Օգտակար Անդրոիդ հավելված հայ ծրագրավորողների կողմից

Ամսաթիվ


Ծրագրավորողներ Տիգրան Ազատյանն ու Նարեկ Մամիկոնյանը թողարկել են մի հետաքրքիր ծրագիր, որին ցանկանում եմ այսօր անդրադառնալ: City Informer ծրագիրը Անդրոիդ հավելված է և աշխատում է Անդրոիդ համակարգով աշխատող գրեթե բոլոր սարքերի վրա: Ծրագիրն իրենից ներկայացնում է տեղեկատվական ուղեցույց և թույլ է տալիս կողմնորոշվել աշխարհի ցանկացած երկրում ու հեշտությամբ գտնել դպրոցների, մանկապարտեզների, հիվանդանոցների, բանկերի և այլ հաստատությունների մասին մանրամասն տվյալներ: Ուղեցույցն ունի 10 բաժին և մոտ 90 ենթաբաժին, որտեղ կարելի է գտնել տվյալ քաղաքի վերաբերյալ անհրաժեշտ տվյալները:


Հնարավորություն կա նաև «Կարգավորումներ» բաժնում ավելացնել ցանկացած քաղաք, բնակավայր, փողոց կամ շրջան և ստանալ տվյալ վայրի հաստատությունների ցանկը: Որևէ վայր չընտրելու դեպքում ծրագիրն ավտոմատ որոշում է Ձեր գտնվելու վայրը և ինքնուրույն ցուցադրում է Ձեր գտնվելու վայրին մոտ գտնվող հաստատությունների ցուցակը՝ համապատասխան ինֆորմացիայով:


Ծրագրում կան նաև այլ ֆունկցիաներ, որոնց շնորհիվ հնարավոր է կատարել զանգեր, ուղարկել SMS հաղորդագրություններ ինչպես նաև քարտեզի վրա գծել Ձեր գտնված վայրից դեպի ընտրված օբյեկտ տանող ճանապարհը: City Informer-ի առաջին տարբերակը նախատեսված էր միայն Հայաստանի համար, սակայն վերջերս թողարկված երկրորդ տարբերակը նախատեսված է նաև միջազգային շուկայի համար (անգլերեն և հայերեն ինտերֆեյսներով: Հեղինակները խոստանում են հաջորդ տարբերակներում ավելացնել նոր ֆունկցիաներ: Ծրագիրն ամբողջովին անվճար է և կարող եք ներբեռնել Google Play-ից: Կարող եք նաև գնահատել ծրագիրը Google Play-ում և տարածել հայ ծրագրավորողների աշխատանքի արդյունքը:

Հավանեցի՞ր, դե տեղեկացրու ընկերներիդ,
կարդա նաև նմանատիպ գրառումները 😊

մեկնաբանություն Facebook-ի պրոֆիլով
3 մեկնաբանություն Google-ի պրոֆիլով

3 մեկնաբ.:

  1. ARMEN JAN VOR SHAT XNDREM KAROXA ES TEXADREL TE INCHPES IPHONE 3GSI VRA IOS TEXADREM???? NAXAPES SHNORHAKALUTYUN

    ReplyDelete
  2. ARMEN JAN VOR SHAT XNDREM KTEXADRES BLOGUM TE VONC IOS 4.3 TEXDREM IPHONE 3GSI VRA,,,,,,,,,,,,NAXAPES MERSI

    ReplyDelete
  3. ARMEN JAN CHI LINUM QASHEL VONC ANEM? GRANCVUM EM TALISA У вас нет устройств.





    ReplyDelete