2022թ. Telegram-ը դասվել է աշխարհում ամենաշատ ներբեռնվող Top 5 հավելվածների շարքում, իսկ ամսական ակտիվ օգտատերերի քանակը ավելի քան 700 միլիոն է: Telegram-ի թիմը որոշել է ներդնել Premium բաժանորդագրությունը, որին միանալու ամսավճարը 4.99$ է: Premium-ի օգտատերերը ստանում են մի շարք առավելություններ և կրկնապատկված ծավալներ: Եկեք տեսնենք, թե ինչ է ներառում Premium բաժանորդագրությունը:

Ավելի մեծ ծավալով ֆայլեր

Տելեգրամում սովորական օգտատերերը կարող են վերբեռնել մինչև 2ԳԲ ծավալով ֆայլեր, իսկ Premium բաժանորդները կարող են վերբեռնել մինչև 4ԳԲ ծավալով ֆայլեր: Նշեմ, որ այստեղ խոսքը մեկ ֆայլի ծավալի մասին է, ոչ թե գումարային: Ոչ Premium բաժանորդները կարող են ներբեռնել Premium բաժանորդների կողմից ուղարկված մեծ ծավալով ֆայլերը:

Արագացված ներբեռնում

Premium օգտատերերը կարող են ներբեռնել ֆոտո, վիդեո և այլ ֆայլեր առավելագույն արագությունով՝ առանց սահմանափակումների: Ֆայլերի ներբեռնման արագությունը կախված է լինելու միայն օգտատիրոջ ինտերնետի արագությունից:

Յուրահատուկ ստիկերներ

Premium օգտատերերը կարող են ուղարկել տասնյակ ստիկերներ, որոնք ցուցադրվելու են ամբողջ էկրանով: Ընդ որում այդ անիմացիաները ցուցադրվելու են նաև ոչ Premium օգտատերերին:

Յուրահատուկ ռեակցիաներ

Telegram Premium օգտատերերին հասանելի են ավելի քան 10 մոր էմոջիներ, որոնցով կարող են արձագանքել նամակներին: Նոր էմոջիներից են 👌😍❤️‍🔥💯🤡🌭🐳:

Չաթերը կառավարելու ավելի շատ գործիքներ

 

Telegram Premium օգտատերերը ստանում են չաթերը կառավարելու ավելի շատ գործիքներ: Օրինակ հնարավոր է ցանկացած թղթապանակ դարձնել գլխավոր և հավելվածը բացելուց միանգամից կբացվի այդ թղթապանակը: Հավելվածի «Конфиденциальность» բաժնում համապատասխան կարգավորումից հետո բաժանորդները կարող են ավտոմատ նոր չաթերը տեղադրել արխիվի մեջ և անջատել դրանց ծանուցումները:

Միշտ ակտիվ վիդեոավատարներ և Premium նշան

Premium բաժանորդների վիդեոավատարները ցուցադրվելու են բոլոր օգտատերերին բոլոր բաժիններում, այդ թվում չաթերի ցուցակում և չաթերում: Նաև Premium բաժանորդների անունների կողքը ցուցարվելու է Premium տարբերանշանը:

Գովազդի անջատում

Ամիսներ առաջ մեծ լսարան ունեցող Տելեգրամ ալիքներում հայտնվել էին տեքստային գովազդներ: Premium բաժանորդները կարող են անջատել այդ գովազդները: 

Telegram-ում հայտնվել են նաև մի շարք նոր գործառույթներ, որոնք հասանելի են ոչ միայն Premium բաժանորդների համար: Եկեք տեսնենք, թե ինչ նորույթներ կան:

Խումբ մուտք գործելու հայտ

Խմբերի ադմինիստրատորները կարող են միացնել հայտով խումբ մուտք գործելու գործառույթը, որպեսզի ստուգեն նոր մասնակիցներին խումբ ներս թողնելուց առաջ: Երբ օգտատերը բացի խումբը, ապա կտեսնի «Подать заявку» կոճակը: Ադմինիստրատորները կարող են նամակ գրել հայտ ներկայացնողներին, որպեսզի ներկայացնեն խմբի կանոնները կամ ծանոթանան նոր մասնակցի հետ: Այդ պարագայում հայտ ներկայացնող օգտատերը ծանուցվում է, որ իր հետ կապնվել է հենց խմբի ադմինիստրատորը: 

Հաստատված պրոֆիլի տարբերանշան

Հայտնի մարդիկ և կազմակերպությունները կարող են պաշտոնապես հաստատել իրենց խմբերը, ալիքները և բոթերը: Այդ դեպքում անունների կողքը կցուցադրվի  հատուկ նշան: Այսուհետև այդ նշանը կցուցադրվի ոչ միայն պրոֆիլներում, որոնման արդյունքներում և չաթերի ցանկում, այլև չաթի վերևի հատվածում: Եթե ունեք հաստատված պրոֆիլ գոնե 2 սոցցանցերում, ապա կարող եք Տելեգրամում հաստատման հայտ ուղարկել այստեղ:

Android-ի վրա չաթերի պարզեցված նախադիտում

Տելեգրամի Անդրոիդ հավելվածում հայտնվել է չաթերի պարզեցված նախադիտման հնարավորություն (ինչպես iOS-ում): Այժմ այդ ռեժիմում հնարավոր է դիտել ամբողջ չաթը: Նշեմ, որ նախադիտման դեպքում չաթը չի նշվի որպես կարդացված: Նախադիտման ռեժիմում հայտնվել են նաև նոր կոճակներ, որոնցով հնարավոր է անջատել չաթի ծանուցումները, նշել որպես կարդացված, ամրացնել կամ ջնջել չաթը: Նախադիտման համար բավական է չաթերի ցանկում սեղմած պահել որևէ չաթի պրոֆիլի լուսանկարի վրա:

macOS-ում անիմացիոն ավատարների գործիք

macOS օպերացիոն համակարգի օգտատերերը կարող են օգտվել անիմացիոն ավատարներ ստեղծող նոր գործիքից: Բավական է միայն ընտրել համապատասխան ստիկերը կամ անիմացիոն էմոջին և հետևի ֆոնը:

Տելեգրամը պաշտոնապես թողարկել է իր գովազդային պլատֆորմը: Գովազդներն այսուհետ ցուցադրվելու են 1000-ից ավել հետևորդ ունեցող ալիքներում: Նշվում է, որ ցուցադրվող գովազդները միայն տեսքստային են և ունեն առավելագույնը 160 սիմվոլ: Գովազդները չեն պարունակում արտաքին հղումներ: Գովազդները համապատասխանելու են ալիքների բովանդակությանը և օգտատիրոջ նախասիրությունների մասին տվյալներ չեն հավաքելու: Սա նշանակում է, որ նույն գովազդը երևալու է բոլոր օգտատերերին:

Գովազդատուները հնարավորություն ունեն ընտրել այն ալիքները, որտեղ ցուցադրվելու են գովազդները: Հնարավոր է նաև ֆիլտրել ալիքները ըստ լեզուների և բովանդակության: Գովազդատուները կարող են նաև ընտրել ալիքներ, որտեղ չեն ցանկանում երևա գովազդը:

Առայժմ այս պլատֆորմը գտնվում է վերջնական փորձարկման փուլում և գովազդի ամբողջ հասույթը գնալու է Տելեգրամին: Հետագայում ալիքների ադմինները նույնպես կարող են իրենց ալիքներում ցուցադրվող գովազդներից գումար վաստակել:

Telegram-ում նորից հայտնվել է Глаз Бога բոտը, որի միջոցով հնարավոր է որոնել ու տեսնել ՌԴ քաղաքացիների մի շարք անձնական տվյալներ: Նշեմ, որ նախկինում այս բոտը Տելեգրամից ջնջվել էր Роскомнадзор-ի պահանջով, սակայն բոտի ստեղծողները վարձել են պրոֆեսիոնալ իրավաբանների և կարողացել են այնպես անել, որպեսզի օրինական կերպով այս բոտը նորից աշխատի: Հեղինակները նշում են, որ այս բոտը իրականում որոնողական համակարգի նման է, այսինքն այն սկանավորում է համացանցում գտնվող բաց տվյալները: 

Հետաքրքիրն այն է, որ այս բոտում հնարավոր է տվյալներ որոնել հեռախոսահամարով, սոցիալական ցանցի տվյալներով, մեքենայի համարանիշով կամ VIN կոդով, լուսանկարով, էլ փոստով կամ գաղտնաբառով, իրավաբանական անունով, հասցեով, IP հասցեով և այլ տվյալներով: Անվճար ցուցադրվում են ոչ բոլոր տվյալները, իսկ ամբողջականը տեսնելու համար պետք է վճարել չնչին գումար:

Քանի օր այս բոտն այժմ աշխատում է օրենքների սահմաններում, այդ պատճառով որոնող կատարող օգտատերը պետք է սկզբում համաձայնվի պայմաններին և ընտրի առաջարկվող օրենքներից մեկը, որով ցանկանում է որոնում կատարել:

2020թ. դեկտեմբերին Telegram-ի խմբերում ավելացել էր աուդիո չաթերի հնարավորություն (առավելագույնը 1000 մասնակից): ՎԵրջերս այս հնարավորությունը բարելավված տեսքով ավելացել է նաև ալիքներում և հանվել է առավելագույն մասնակիցների սահմանափակումը:

Տելեգրամում աուդիո չաթ ստեղծելու համար ադմինը պետք է բացի ալիքի պրոֆիլը, սեղմի երեք կետանոց նշանի վրա (⋮) և սեղմի «Начать голосовой чат» կոճակը:

Ադմինիստրատորները կարող են նաև միացնել ձայնագրելու գործառույթը, որպեսզի ուղիղ միացումը բաց թողած հետևորդները հետագայում կարողանան նսել աուդիո չաթի ձայնագրությունը: Ձայնագրությունը միացնելու դեպքում մասնակցիները տեղեկացվում են այդ մասին:

Չաթի մասնակիցները կարող են  «ձեռք բարձրացնել», որպեսզի ադմինիստրատորից խոսելու հնարավորություն պահանջեն: Ադմինիստրատորները կարող են արագ տեսնել մասնակցի պրոֆիլի մասին տվյալներ:

Հնարավորություն կա նաև գեներացնել և ուղարկել հատուկ հղում, որը բացելուց օգտատերը միանգամից կմասնակցի աուդիո չաթին: Ընդ որում հնարավորություն կա գեներացնել երկու տեսակի հղում՝ խոսնակների և այլ մասնակիցների համար, որը հնարավոր է տարածել այլ սոցցանցերում:

Աուդիո չաթերին հնարավոր է մասնակցել ոչ միայն անհատական պրոֆիլով, այլև սեփական ալիքներից մեկի պրոֆիլով: