Armblog.net: Lens

Google-ի գլխավոր էջում հայտնվել է լուսանկարների որոնման Lens գործիքը

Google ընկերությունը տեղադրել է Google Lens-ի նշանը Google որոնողական համակարգի գլխավոր էջի վրա, որի վրա սեղմելով հնարավորություն է տրվում վերբեռնել լուսանկարը կամ գրել դրա հղումը: Այնուհետև վեբ դիտարկչում բացվում է Google Lens-ի էջը, որտեղ ցուցադրվում է լուսանկարի մասին մանրամասն ինֆորմացիա և այդ լուսանկարին նման այլ լուսանկարներ: Google Lens-ի էջում հնարավոր է նաև թարգմանել լուսանկարի վրա եղած գրառումը:

Հիշեցնեմ, որ ոչ վաղ անցյալում Google-ը Chrome դիտարկչում փոխարինել էր լուսանկարներով որոնելու իր դասական գործիքը Google Lens-ով, երբ օգտատերերը աջ քլիք էին անում լուսանկարի վրա: Նշեմ, որ Google Lens-ը ներդրված է նաև Google Photos հավելվածում:

Google Lens-ով կարող եք նկարել ձեռագիր տեքստը և այն պատճենահանել միանգամից համակարգչի մեջ

Google ընկերությունը թարմացրել է օբյեկտների և տեքստերի ճանաչման իր Lens ծառայությունը: Այսուհետ Android և iOS հեռախոսներով կարող եք նկարել ձեռագիր տեքստը և այն պատճենահանել համակարգչի մեջ: iOS համակարգում Google Lens ծառայությունից հնարավոր է օգտվել Google հավելվածում (Lens-ի նշանը գտնվում է որոնման դաշտի կողքը) կամ Google Photos հավելվածում: Android համակարգում Google Lens-ը հասանելի է նաև առանձին հավելվածի տեսքով:

Google Lens-ի պատճենահանած տեքստը համակարգչում տեղադրելու համար պետք է համակարգչի վրա մուտք գործած լինեք նույն Google պրոֆիլ: Google Lens-ում տեքստը նկարելուց հետո պետք է նշեք անհրաժեշտ հատվածը և ընտերք Copy to Computer տարբերակը: