Instagram-ն արդեն ցուցադրում է այն մարդկանց, ովքեր սքրինշոթ են անում ուրիշների Story-ները

Ամսաթիվ 12/02/2018 թ.

Instagram-ում ներդրվել է նոր գործառույթ, որի միջոցով օգտատերերը տեսնում են բոլոր այն հետևորդներին, ովքեր սքրինշոթի (screenshot) միջոցով նկարել և պահպանել են իրենց Story-ները հեռախոսների մեջ: Այս գործառույթը տվյալ պահին հասանելի է քիչ թվով օգտատերերի համար և աստիճանաբար հասանելի է լինելու բոլորի համար:

Նշեմ նաև, որ սքրինշոթ անողը նույնպես տեղեկացվում է, որ իր գործողությունը տեսանելի է լինելու Story-ի հեղինակին:

Եթե չեք ցանկանում բռնվել սքրինշոթ անելու դեպքում, ապա պետք է բացեք Story-ն, միացնեք հեռախոսի «Ինքնաթիռի» ռեժիմը, կատարեք Ձեր «սև» գործը և ռեստարտ անեք Instagram-ի հավելվածը: Սքրինշոթ անելու փաստը թաքցնելու համար կարող եք նաև օգտվել Instagram-ի վեբ տարբերակից: