Symbian-ը պաշտոնապես վախճանվեց: Nokia 808 PureView-ն վերջին Symbian հեռախոսն էր
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEh5h6vq0M6CEgpl6OgeXV_p6zU8sUSL0JTUfg0Q73cEBfQRwu94dZTXS7SClzYcDJvKkqi4-YIZiP1U5n82iV9pPP89dzNHDItyewlyS7PiaLuu9fxjbaAtut3vMPsup2t4KzKU8UEFyy17/s640/808-01-Hero-jpg.jpg)
Nokia ընկերությունը պաշտոնապես հայտարարեց, որ այլևս չի թողարկելու Symbian օպերացիոն համակարգով աշխատող սմարթֆոններ: Վերջին տարիներին Nokia-ն սկսեց թողարկել Windows Phone համակարգով աշխատող սամրթֆոններ և 2012 թվականի կեսերին թողարկված Nokia 808 PureView սմարթֆոնը Symbian համակարգով աշխատող վերջին հեռախոսն էր: Առայժմ պարզ չի, թե ինչքան ժամանակ կտևի արդեն թողարկված Symbian մոդելների սպասարկումը, սակայն կարելի է ենթադրել, որ այդ սմարթֆոնների համար ծրագրային թարմացումներ (прошивка) այլևս չեն լինի: Nokia ընկերության այս որոշումը բացատրվում է այն փաստով, որ 2012 թվականի վերջում Symbian սմարթֆոնների վաճառքը 19.5 միլիոնից կրճատվել է մինչև 4.4 միլիոն, իսկ շուկայական մասնաբաժինը՝ 16.9%-ից 2.6%: Եթե հաշվի առնենք, որ Nokia-ն հանդիսանում էր Symbian հեռախոսներ արտադրող միակ առաջատար ընկերությունը, ապա կարելի է վստահաբար ասել, որ Symbian համակարգը պաշտոնապես վախճանվեց: Փաստորեն Symbian-ը չդիմացավ Android, iOS և Windows Phone դաժան պայքարում: