Ֆոտոշոփով մշակված լուսանկարը հաղթող է ճանաչվել Nikon-ի Ֆեյսբուքյան էջում և ծաղրի ենթարկվել օգտատերերի կողմից
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEjqAnuesO2L8VhYsNTfIpuEWi5C3OVd1TJNISkEPmpABr1HXwBDDsYtJ3l0cjoHryn1rEdZv6iC8uwqX0vI1WeAw8QHgWV1oLSL5S8aW4VmY65j13DZSL0nw8lBI3BboohfRx5KphdpEuMZ/s640/giphy%255B1%255D.gif)
Վերջերս մի հետաքրքիր դեպք է պատահել Nikon ընկերության հետ, որին ցանկանում եմ անդրադառնալ: Nikon-ի Ֆեյսբուքի էջում հայտարարվել է լուսանկարների մրցույթ և հաղթող է ճանաչվել մի լուսանկար, որն առաջին հայացքից շատ գեղեցիկ է ու յուրօրինակ: Nikon-ի Ֆեյսբուքի էջում գրված է հետևյալ տեքստը՝ «Յու Վեյը Chinatown-ով ընկերների հետ զբոսնելու ընթացքում բարձրացել է աստիճանավոր կոնստրուկցիայի վրա՝ կարծելով, որ այդտեղից բացվում է գեղեցիկ տեսարան: Սակայն նա չէր սպասում, որ երկնքում կհայտնվի ինքնաթիռ: Մենք նույնպես կփորձենք նայել վերև, Յու Վեյ, Ձեր լուսանկարը հաղթել է Nikon պայուսակ: Շնորհավոր»
![](https://blogger.googleusercontent.com/img/b/R29vZ2xl/AVvXsEjHqanCvUoUQxVN6UHZ9RNY-tXRtnjMKuAGOzwvRvH-mSQZhzUs8uOSxu6O1VcJIoVGfbNntGsDRvya35r3V34eiLbaRJqs6-sTdKcb8zO_u1e2NZjikgRyUiKSWsOfE8Ykqd7RaXnurpgb/s640/5a84194d3afbe831caf419a7b97e2599%255B1%255D.jpg)
Օգտատերերից մեկը հարցրել է լուսանկարի հեղինակին, թե ինչքան երկար է նա սպասել ինքնաթիռին, իսկ հեղինակը պատասխանել է, որ ոչ այդքան երկար, քանի որ իր բախտը բերել է:
![](https://blogger.googleusercontent.com/img/b/R29vZ2xl/AVvXsEhlYtcxAAxeUq-vU5_oHYeA_9pWy7gYcNYLMofN7tQj7wgQShCs6aN7Ov-dOcbz3EWm0xQsJqd3zv3t7MZDM14etIdeRwXRm2npcO5k-dq1pQ_c8cPK95OXvqKuyyABrYMECHatFO0geoWt/s640/f699da99283d14257bf2adca323f002b%255B1%255D.jpg)
Սակայն Nikon-ի Ֆեյսբուքի էջի մյուս օգտատերերը միանգամից բացահայտել են, որ այդ լուսանկարը ստացվել է Ֆոտոշոփի միջոցով և ծաղրի ենթարկել Nikon ֆիրմային: Հաղթող լուսանկարին անզեն աչքով ուշադիր նայելու դեպքում Դուք ինքներդ կարող եք տեսնել, որ օդանավի կողքի հատվածներում կա սպիտակ ուղղանկյուն, ինչը նշանակում է, որ լուսանկարիչը նկարել է հետևի ֆոնը և Ֆոտոշոփով այնտեղ տեղադրել ինքնաթիռը: Nikon-ի նման հայտնի ու առաջադեմ ընկերությունը սա կարող էր գոնե ստուգել Photoshop-ի մեջ գույնի մակարդակները փոխելով:
![](https://blogger.googleusercontent.com/img/b/R29vZ2xl/AVvXsEg7ZLmWI4WS6NsrLoO4Al8Idvc-I2vD_JgLJHdVe_MvUaaQgeIw-eWYmE_c8rOSz5aidnobS_wWPLv2ph-Gz2LeLf5q4epAIYJGuGBb5cJrPLb5FPSgk02RcXfHhvoTLD9QsB8J2izUE7mb/s640/ad24fad3608dd8b6f99428cb306a78ff%255B1%255D.jpg)
Օգտատերերից շատերը որոշել են նույն լուսանկարի վրա տեղադրել տարբեր առարկաներ և արդյունքում ստացվել են հետևյալ լուսանկարները :)
Վերջում նշեմ, որ Nikon-ը ստիպված ընդունել է իր սխալը և խոստացել, որ ավելի ուշադիր կլինի հետագայում: