Թողարկվել է նոր Яндекс ալֆա ինտերնետ դիտարկիչը
Ամսաթիվ
Նոր «Яндекс» դիտարկչում բացված էջերի ցանկը գտնվում է ներքևի մասում: Ծրագրի ստեղծողները սա բացատրում են հետևյալ կերպ՝ «ինտերնետ դիտարկիչը հանդիսանում է օգտատիրոջ երկրորդ աշխատանքային սեղանը: Երաժշտության նվագարկիչ-ծրագրերի փոխարեն նրանք բացում են երաժշտական կայքեր, իսկ մեսենջերների փոխարեն՝ սոցիալական կայքեր: Այսինքն բացված էջերի ցանկը տեղադրված է այնտեղ, որտեղ Windows-ի և OS X-ի օգտատերերը սովորեն են տեսնել բացված ծրագրերը»
Բացված էջերի ցանկում գտնվող յուրաքանչյուր կայք նշված է հատուկ գույնով: Օրինակ Twitter-ի դեպքում երկնագույն է, իսկ Facebook-ի դեպքում՝ մուգ կապույտ: Նույն կայքի վրա գտնվող բացված տարբեր էջերը խմբավորվում են:
Յուրաքանչյուր կայքի համար նոր «Яндекс» ինտերնետ դիտարկչում կա հատուկ էկրան, որտեղ տեղադրված է լրացուցիր ինֆորմացիա: Այն բացվում է կայքի անունը սեղմելու դեպքում: Այդ էջի վրա ցուցադրվում են կայքի հետ աշխատելու ֆունկցիաներ (օր. տպել կամ կիսվել ընկերների հետ): Այդ վահանակի վրա ցուցադրվում է նաև հավելյար տվյալներ: Օրինակ, եթե այցելել եք ռեստորանի կայք, ապա այդ վահանակի վրա կտեսնեք քարտեզի վրա դրա դիրքը:
