«Яндекс» ընկերությունը ներկայացրեց YandexGPT նեյրոցանցը, որն հանդիսանում է ChatGPT-ի ալտերնատիվ տարբերակներից մեկը: «Яндекс»-ը ներդրել է նաև այս նեյրոցանցը «Алиса» օգնականի մեջ: Նոր նեյրոցանցը կարողանում է գրել ռեսյումեներ, հավաքագրել փաստեր, առաջարկել կարգախոսներ, գրել ճանապարհորդության պլաններ և այլն:

YandexGPT-ից հնարավոր է օգտվել «Яндекса» հավելվածում և դիտարկչում, ինչպես նաև «Алиса»-ով աշխատող սարքերի վրա: Նշվում է նաև, որ այս նախագիծը դեռ փորձարկման փուլում է և մի շարք թերություններ ապագայում կշտկեն: Օրինակ նեյրոցանցը չի հասկանում խոսակցության կոնտեքստը:

Google I/O 2023 միջոցառման շրջանակներում ներկայացվեց միջին սեգմենտի Pixel 7a սմարթֆոնը: Արտաքնապես սմարթֆոնը նման է Pixel 7 և 7 Pro սմարթֆոններին և աշխատում է նույն Google Tensor G2 պրոցեսորով: Pxiel A դասի սմարթֆոնի վրա առաջին անգամ հասանելի են նաև պրեմիում դասի այնպիսի պարամետրեր, ինչպիսիք են Face Unlock-ը, 8ԳԲ օպերատիվ հիշողություն, 90 Հց էկրան և անլար լիցքավորում: Սմարթֆոնի մարտկոցը 4385 մԱժ է, որը լարով լիցքավորվում է 18 Վտ հզորությամբ, իսկ անլար՝ 7.5 Վտ:

Pixel 7a սմարթֆոնի հիմնական տեսախցիկը 64 Մպ է, որն ունի 8x Super Res զում: Առկա է նաև 13 Մպ լայնանկյուն մոդուլ: Սմարթֆոնի առջևի տեսախցիկը նույնպես 13 Մպ է:

Pixel 7a սմարթֆոնը հասանելի է 4 երանգներով՝ Charcoal, Snow, Sea, և Coral: Սմարթֆոնը պաշտպանված է ջրից IP67 ստանդարտով: 

Pixel 7a սմարթֆոնների վաճառքն արդեն մեկնարկել է: Սմարթֆոնները վաճառվում են 499 դոլարով:

Google I/O 2023 միջոցառման շրջանակներում ներկայացվեց ծալվող էկրանով Pixel Fold սմարթֆոնը: Միջոցառման ժամանակ ցուցադրվեցին արտաքին և ներքին էկրանների միջը սահուն անցումը, միաժամանակ մի քանի աշխատանք կատարելու հնարավորությունները (multitasking), բացված հավելվածից ու էկրանների անկյունից կախված  ինֆորմացիա ցուցադրելու հնարավորությունը (օրինակ YouTube-ի դեպքում վիդեոն ցուցադրվում է մի էկրանին, իսկ կառավարող կոճակները՝ մյուս), տեսախցիկի ռեժիմում տարբեր էկրանների անցումը և այլն:

Pixel Fold սմարթֆոնն արտաքնապես նման է Pixel 7 սմարթֆնոներին: Սմարֆոնը կորպուսը պատրաստված է ապակուց ու ալյումինից: Սմարթֆոնի ներքին էկրանը բացված վիճակում 7.6 դյույմ է (6:5, 2208×1840, 380 ppi, OLED, 120 Հց, 1450 նիտ), իսկ արտաքին էկրանը՝ 5.8 դյույմ (17,4:9, 2092×1080 (408 ppi), OLED, 120 Հց, 1550 նիտ):

Pixel Fold սմարթֆոնն աշխատում է Pixel 7 սմարթֆոնների Google Tensor G2 պրոցեսորով: Օպերատիվ հիշողությունը 12 ԳԲ է, իսկ ներքին հիշողությունը՝ 256/512 ԳԲ: 

Սմարթֆոնի տեսախցիկների մոդուլներն են՝ 48 ՄՊ հիմնական, 10.8 ՄՊ տելեֆոտո (5x օպտիկական զում), 10.8 ՄՊ լայնանկյուն: Սմարթֆոնի արտաքին էկրանի վրա տեղադրված է 9.5 ՄՊ առջևի տեսախցիկ, իսկ ներքին էկրանի վրա՝ 8 ՄՊ: Սմարթֆոնի մարտկոցը 4821 մԱժ է, որը լարով լիցքավորվում է 30 Վտ հզորությամբ: Առկա է նաև անլար լիցքավորման տարբերակ:

Google Pixel Fold սմարթֆոնների 256ԳԲ մոդելն արժի 1799 դոլար, իսկ 512 ԳԲ տարբերակը՝ 1919 դոլար: Սմարթֆոնների նախապատվերն արդեն հասանելի է պաշտոնական կայքում: Pixel Fold-ը պատվիրելու դեպքում Google-ը նվիրում է նաև Pixel Watch սմարթ ժամացույց (400$):

«Яндекс» ընկերությունը թողարկել է  տեքստային նկարագրությունից նկարներ գեներացնող սեփական անվճար նեյրոցանցը, որը կոչվում է «Шедеврум»: Այս նոր նեյրոցանցը հասանելի է iOS և Android համակարգերի համար թողարկված համանուն հավելվածում: «Шедеврум»-ը հասկանում է ոչ միայն անգլերեն ու ռուսերեն, այլև այլ լեզուներ (նաև հայերեն): 

Նեյրոցանցը «սովորել» է  240 միլիոն լուսանկարների հիման վրա: Նշվում է, որ տվյալ պահին հեղինակները նեյրոցանցին սովորեցնում են ավելի քան 500 միլիոն օրինակներով, որպեսզի ավելի որակյալ արդյունք ստանան:

«Шедеврум» նեյրոցանցից օգտվելու համար պետք է ներբեռնել համապատասխան հավելվածը և օգտագործման հայտ ուղարկել: Իմ դեմքում հայտը հաստատեցին 24 ժամ հետո: Գեներացված նկարները հնարավոր է նաև հրապարակել Шедеврум-ի մեջ, որպեսզի մնացած օգտատերերը ևս կարողանան տեսնել դրանք և գնահատել:

Ռուսական «Сбер» ընկերությունը մոտ մեկ տարի առաջ թողարկել էր Kandinsky անունով սփական նեյրոցանցը, որը նախատեսված է տեսքստաին նկարագրության հիման վրա լուսանկարներ գեներացնելու համար: Այսօր արդեն «Сбер»-ը թողարկել է այս նեյրոցանցի ավելի կատարելագործված տարբերակը:

Այս նեյրոցանցը կարողանում է ոչ միայն գեներացնել տարբեր ոճի լուսանկարներ, այլև «միաձուլել» մի քանի լուսանկարներ, փոխել դրանք տեքստային նկարագրության հիման վրա, գեներացնել տրված լուսանկարին նման լուսանկարներ, լրացնել լուսանկարում բացակայող դետալները և այլն: Նեյրոցանցը հասկանում է ավելի քան 101 լեզու, այդ թվում հայերեն:

Նոր նեյրոցանցից կարող եք փորձել պատշոնական կայքում: Նեյրոցանցը նաև հասանելի է «Салют» բջջային հավելածում, ML Space պլատֆորմում, Telegram բոթում, ինչպես նաև Sber-ի խելացի սարքերի վրա

Google ընկերությունը թողարկել է Nearby Share Beta for Windows ծրագրը, որը նախատեսված է Անդրոիդից Windows և հակառակը ֆայլեր փոխանակելու համար: Ծրագրի աշխատանքի համար պահանջվում է 64 բիթանոց Windows 10 կամ 11 օպերացիոն համակարգ, ինչպես նաև Bluetooth մոդուլ: Դե իսկ Անդրոիդ համակարգում վաղոըց ներդրված է Nearby Share գործառույթը ու ոչինչ պետք չի տեղադրել: Windows-ից Անդրոիդ ֆայլեր ուղարկելու համար պետք է ընդամենը ֆայլը քաշել ծրագրի պատուհանի վրա ու մոտակայքում հայտնաբերված սարքերից ընտրել համապատասխանը: 

Անդրոիդից ֆայլեր ուղարկելու համար պետք է պարզապես ընտրել ֆայլը, բացել տարածելու (share) մեյուն և ընտրել Nearby Share տարբերակը:

Ծրագիրը Windows-ում տեղադրելուց հետո պահանջվում է մուտք գործել Google-ի հաշիվ, որպեսզի հնարավոր լինի օրինակ ֆայլեր փոխանակել միայն այդ հաշիվ մուտք գործած սարքերի միջև: 

Կարող եք ընտրել նաև, որպեսզի սարքը ֆայլեր ստանալու հարցումներ նաև ստանա միայն ձեր կոնտակտներից կամ ցանկացած սարքից: 

Ֆայլերը փոխանակվում են միայն այն դեպքում, երբ ստացողն ընդունում է հարցումը: Կարելի է ասել, որ սա ավանդական Bluetooth-ով ֆայլեր փոխանակելու կատարելագործված տարբերակն է:

Բլոգի այցելուներից Ռոբերտ Թադևոսյանը ցանկացել է իր մասնագիտական ուղեցույցով կիսվել բլոգում՝ Անդրոիդ հավելվածներ մշակողների համար:

Այս հոդվածում կներկայացնեմ, թե ինչպես ստեղծել ձեր CustomView-ն Android սարքերի համար հավելածներ մշակելիս: Եթե ծանոթ չեք Android հավելվածների մշակմանը,  կարող եք կարդալ պաշտոնական հղումով: Հոդվածում կօգտագործեմ Kotlin ծրագրավորման լեզուն (պաշտոնական ծրագրավորման  լեզու `Android հավելվածների մշակման համար): Այստեղ կարող եք կարդալ Կոտլինի մասին:

Նախքան հոդվածի հիմնական մասին անցնելը, առաջարկում եմ հասկանալ երկու բան.

1) Ի՞նչ է իրենից ներկայացնում CustomView-ն Android-ում։

CustomView-ն UI(User Interface)-ի տարր է, որն ամբողջությամբ ստեղծվում է մշակողի կողմից: CustomView-երը ստեղծվում են՝ ընդլայնելով View դասը (Class), որն ապահովում է օգտատերերի փոխազդեցությունները (User Interaction) նկարելու և մշակելու հիմնական շրջանակը:

2) Ե՞րբ կամ ի՞նչ պայմաններում կարող է անհրաժեշտ լինել ստեղծել ձեր CustomView-երը Android հավելվածներ մշակելիս:

Android-ում CustomView ստեղծելը կարևոր հմտություն է այն մշակողների համար, ովքեր ցանկանում են ստեղծել նորարար և եզակի հավելվածներ: CustomView-երն օգտագործվում են, երբ Android-ի կողմից տրամադրված առկա View-երը չեն համապատասխանում դիզայնի կամ ֆունկցիոնալության հատուկ պահանջներին: CustomView-երը ծրագրավորողներին հնարավորություն են տալիս ստեղծելու բարդ տեսողական տարրեր, որոնք բարելավում են օգտատիրոջ փորձը՝ միաժամանակ ապահովելով ճկունություն և անհատականացում: Այս հոդվածում մենք կդիտարկենք, թե ինչպես քայլ առ քայլ ստեղծել CustomView-եր Android-ում:

Եվ այսպես, սկզբի համար բացեք Android Studio-ն և ստեղծեք դատարկ նախագիծ (Android Studio - Android-ի համար հավելվածների մշակման պաշտոնական ինտեգրված մշակման միջավայր (IDE)։ Չմոռանաք առաջին փուլում ընտրել Empty Activity: Նախագիծը ստեղծելուց հետո մենք կունենանք դատարկ գործունեություն (Activity) նշագրմամբ (layout) (MainActivity.kt, activity_main.xml) որոնք վերջում մեզ անհրաժեշտ կլինեն։ Ես նախագիծը կանվանեմ CustomView, դուք կարող եք ցանկացած անուն տալ:

Մեր MyCustomView-ը պետք է ժառանգի View դասից, որը տրամադրում է «android»-ը:

Հաջորդ քայլում մենք պետք է override անենք onMeasure ֆունկցիան՝ հատուկ customView-ի չափը հաշվարկելու համար: 

Ահա թե ինչպես է դա արվում՝

Հաջորդը քայլում պետք է override անենք MyCustomView դասի onDraw ֆունկցիան, որպեսզի կարգավորեք customView-ի գծագիրը/տեսքը: Օգտագործեք Canvas օբյեկտը՝ դիզայնի առանձնահատկությունների հիման վրա հատուկ տեսք նկարելու համար: Այս օրինակում մենք չունենք կոնկրետ ձևավորում, քանի որ մենք դիտարկում ենք customView ստեղծելու միջոց և  այստեղ մենք գծելու ենք ընդամենը մոխրագույն ուղղանկյուն՝ սահմաններով: Գրեթե ամեն ինչ պատրաստ է, բայց հետաքրքրության և ավելի մանրամասն մշակման համար, ես առաջարկում եմ նոր պարամետրեր (attributes) ավելացնել մեր MyCustomView-ին՝ այն դարձնելով ավելի ճկուն օգտագործման համար: Դա անելու համար մենք պետք է ստեղծենք .xml ֆայլ մեր պարամետրերի համար: Մկնիկի աջ քլիք res/values ​​թղթապանակի վրա -> new -> values resource file, գրում ենք ֆայլի անունը (սովորաբար ես այս ֆայլը անվանում եմ attrs.xml), սեղմում ենք Enter: Հաջորդը, լրացրեք այս ֆայլը հետևյալ կերպ (տես ստորև ներկայացված սքրինշոթի օրինակով)

Մենք ավելացրել ենք երկու պարամետր՝ մեկը սահմանի գույնի, իսկ մյուսը՝ այդ սահմանի չափի (լայնության) համար: Այստեղ դուք կարող եք առաջարկել տարբեր տարբերակներ՝ կախված առաջադրանքից: Այս ատրիբուտները կարող են մուտք գործել  MyCustomView դասում և օգտագործվել customView-ի տեսքն ու վարքագիծը փոխելու համար: (տես հաջորդ սքրինշոթը):

Այժմ մենք պետք է կարգավորենք այս հատկանիշները մեր MyCustomView դասում(class): Մենք գրում ենք init{} բլոկը մեր դասում(class), և մենք կմշակենք այս հատկանիշները դրանում:

Մշակման համար մենք վերցնում ենք theme օբյեկտը մեզ հասանելի context օբյեկտից և կանչում ենք getStyledAttributes(attr, R.styleable.MyCustomView, 0, 0) ֆունկցիան, որը վերադարձնում է TypedArray տիպի օբյեկտ, որտեղից կառող ենք ստանալ հատուկ պարամետրերի արժեքները, ինչը ցուցադրված է վերևի սքրինշոթում:

Եվ վերջում մեզ մնում է միայն օգտագործել մեր MyCustomView-ն հավելվածում։ Ավելացնենք այն activity_main.xml-ում, որը ստեղծվել է սկզբում նախագծի ստեղծման ժամանակ:

Ավելացրեք customView-ն  layout-ի մեջ՝ օգտագործելով դասի անունը ամբողջովին՝ որպես XML տարրի անուն: Օգտագործեք customView-ն ձեր հավելվածի մեջ՝ ավելացնելով layout-ի մեջ կամ Kotlin կոդի միջոցով։

Վերջում սեղմեք Build -> Rebuild Project և ավարտելուց հետո մենք կարող ենք տեսնել մեր MyCustomView-ը նախադիտման մեջ:

Ընդհանուր խորհուրդներ Android-ում customView - եր ստեղծելու համար:

• Օգտագործեք custom view-ի դասի onMeasure ֆունկցիան view  չափը սահմանելու համար:

• Օգտագործեք Canvas - ը onDraw ֆունկցիայի մեջ գրաֆիկները և վիզուալները հատուկ տեսքով նկարելու համար:

• Օգտագործեք AttributeSet պարամետրը ձեր custom view- ի դասի(class) կոնստրուկտորում՝ XML ֆայլից հատուկ ատրիբուտները կարդալու համար:

• Մտածեք հատուկ դասավորության ֆայլերի օգտագործման մասին՝ view -երը խմբավորելու և հարմարեցված տեսքով դասավորելու համար:

Եզրափակելով կարելի է ասել, որ Android-ում custom view-ի ստեղծումը կարևոր հմտություն է ձեր հավելվածի ֆունկցիոնալությունը և տեսողական գրավչությունը բարելավելու համար: Կիրառելով custom view-եր՝ մշակողները կարող են ստեղծել բարդ և եզակի ինտերֆեյսեր, որոնք համապատասխանում են դիզայնի հատուկ պահանջներին: Այս հոդվածը տրամադրում է անհատական ​​դիտումներ ստեղծելու համապարփակ ուղեցույց, ինչպես նաև որոշ խորհուրդներ՝ ձեր մշակման գործընթացը բարելավելու համար: Պրակտիկայի և փորձի շնորհիվ դուք կկարողանաք ստեղծել ավելի նորարարական և արձագանքող(responsive) custom view- եր, որոնք ձեր հավելվածն առանձնացնում են մնացածից:

Ուղեցույցի հեղինակ՝ Ռոբերտ Թադևոսյան

Ստեղծվել է Zero-1-to-3 անունով նոր նեյրոցանց, որը հնարավորություն է տալիս տեսնել լուսանկարում առկա օբյեկտն այլ անկյունից: Անհրաժեշտ է ընդամենը վերբեռնել ցանկացած լուսանկար և ստեղծել գեներացնելու կոճակը: 

Հնարավորություն կա ինչպես ընտրել նախօրոք ընտրված տեսախցիկի դիրքերից մեկը (օրինակ վերևից կամ ձախ կողմից), կամ ինքնուրույն կարգավորել տեսախցիկի դիրքը: Նեյրոցանցն ունի նաև մի շարք այլ կարգավորումներ, որոնք թույլ են տալիս հասնել ավելի լավ արդյունքի