Google-ը նախատեսում է փակել Picasa ծառայությունը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
Google ընկերություն շարունակում է ստեղծել նոր ծառայություններ ու դրա հետ մեկտեղ ոչնչացնում է նախկինում հայտնի, սակայն տվյալ պահին ոչ այդքան արդիական ծառայությունները: Նմանատիպ ծառայություններից է Picasa-ն: Google-ը պաշտոնական հաղորդագրություն է տարածել, որում ասվում է, որ ս.թ. մայիսի 1-ից այս ծառայությունը կդառնա անհասանելի: Հիշեցնեմ, որ Picasa-ն նախատեսված է լուսանկարները օնլայն հարթակում տեղադրելու և կառավարելու համար: Google-ը ցանկանում է ամբողջովին վերացնել այս ծառայությունը և կենտրոնանալ նոր Google Photos ծառայության զարգացման վրա: Իսկ Picasa ծառայության օգտատերերին Google-ը խորհուրդ է տալիս կատարել հետևյալ հրահանգները
Picasa Web Albums
Եթե Picasa Web Album-ում Դուք ունեք նկարներ կամ վիդեոներ, ապա դրանք տեսնելու և ղեկավարելու համար պետք է օգտվեք Google Photos ծառայությունից: Այսինքն Ձեր ֆայլերը ավտոմատ հասանելի կլինեն Google Photos-ում: Google Photos-ով կարող եք նաև ավելացնել նոր լուսանկարներ:
![](https://blogger.googleusercontent.com/img/b/R29vZ2xl/AVvXsEjE2YzxligbJKUF4L1bLSWPMIFoDdBZZxVfaihngzPYVsS3t16KMeISZaL2zePvNYnaJCCuotFNySgLY3KaJyR8IhFKm3GuYNIVP3VmxirCux8UXvKxhJf2EXdsm1-AmtvHeUXHMgjZlxz4/s640/GoogleForms1-small%255B1%255D.jpg)
Եթե այնուամենայնիվ չեք ցանկանում օգտվել google Photos ծառայությունից, ապա Google-ը կստեղծի նոր էջ, որտեղ կարող եք տեսնել, ներբեռնել կամ ջնջել Ձեր լուսանկարները: Սակայն այս նոր էջում չեք կարող ավելացնել կամ խմբագրել ալբոմներն ու լուսանկարները:
![](https://blogger.googleusercontent.com/img/b/R29vZ2xl/AVvXsEikszSGvc43RzHbwsu0f_fP9fnAjz9e4W0mw9lnaUD4UxLzs7KQPtXT_e2jtwrCgDg4IarH62jBMxc7Bt4AoNaqLeiSNi2biIVslgFegH_rPRxf7kQpVTAVlZbk1GS5lOtsliYYpeSx9kRa/s640/pano-in-picasa%255B1%255D.jpg)
Picasa ծրագիր
Սկսած ս.թ. մարտի 15-ից Google-ը կդադարեցնի նաև Picasa ծրագրի տեխնիկական աջակցությունը: Այսինքն կարող եք ներբեռնել հին տարբերակները և աշխատել, բայց նոր թարմացումներ չեն լինի: Բնականաբար այդ հին ծրագրերով չեք կարողանա նկարները տեղադրել օնլայն տիրույթում, քանի որ դրանք աշխատում են Picasa Web Album-ի հետ: Դրա փոխարեն Google-ը առաջարկում է օգտվել այս ծրագրից:
Ծրագրավորողների համար
Picasa API-ից նույնպես կհեռացվեն որոշ ֆունկցիաներ և այն ծրագրավորողները, ովքեր իրենց ծրագրերում նախկինում օգտվել են այդ API-ից, ապա պետք է դա փոխեն: