Ինչ է իրենից ներկայացնում նոր թողարկված Windows 10 S օպերացիոն համակարգը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEiKp0-hU1RCQsmFIG1SBtDMqzHZZaOKZVpsl-u9sTrb0CoaWj4g0xGxXnRW4llLSOcyZ0DbOGoNUcf4vznjgOujeL1rsb7BOVMOsuvRV10c6k5AxFcWsfO7D46wwXofU9c5lC3eidzy19nY/s640/Windows+10+S+Surface+Laptop.jpg)
Microsoft ընկերությունը պաշտոնապես ներկայացրեց Windows 10 S օպերացիոն համակարգը, որը մինչ այժմ հայտնի էր Windows 10 Cloud անունով: Այս համակարգը նախատեսված է համեմատաբար էժան սարքերի համար, որոնք պայքարելու են Google Chromebook նոթբուքների դեմ: Նմանատիպ նոթբուքների հիմնական թիրախը ուսումնական հաստատություններն են լինելու:
![](https://blogger.googleusercontent.com/img/b/R29vZ2xl/AVvXsEjdQt3Tpo7Fz8iqJ40yyoTY6JGGLxs4pAMYjY2s_-vFyf19PgSi_0360dyG4c7dWCHNCZPPWJWy_lGmT3C7U98f5fCFkaRDPdvIjT0MLxjHx8YzALGE4p5_p-fgMlIXoXe3pdYkWq22Nq8P/s640/w10_surface_full_start_3x2_en-us-59088da85983e-1000x667_678x452%255B1%255D.png)
Windows 10 S օպերացիոն համակարգը օպտիմիզացված է միջին պարամետրերով սարքերի համար և ավելի քիչ ռեսուրս է ծախսում: Հնարավորություն կա նաև կարգավորել այս համակարգը նախօրոք կարգավորված USB կրիչի միջոցով: Windows 10 S-ում հնարավոր է բացել միայն Windows Store-ից ներբեռնված ծրագրերն ու խաղերը: Ինչ վերաբերում է ավանդական դեքսթոփ ծրագրերին ու խաղերին, ապա դրանք նույնպես հնարավոր է տեղադրել Windows 10 S-ում, եթե դրանք համապատասխան ձևով տեղադրվեն Windows Store-ում:
![](https://blogger.googleusercontent.com/img/b/R29vZ2xl/AVvXsEjycpb0_CBTIvSIVj16mlhN9uz4cD7tcF0CvYYcW9jnbO0xiMELo26beHCZBiKgDYbzQIgWJptVA-XCfcGq31omZCJ_5brdCpRLOTEZcFtgXG-wg9PGdmKotGm6F4e0Q6RLpfagyFGdm36R/s640/store-beta-app-update-a-1493740996753%255B1%255D.jpg)
Windows 10 S օպերացիոն համակարգում հնարավոր է տեղադրել Windows Store-ից ներբեռնված ցանկացած ինտերնետ դիտարկիչ, սակայն հիմնական դիտարկիչը միշտ մնալու է Microsoft Edge-ը: Այսինքն չեք կարող համակարգիչն այնպես կարգավորել, որ հղումները կամ html ֆայլերը բացվեն օրինակ Google Chrome-ով: Windows 10 S-ում նաև հնարավորություն չկա փոխելու Microsoft Edge-ի որոնողական համակարգը: Հիմնական որոնողական համակարգը բնականաբար լինելու է Bing-ը:
![](https://blogger.googleusercontent.com/img/b/R29vZ2xl/AVvXsEjzjvmYNvCRvCfGfUhHLg7Sh-ax7QWwRR4jMvKNFMw4jLZlnrP6slc-Y4McBfR3CghfqhcJbdpA7p6IrJNK_lotAJ7kJKZTou8QioOjYiDzuBYG9zvGA7I4hf172KIjXSCsaBBRu_nrQHYq/s640/windows-store-edge-chrome%255B1%255D.jpg)
Չնայած, որ Windows 10 S օպերացիոն համակարգով աշխատող սարքերը պետք է լինեն համեմատաբար էժան, այնուհանդերձ Microsoft-ը այս տարվա ամռանը թողարկելու է այս համակարգով աշխատող իր առաջին Surface Laptop-ը և վաճառելու է մոտ 1000 դոլարով: Գնից արդեն կարելի է գուշակել, որ այս նոթբուքներն չեն համարվելու բյուջետային սարքեր:
Surface Laptop-ներն ունենալու են 13.5 էկրան ու աշխատելու են Intel i5, i7 պրոցեսորներով: Նոթբուքները հասանելի են լինելու 4 գույներով:
![](https://blogger.googleusercontent.com/img/b/R29vZ2xl/AVvXsEiu6P73kcs2znbfApmEYtTgdMcabzSTvGSyojCEyPPjFAth-MfdY2j5uzJfye249RBKtWmyWeb3ncLNBzbxV8CsZS9V9Kz0_HYZxP_3BT3-KdeRyrS7R70zC21zoG7mAzTRESAnpYAO-UcY/s640/C-yvgJHXUAQnWtd-770x500%255B1%255D.jpg)
Վերջում նշեմ, որ Microsoft-ը հնարավորություն է տալիս նաև Windows 10 S-ից անցում կատարել Windows 10 Pro-ի: Դրա համար պետք է վճարել ընդամենը 50 դոլար: Surface Laptop-ների օգտատերերը կարող են մինչև ս.թ. դեկտեմբերի 31-ը անվճար կատարել այս թարմացումը: