Ֆեյսբուքի նոր ֆունկցիան: Graph Search
Ամսաթիվ
Ֆեյսբուք սոցիալական ցանցը ներկայացրեց որոնման նոր ֆունկցիան, որը կոչվում է Graph Search: Մարկ Ցուկերբերգի խոսքերով, որոնման այս նոր մեխանիզմը չի ներառում ողջ ինտերնետը, այլ կատարում է որոնում միայն Ֆեյսբուքում: Որոնման նախնական տարբերակը ներառում է 4 հիմնական էլեմենտներ՝ մարդիկ, լուսանկարներ, տեղամասեր և հետաքրքրություններ: Ի տարբերություն որոնման հին մեխանիզմի, այս նոր համակարգը թույլ է տալիս Ֆեյսբուքին մի քանի անգլերեն բառերից կազմված հարցեր տալ: Օրինակ կարող եք որոնել հետևյալ արտահայտությունները՝
Իմ ընկերների լուսանկարները մինչ 2000թ.
Իմ ընկերների հավանած ֆիլմերը
Իմ քաղաքում ապրող մարդիկ
Իմ ընկերները, ով սիրում է ռոք երաժշտություն
Իմ ընկերների այցելած ռեստորանները
Իմ հավանած լուսանկարները
Իմ ընտանիքի լուսանկարները
Ինչպես տեսնում եք, Graph Search-ի միջոցով կարելի է մի հարցումով տեսնել շատ հետաքրքիր ու օգտակար տվյալներ: Արդյունքների ցուցադրման և դասավորման ժամանակ հաշվի են առնվում նաև մի շարք բաղադրիչներ (օրինակ Ձեր և ընկերոջ միջև շփման ակտիվությունը և այլն): Բոլոր մնացած այլ հարցումների դեպքում, որոնք չեն վերաբերվում Ֆեյսբուքին (օրինակ եղանակը Հայաստանում), կցուցադրվեն Bing որոնողական համակարգի արդյունքները:
Որոնողական նոր համակարգը առայժմ աշխատում է Բետա տարբերակում և հասանելի է քիչ թվով մարդկանց համար: Եթե ցանկանում եք բաժանորդագրվել Բետա տարբերակին, ապա այցելեք այստեղ և ներքևում սեղմեք Join Waiting List:
