Armblog.net

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Microsoft-ը թողարկել է կորոնավիրուսի տարածմանը իրական ժամանակում հետևելու քարտեզ

Microsoft ընկերությունը Bing որոնողական համակարգում տեղադրել է Covid-2019 վիրուսին իրական ժամանակում հետևելու քարտեզ: Ամեն մի երկրի վրա սեղմելուց հետո կարող եք տեսնել կոնկրետ այդ երկրին վերաբերող պաշտոնական վիճակագրությունը: Հնարավորություն կա նաև տեսնել տվյալ երկրում Covid-2019 վիրուսին վերաբերող վիդեոներ և նորություններ:

Բացել կայքը

Կարդալ ավելին

Ինչպես SmartTV-ով կամ համակարգչով անվճար նայել ամենավերջին ֆիլմերը 4K որակով

OttPlayer ծրագիրը հիմնականում նախատեսված է IPTV հեռուստատեսային ալիքներ նայելու համար: Այսինքն, ծրագրին տալիս եք վճարովի կամ անվճար փլեյլիսթի հասցե և այն ցուցադրում է ցանկն ու վիդեո պատկերը:

Համացանցում գոյություն ունի մի հիանալի պորտալ, որը թույլ է տալիս դիտել ամենավերջին ֆիլմերը 4K կամ ավելի ցածր որակով: Պորտալն ունի նաև Torrent ֆիլմեր ցուցադրելու հնարավորություն, ինչին կանդարդառնամ հետագա գրառումներից մեկում: Իսկ մինչ այդ, եկեք տեսնենք, թե ինչպես է հնարավոր այդ պորտալը կապել OttPlayer ծրագրի հետ և SmartTV-ով նայել ամենավերջին ֆիլմերը 4K որակով:

1.Հեռուստացույցի մեջ ներբեռնեք OttPlayer ծրագիրը: Գրեթե բոլոր SmartTV-ների հավելվածների խանութում այն անվճար առկա է: Եթե ծրագիրը առկա չէ ձեր հեռուստացույցի համար կամ ծրագրի մեջ ներքևի հասցեն չի ավելանում, ապա հեռուստացույցի ինտերնետ դիտարկչում բացեք http://widget.ottplayer.es կայքը: Այս կայքը կարող եք բացել նաև համակարգչով, պլանշետով, սմարթֆոնով, PlayStation-ով և ֆիլմերը դիտել այդ սարքերի վրա:

2.Բացեք OttPlayer-ը և սեղմելով մատիտի վրա ավելացրեք հետևյալ պորտալի հասցեն՝ http://nserv.host:5300/#.XML

Նշեմ, որ հարմարավետ նավիգացիայի համար OttPlayer-ի կարգավորումներում նավիգացիայի տիպը դրեք список: Եթե դժվարություններ լինեն, ապա դիտեք YouTube-ի ուղեցույցները:

Հ.Գ.

Ինչպես արդեն նշեցի, OttPlayer-ը հիմնականում նախատեսված է IPTV ալիքներ դիտելու համար, ինչի մասին մանրամասն կարող եք կարդալ այս գրառման մեջ:

Կարդալ ավելին

Doom Eternal խաղի վերջնական թրեյլերը: Խաղը թողարկվելու է մարտի 20-ին

Bethesda ընկերությունը ներկայացրեց Doom Eternal խաղի վերջնական թրեյլերը: Հիշեցնեմ, որ խաղը թողարկվելու է ս.թ. մարտի 20-ին:

Կարդալ ավելին

Թողարկվել է Call of Duty Warzone անվճար բազմապլատֆորմ խաղը

Infinity Ward ընկերությունը թողարկել է Call of Duty խաղի անվճար տարբերակը, որն իրենից ներկայացնում է օնլայն «արքայական մենամարտեր»: Քարտեզի վրա 150 օգտատերեր միայնակ կամ թիմերով կռվում են միմյանց դեմ: Խաղն անվճար հասանելի է PC, XBox One և PS4 պլատֆորմերի վրա:

Խաղը տվյալ պահին ներառում է երկու ռեժիմներ՝ Battle Royale և Plunder: Առաջինը դա դասական «Արքայական մենամարտեր» են, իսկ երկրորդի դեպքում պետք է որոշակի քանակությամբ գումար հավաքել՝ թշնամիներին թալանելով և սպանելով:

Խաղում հնարավոր է արագ տեղափոխվել տարբեր տեսակի տրանսպորտով (կվադրոցիկլ, բեռնատար, ուղղաթիռ և այլն):

«Արքայական մենամարտերում» մահանալու դեպքում հնարավորություն է տրվում նորից վերադառնալ: Մահացած խաղացողը ընկնում է գաղութ, որտեղ պետք է 1 vs 1 մենամարտում հաղթի հակառակորդին: Հաղթողը վերառանում է, իսկ պարտվողը պետք է հույսով սպասի, որ իր թիմակիցները պայմանագիր կնքելով գումար կհավաքեն ու իրեն կվերադարձնեն: Պայմանագրերը խաղում իրենցից ներկայացնում են հատուկ առաջադրանքներ:

Call of Duty Warzone խաղն առանձնացված է Call of Duty Modern Warfare խաղի ամբողջական տարբերակից, սակայն վերջինիս օգտատերերը կարող են իրենց զենքերն ու այլ իրերը օգտագործել նաև Warzone խաղում:

Վերջում ավելացնեմ, որ խաղը հասանելի չի ռուսական PSN պրոֆիլների համար, այդ պատճառով կարող եք այն ներբեռնել ԱՄՆ կամ այլ երկրի պրոֆիլով:

Կարդալ ավելին

iPhone 11 Pro-ով 5 ժամ շարունակ նկարահանվել է Էրմիտաժի թանգարանը (տեսանյութ)

Apple Россия-ի YouTube-ի էջում տեղադրվել է 5 ժամ 19 րոպեանոց տեսահոլովակ, որը նկարահանվել է iPhone 11 Pro-ի 4K տեսախցիկով: Տեսահոլովակում ցուցադրվում են Էրմիտաժի 45 սրահներ և 588 արվեստի գործեր:

Կարդալ ավելին

Apple Watch-ի նոր պատճենն ու էժան մրցակիցը` Oppo Watch

Oppo ընկերությունը ներկայացրեց իր առաջին սմարթ ժամացույցները, որոնք կոչվում են Oppo Watch: Այս ժամացույցները արտաքնապես շատ նման են Apple Watch-ին: Ժամացույցներն ունեն 1.6 դյույմանոց (41մմ կորպուս) և 1.9 դյույմանոց (46մմ կորպուս) AMOLED էկրան: Ժամացույցների կորպուսը ալյումինից է: Ժամացույցը կառավարվում է կորպուսի վրա տեղադրված երկու ֆիզիկական կոճակներով:

Oppo Watch-երն աշխատում են Snapdragon Wear 2500 և Apolo 3 պրոցեսորներով, ունեն 1ԳԲ օպերատիվ և 8ԳԲ ներքին հիշողություն: Ժամացույցներում չկա SIM քարտ տեղադրելու հնարավորություն, սակայն առկա է eSIM տեխնոլոգիան, ինչը թույլ է տալիս սմարթֆոնից անկախ զանգեր ընդունել կամ զանգել:

Oppo Watch ժամացույցներով կարող եք հետևել ձեր քնի որակին, սրտի աշխատանքին և ֆիզիկական ակտիվությանը: Ինչպես Apple Watch-ում, այստեղ նույնպես կա սրտի էլեկտրոկարդիոգրամայի հնարավորություն: Oppo Watch սմարթ ժամացույցները ջրակայուն են:

Ժամացույցի արտադրողները հավաստիացնում են, որ լիցքավորելուց հետո դրանք նորմալ օգտագործման պայմաններում աշխատում են 40 ժամ, իսկ էներգախնայող ռեժիմի դեպքում՝ 21 օր: Ժամացույցներն աշխատում են Android-ի հիման վրա ստեղծված ColorOS Watch համակարգով: Ժամացույցները հասանելի կլինեն ս.թ. մարտի 24-ից և կարժենան 215 կամ 288 ԱՄՆ դոլար:

Կարդալ ավելին

Ինչպես մի քանի վայկյանում ջնջել տեսահոլովակի ֆոնը

Ամիսներ առաջ բլոգում անդրադարձել էի remobe.bg կայքին, որի միջոցով հնարավոր է ակնթարթորեն լուսանկարի վրայից հեռացնել ֆոնը և առանձնացնել դրա վրա գտնվող մարդուն: Այժմ համացանցում հայտնվել է նմանատիպ մի ծառայություն, որն արդեն վիդեոյի վրայից է հեռացնում ֆոնը:

Այս գործիքը թույլ է տալիս նաև հին ֆոնի փոխարեն ընտրել այլ ստատիկ կամ դինամիկ ֆոներ: Հնարավորություն կա նաև ներբեռնել վերջնական արդյունքը: Այս գործիքն առայժմ գտնվում է սկզբնական փուլում և դեռևս պետք չի 100 տոկոսանոց արդյունք ակնկալել: Տվյալ պահին սահմանափակում կա նաև վիդեոյի երկարության վրա:

Բացել կայքը

Կարդալ ավելին

Google Assistant-ն արդեն կարողանում է բարձրաձայն կարդալ բացված կայքերի տեքստերը

Google ընկերությունը թարմացրել է Google Assistant ծառայությունը և դրա մեջ ավելացրել է մի օգտակար գործառույթ: Այսուհետ կարող եք խնդրել (կամ հրամայել😊) Google Assistant-ին, որպեսզի նա բարձրաձայն կարդա բացված կայքը: Պետք է ընդամենը ասել՝ «Hey Google, read this» հրամանը:

Նշեմ, որ հնարավորություն կա նաև կարգավորել արագությունը: Google Assistant-ը կարող է նաև թարգմանել տեքստը 42 լեզուներով և թարգմանված տեքստը բարձրաձայն կարդալ:

Կարդալ ավելին

PlayStation-ի հայտնի խաղի մոտիվներով սերիալ կնկարահանվի

HBO ընկերությունը սկսել է աշխատել «The Last of Us» խաղի հիման վրա նկարահանվող սերիալի վրա: Ֆիլմի նկարահանման աշխատանքներով զբաղվում է Կռեյգ Մեյզինը, ով մեզ պարգևել է «Chernobyl» ֆիլմը:

Հիշեցնեմ, որ Naughty Dog ստուդիայի կողմից թողարկված «The Last of Us» խաղը համարվում է PlayStation-ի էքսկլյուզիվ խաղ: Այս խաղը վերջերս օգտատերերի կողմից ճանաչվեց վերջին 10 տարիների PlayStation-ի լավագույն խաղ:

Նշեմ նաև, որ շատ շուտով կթողարկվի այս խաղի երկրորդ տարբերակը PlayStation խաղային կոնսոլի համար:

Կարդալ ավելին

Ֆեյսբուքում 3D լուսանկարներ արդեն կարող եք տեղադրել ցանկացած հեռախոսից

Տարիներ առաջ Ֆեյսբուքը հնարավորություն էր տալիս գերհզոր տեսախցիկներ ունեցող սմարթֆոններով նկարել ու Ֆեյսբուքում տեղադրել 3D լուսանկարներ: Այժմ այս հնարավորությունը հասանելի է դարձել նաև միջին և բարձր Անդրոիդ/iOS սմարթֆոնների համար: