Sony ընկերությունը ներկայացրեց բաժանորդագրման նոր ընդլայնված ծառայությունը, որը մինչ այժմ հայտնի էր պայմանական Spartacus անվանումով: Օգտատերերին հասանելի են լինելու երեք տարիֆներ՝ PS Plus Essentials, PS Plus Extra և PS Plus Premium: Առաջին ծառայությունը փաստացի հանդիսանալու է այժմյան PS Plus ծառայությունը: Այն նույն գնով (տարեկան 59.99 դոլար, ամսական 9.99 դոլար) խաղասերներին հնարավորություն է տալու խաղալ օնլայն, ամսական նվիրելու է երկու անվճար խաղ, առաջարկելու է զեղչված խաղեր և հնարավորություն է տալու խաղերի ընթացքը սինխրոնիզացնել ամպային հիշողության վրա:

PS Plus Extra ծառայությունը ներառելու է PS Plus Essentials ծառայությունը և օգտատերերի համար հասանելի է դարձնելու PS4 և PS5 կոնսոլների մոտ 400 խաղեր: Սկզբում օգտատերերին հասանելի են լինելու Death Stranding, God of War, Marvel’s Spider-Man, Marvel’s Spider-Man: Miles Morales, Mortal Kombat 11, Returnal և այլ հայտնի խաղեր: Այս ծառայության արժեքը ամսական 14.99 դոլար է, իսկ տարեկան 99.99 դոլար:

PS Plus Premium ծառայությունը ներառելու է նախորդ երկու ծառայությունները և տրամադրելու է PS3, PS2, PS և PSP կոնսոլների 340 լրացուցիչ խաղեր: Ընդ որում PlayStation 3-ի խաղերը հասանելի են լինելու միայն «ամպում» և հնարավոր չի լինի ներբեռնել կոնսոլի վրա: PS Plus Premium ծառայության արժեքը ամսական 19.99 դոլար է, իսկ տարեկան 119.99 դոլար: PS Plus Premium ծառայությունը հասանելի է դարձնելու նաև PS Plus Extra ծառայության խաղերի սթրիմինգային (ամպային) տարբերակները: Նշեմ, որ «սթրիմինգային» խաղերը հասանելի են լինելու ոչ բոլոր երկրներում: Մնացած երկրենրի համար լինելու է PlayStation Plus Deluxe ծառայությունը, որը  Premium-ից մի փոքր էժան է լինելու և ներառելու է PlayStation, PS2 և PSP կոնսոլների դասական խաղերը, որոնք հնարավոր կլինի ներբեռնել կոնսոլի վրա: Այսինքն Deluxe-ը դա նույն Premium-ի առանց խաղերի սթրիմինգի տարբերակն է: Ներկայացված նոր ծառայությունները հասանելի կլինեն ս.թ. հունիսից:

Sony-ն փակել է PlayStation Store-ի մուտքն ու մի շարք այլ գործառույթներ Ռուսաստանում, սակայն իրականում փակել է մուտքը նաև Հայաստանի, Վրաստանի, Ղազախստանի և այլ երկրների համար: Բանն այն է, որ PlayStation-ի նոր պրոֆիլ գրանցելուց ցանկում չկան վերոնշյալ երկրները և օգտատերերը ստիպված Ռուսաստան են նշել: Այսինքն հնարավոր չի նոր խաղեր գնել, ինչպես նաև PS Plus բաժանորդները չեն կարողանա վերցնել ամսական անվճար խաղերը: Տվյալ պահին PS Plus բաժանորդները կարողանում են օգտվել օնլայն ռեժիմից: Sony-ն Ռուսաստանում չի վաճառի նաև նոր PlayStation-ներ և խաղերի սկավառակներ:

9.👀 (awesome work by chendochap & @Znullptr) pic.twitter.com/ME12bLyu3C

— Specter (@SpecterDev) December 13, 2021

Sony ընկերությունը ցուցադրեց PS5 խաղային կոսնոլների համար նախատեսված գունավոր վահանակներ: Հասանելի են լինելու սև, կարմիր, վարդագույն, մանուշակագույն և երկնագույն երանգները: 

Վահանակները հասանելի են լինելու ինչպես Blu-ray տարբերակներով PS5-երի համար, այնպես էլ թվային մոդելների համար:

Sony-ն ներկայացրեց նաև DualSense խաղային գեյմպադերի 3 նոր գույներ՝ վարդագույն, երկնագույն և մանուշակագույն

Cyberpunk 2077 խաղը վերջապես վերադարձավ PlayStation Store և հասանելի է ինչպես PS4, այնպես էլ PS5 կոնսոլների համար: Այնուամենայնիվ Sony ընկերությունը խորհուրդ է տալիս այն խաղալ PlayStation 5-ով կամ PS4 Pro-ով, քանի որ PS4-ի դեպքում կարող են լինել արագագործության խնդիրներ: Հիշեցնեմ, որ 2020թ. դեկտեմբերին այս խաղը ջնջվեց PS Store-ից (այս ընթացքում վաճառվում էր միայն սկավառակով), քանի որ այնտեղ առկա էին մեծ քանակով ծրագրային սխալներ: Խաղի հիմնադիր CD Projekt-ը նույնիսկ օգտատերերին առաջարկեց վերադարձնել խաղը և հետ ստանալ գումարը: Նշեմ, որ նոր սերնդի կոնսոլների համար ադապտացված Cyberpunk 2077 խաղը հավանաբար կթողարկվի 2021թ. երկրորդ կեսին:

#PlayAtHome միջոցառման շրջանակներում Sony-ն շարունակում է նվիրել PlayStation-ի անվճար խաղեր: Այսօրվանից օգտատերերը կարող են անվճար իրենց գրադարաններում ավելացնել Horizon Zero Dawn: Complete Edition խաղը: Ակցիան գործում է մինչև մայիսի 14-ը: Հիշեցնեմ, որ մինչև ապրիլի 23-ը կարող եք անվճար ձեռք բերել նաև PlayStation-ի 10 այլ խաղեր:

Sony ընկերությունը վաղը թողարկելու է PlayStation 5-ի առաջին խոշոր ծրագրային թարմացումը, որտեղ կատարվել են մի քանի փոփոխություններ: Ամենանշանակալիներից մեկն այն է, որ հնարավորություն է տրվելու PS5-ի խաղերը տեղափոխել արտաքին կրիչի վրա: Ճիշտ է, Sony-ն դեռ հնարավորություն չի տալու միանգամից խաղալ դրանք, քանի որ PS5-ի խաղերը հարմարեցված են SSD կրիչների համար: Արտաքին կրիչի վրա տեղափոխված խաղերը նորից խաղալու համար կպահանջվի դրանք նորից տեղափոխել ներքին SSD-ի վրա: Sony-ն նշում է, որ սա ավելի արագ գործողություն է, քան նորից ինտերնետից կամ սկավառակից ներբեռնելն ու տեղադրելը:

Իսկ ահա արտաքին կրիչի վրա տեղափոխված PS4 խաղերը հնարավոր կլինի միանգամից խաղալ PS5-ի վրա: Sony-ն խոստանում է, որ ապագայում նաև թույլ կտա արտաքին կրիչի վրա տեղափոխված PS5-ի խաղերը միանգամից խաղալ PS5-ի վրա, եթե դրանք տեղադրվեն M.2 կրիչների վրա:

PS5-ի թարմացման մեջ փոփոխություն է կատարվել նաև Share Play գործառույթում: Այս թարմացումից հետո PS5-ի և PS4-ի օգտատերերը կարող են կիսվել իրենց խաղային սեանսներով ընկերների հետ, ինչպես նաև միասին խաղալ մի կոնսոլի վրա հեռավար ռեժիմով: Փոփոխություններ են կատարվել նաև բջջային հավելվածում:

Sony-ն երեկ ցուցադրեց PlayStation 5 խաղային կոնսոլի մի քանի նոր խաղերի թրեյլերներ: Շնորհանդեսի վերջում երկու կարևոր իրադարձություն տեղի ունեցավ: Նախևառաջ ցուցադրվեց, որ PlayStation Plus նոր կամ ակտիվ բաժանորդները կկարողանան խաղալ տասնյակ թոփ խաղեր անվճար: Դրանց թվում են The Last of Us, God of War, Batman, Detroit, Uncharted 4 և այլն: 

Երկրորդ կարևոր ինֆորմացիան վերաբերում է PlayStation 5-ի գներին և վաճառքի մեկնարկին: Այսպիսով PlayStation 5 կոնսոլը ԱՄՆ-ում կարժենա 499 դոլար, իսկ առանց սկավառակով տարբերակը՝ 399 դոլար: Տեղեկացնեմ, որ այս տարբերակը տեխնիկական պարամետրերով ոչնչով չի տարբերվում ավագ մոդելից: 

Իսկ ահա Xbox-ի դեպքում Series S մոդելը բավականին տարբերվում է Series X մոդելից, այդ պատճառով այն համեմատաբար էժան է թե Series X-ից, թե PlayStation Digital-ից:

PlayStation 5-ը բացելու է նաև PlayStation 4-ի համար թողարկված գրեթե բոլոր խաղերը: PlayStation 5-ի վաճառքը մի քանի երկրներում կմեկնարկի նոյեմբերի 12-ից, իսկ մնացած երկրներում նոյեմբերի 19-ից: Նշեմ նաև, որ սկզբնական շրջանում ոչ բոլոր ցանկացողները կկարողանան ձեռք բերել, քանի որ քանակը սահմանափակ է ու խաղասերների հետաքրքրությունը մեծ: