ հարյուրավոր մարդիկ կարողանում են ձեռք
բերել նոր, ամուր կապեր, կրթվել, կատարելագործվել, մրցակցել իրենց գաղափարներով և հաղթել,
վայելել հանգիստն ու զվարճանալ: Սամմիթի նպատակն է դառնալ խթան ստարտափ
համակարգի զարգացման համար։ Այս գործում այժմ իր ներդրումը կունենա նաև Ամերիաբանկը:
Այս տարվա սամմիթն ունի
բազմաթիվ նորարարություններ և ծրագրեր, որոնք չէն եղել անցյալ տարի, այդ թվում՝ առաջին
անգամ Հայաստանում կանցկացվի «Camp Fire Pitch» ձևաչափով միջոցառումը, որի
ընթացքում ստարտափները կներկայացնեն իրենց pitch-երը Հայաստանից և արտասահմանից
հրավիրված ներդրողներին։ Ծրագրավորողների համար հատուկ մշակվել է campathon-ը, որը
կտևի մի ամբողջ օր: Մեկ շաբաթվա ընթացքում սամմիթի մասնակիցներին հասանելի կլինեն նաև
բազմաթիվ ժամանցային ծրագրեր:
Նախորդ դարը ցավոք լի էր աղետալի դեպքերով և պատահարներով,որոնց շարքում պետք է նշել նաև Չեռնոբիլում պատահած սարսափելի դեպքը և որը նույնիսկ ներկայումս որոշակի վտանգ է ներկայացնում մարդկության համար։
Ֆեյսբուք սոցիալական ցանցն ամիսներ առաջ մի քանի երկրներում գործարկեց Find Wi-Fi ծառայությունը, որը թույլ է տալիս տեսնել մոտակայքում գտնվող անվճար Wi-Fi ցանցերը: Այժմ այս ծառայությունը հասանելի է բոլոր երկրների և օգտատերերի համար: Ծառայությունից օգտվելու համար անհրաժեշտ է բացել Ֆեյսբուքի Անդրոիդ կամ iOS հավելվածը և այնտեղ ներառված ծառայությունների մեջ գտնել Find Wi-Fi-ը (եթե ծրագրերի հիմնական ցանկում չկա, ապա սեղմեք More կոճակը):
Այս ծառայությունը ցուցադրում է մոտակայքում գտնվող բոլոր այն սրճարանները և հասարակական այլ վայրերը, որոնց Ֆեյսբուքի էջում կատարվել են Find Wi-Fi-ի աշխատանքի համար պահանջվող կարգավորումները:
Օրեր առաջ Ուկրաինայում և մի շարք այլ երկրներում մեծ տարածում գտավ Petya կոչվող վիրուսը, որը տարածվելու և աշխատելու սկզբունքով նման է վերջերս տարածված WannaCry վիրուսին: Այս նոր վիրուսը նույնպես կոդավորում է օգտատերերի ֆայլերը և դրա դիմաց պահանջում 300 ԱՄՆ դոլարին համարժեք բիթքոին: Տվյալ պահին հավաքվել է ավելի քան 10.000 ԱՄՆ դոլար (փոխանցումներին կարող եք հետևել այստեղ):
Մասնագետները խորհուրդ են տալիս տեղադրել օպերացիոն համակարգչի և հակավիրուսի վերջին թարմացումները, փակեն համապատասխան խոցելի տեղերն ու պորտերը, չներբեռնեն ու չբացեն անծանոթ մարդկանցից ստացած նամակները: Որոշ մասնագետներ գտել են նաև ավելի հեշտ ու պարզ մեթոդ: Պետք է ընդամենը Windows-ի թղթապանակի մեջ ստեղծել perfc անունով դատարկ ֆայլ:
1. Բացեք notepad ծրագիրը կամ ցանկացած այլ տեքստային խմբագրիչ:
2. Ոչինչ մի գրեք և պահպանեք ֆայլը perfc անունով: Ապահովության համար կրկնեք նույն քայլերը և պահպանեք նաև perfc.dll անունով ֆայլ: Այնուհետև այս երկու ֆայլերը տեղադրեք C:\Windows\ թղթապանակում: 3. Վերջում բացեք այդ ֆայլերի պարամետրերի պատուհանը և նշեք read only պարամետրը:
Պարզվում է, որ այս վիրուսը նախևառաջ ստուգում է այդ perfc անունով ֆայլի առկայությունը, և գտնելու դեպքում ոչ մի վնաս չի տալիս: Խորհուրդ կտամ նաև տեղադրել Windows-ի խոցելիությունը շտկող թարմացումները, որոնք նշված են այս գրառման մեջ:
