Windows 8-ի մետրո ինտերֆեյսի ծրագրերը փակելու մի քանի տարբերակներ
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEjhpSXU21TJtbIyOJQayT2Pu-h-76OKeftZ51PuVySh47UBIMc_LFTo2xxdRy_2QMBr8XdCpzOE5FUhkdVMdOMVz-GCjuGaVBcHXrnlsffIA2Vs-ttco5be1vNpagDTBWWxU6PsSGpp8MZt/s1600/ipad_w8_banner.jpg)
Windows 8-ում գոյություն ունեն 2 տեսակի ծրագրեր: Առաջինները սովորական ծրագրերն են, որոնք աշխատում են նաև Windows-ի նախորդ տարբերակներում: Իսկ երկրորդ տեսակի ծրագրերը մետրո ինտերֆեյսի ծրագրեր են, որոնք հնարավոր է ներբեռնել Windows Store-ից և աշխատում են միայն Windows 8-ի վրա: Ի տարբերություն սովորական ծրագրերի, այս ծրագրերը բացվում են ամբողջ էկրանով և չկան այդ ծրագրերը փակող կամ չափսերը փոխող դասական կոճակները: Ընթացիկ մետրո ծրագրի վրայից ուրիշ մետրո ծրագրեր բացելու դեպքում աշխատող ծրագիրը դրվում է պասիվ ռեժիմում և շարունակում է մնալ բացված:
Չնայած պասիվ ռեժիմում գտնվող մետրո ծրագրերը չեն օգտագործում համակարգչի ռեսուրսները (բացառությամբ որոշ դեպքերի), բայց այնուամենայնիվ մեծ թվով ծրագրեր բացելու դեպքում անհարմարություններ են առաջանում: Այսպիսով ներկայացնում եմ մետրո ծրագրերը փակելու մի քանի տարբերակներ.
![](https://blogger.googleusercontent.com/img/b/R29vZ2xl/AVvXsEhsV9L0cxt0-yIscWc1JYAUXZTYIhS-bh-ZDh-AquecbRGvn0yOfExjcDXd4mV3yzQoFOXCdqkdUpXivH38GZwzowT6SJ1XcT5k79n_yr7-Ep11rUvjUoOYP71sDGRiumz_Sm4VIsBkpx0h/s640/windows+8+metro+app.jpg)
1.Ծրագիրը բաց վիճակում ստեղնաշարի վրա սեղմեք Alt+F4
2.Ծրագիրը բաց վիճակում մկնիկը պահեք ծրագրի վերևի հատվածում (կհայտնվի ձեռքի նշան) և մկնիկի ձախ կոճակը սեղմած պահեք ու քաշեք դեպի էկրանի ներքևի հատվածը:
3.Ստեղնաշարի վրա սեղմեք Ctrl+Shift+Esc: Բացված Task Manager-ում ընտրեք համապատասխան ծրագիրը և սեղմեք End Task կոճակը:
4.Մկնիկը պահեք էկրանի ձախ վերևի հատվածում և իջացրեք ներքև: Կհայտնվի բացված ծրագրերի ցուցակը: Մկնիկի աջ կոճակով սեղմեք համապատասխան ծրագրի վրա և ընտրեք Cose: