Amazon-ը թողարկելու է 50 դոլարանոց պլանշետներ
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEh0R3a1gW0ijnwJxoqw837ycc5UTaYbImDrwmjoGH3zWO4o2O6rONeT-LZzLYKLBSlcsA0FVVtt4R5L9Gd4zqiAMf9sz3_qftF4NAj_E86toUtRtmm6_A4AaGJYMlsxsgV6WH8uWGmZ8UcU/s640/feature-powerful-671x362%255B1%255D.jpg)
Amazon ընկերությունը պարբերաբար թողարկում է էլեկտրոնային սարքեր, որոնք համեմատաբար էժան են լինում: Այս անգամ Amazon-ը որոշել է ստեղծել բավականին էժան պլանշետ: Այդ պլանշետը վաճառքի կհանվի Ամանորի տոներին ընդառաջ և կարժենա ընդամենը 50 ԱՄՆ դոլար: Սարքը կունենա 6 դյույմանոց էկրան: Նշեմ, որ այս նոր պլանշետը երկու անգամ էժան կլինի 6 դյույմանոց Amazon Fire HD պլանշետից: Amazon-ում էլեկտրոնային գրքեր կարդալու համար նախատեսված ամենաէժան սարքը տվյալ պահին արժի $79 դոլար: Առայժմ այս նոր պլանշետի տեխնիկական պարամետրերը հայտնի չեն, սակայն գնից կարելի է ենթադրել, որ այն այդքան էլ հզոր չի լինի: Այս տարվա վերջում Amazon-ը պատրաստվում է թողարկել նաև 8 և 10 դյույմանոց նոր պլանշետներ, որոնց գներն ու տեխնիկական պարամետրերը դեռ հայտնի չեն: