Ինչպես iPad/iPhone սարքերի վրա ազատել ավելի քան 1Գբ հիշողության ծավալ
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEiShc-JXcl9OD-MupLli8RvG_4qrKCZUKyaVtyDyQGzIqp4OL3VaE-jkv5G7dOcCN6w6PkoQucrQqdU9CoTT1zndq6_7560_wugu20trUIe3DmsLwOMBcW6RxslFiGD4UPlFFGK9hm4cbNg/s640/smartphone_800.jpg)
iOS կամ iPad սարքեր ունեցողները հաճախակի են առնչվում քիչ ազատ հիշողության ծավալի խնդրին, քանի որ այդ սարքերի հիշողությունները հնարավոր չի լինում շատացնել հիշոության քարտերի հաշվին: Օրինակ 16Գբ սարքի վրա համարյա 6Գբ զբաղեցնում է հենց iOS համակարգը և օգտատիրոջը մնում է միայն 10 Գբ ծավալ: Հետագայում խաղեր կամ հավելվածներ տեղադրելուց հետո այդ ծավալը գնալով փոքրանում է և օգտատերերը ստիպված ջնջում են որոշ ծանր հավելվածներ կամ խաղեր:
![](https://blogger.googleusercontent.com/img/b/R29vZ2xl/AVvXsEiXoBds520CgVA6iP8xDZu6-m6YxNcS3P-219de94niLxYMmRtygMEB32vesf6mI4xVnx9ZQ5vvzEe7DAzmW28GwW7sJMMG5LOhTlPdPUOuYzCHRXFvjuSTkf9AUVw2aAVtyOFMYtGzi1uE/s640/498090-how-to-clean-up-your-iphone-or-ipad%255B1%255D.jpg)
Սակայն իրականում այդ ծավալի մեծ մասը զբաղեցնում են հավելվածների և iOS-ի ժամանակավոր աշխատանքային ֆայլերը, որոնք, ի տարբերություն Անդրոիդի, հնարավոր չէ ջնջել սովորական օգտատերերի կողմից: Այդ ժամանակավոր ֆայլերը անհրաժեշտության դեպքում ավտոմատ ջնջվում են iOS համակարգի կողմից: Սակայն կա մի հնարք, որի շնորհիվ կարող ենք ստիպել iOS-ին, որպեսզի ջնջի այդ ֆայլերը և տրամադրի ավելի շատ ծավալ:
Այս հնարքի ընթացքում փորձելու ենք գնել ֆիլմ: Այսինքն, եթե Ձեր Itunes-ի հաշվին կցված է բանկի քարտ և ունեք այդ ֆիլմի համար պահանջվող ազատ ծավալը, ապա ավելի լավ է չփորձեք այս հնարքը, որպեսզի ֆիլմ գնելու ընթացքում գումար չկորցնեք:
Հնարքը սկսելուց առաջ բացեք հիշողության կարգավորումների էջը և տեսեք, թե ինչքան ազատ ծավալ ունեք (Settings->General->Storage & iCloud): Այնուհետև կատարեք հետևյալ քայլերը.
1. iOS սարքի վրա բացեք iTunes-ը:
2.Բացեք ֆիլմերի բաժինը և ընտրեք HD որակով երևէ ֆիլմ, որի ծավալը մեծ է (օրինակ 6Գբ):
3.Սեղմեք գնելու կամ վարձակալելու կոճակը:
![](https://blogger.googleusercontent.com/img/b/R29vZ2xl/AVvXsEhHGAbzHjkD4XeN02g9RLG83Y6C02yC6RvZpoPqGBdsv8sFZFy4UMVKsEe3E04P2F5t0bWYRA-HKDqU2TCRIOKDq1uqzz5Iv9anjjHTNyLRvo-2Fi2qRVxW3QyJZTCCEmevQNZ_ISALQC5E/s1600/space2%255B1%255D.jpg)
4.Համակարգը կզգուշացնի, որ սարքի վրա այդքան ազատ հիշողություն չկա:
5.Սեղմեք Cancel և սպասեք մոտ մեկ րոպե:
Այս քայլերից հետո բացեք սարքի հիշողության կարգավորումների էջը և տեսեք, թե ինչքան ազատ ծավալ ունեք (Settings->General->Storage & iCloud):