Google-ը թողարկել է Android O համակարգի նախնական տարբերակը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEgfq3xmD91yZL_bAcTnqpoY8mUQKZ1SQWkSli8D83ZidLF3nWILF6uRulRKfstj17593MQY0K2l1gGzyvpCHTSDfe6ZcGjJ_wVxI1TKjlwoH8_WYvtdYKH-BvY3gS9S8ZCPkGhyVrHAb_Jp/s640/Untitled-1-2%255B1%255D.jpg)
Օրեր առաջ Google-ը ներկայացրեց հաջորդ Android-ի նախնական տարբերակը, որի անունը բնականաբար սկսվելու է O տառով, սակայն դեռ հայտնի չի, թե այդ տառով սկսվող որ քաղցրավենիքի անունն է ընտրվելու: Այս համակարգն արդեն հասանելի է ներբեռնման համար և առաջին հերթին նախատեսված է ծրագրեր մշակողների համար: Google-ն առայժմ չի բացում բոլոր խաղաքարտերը, սակայն նոր օպերացիոն համակարգի մասին որոշ տեղեկություններ արդեն կան: Google-ը հերթական անգամ փորձել է լավացնել էներգախնայողությունը: Նոր Անդրոիդում Google-ը շարունակելու է ֆոնային ռեժիմում աշխատող ծրագրերի կրճատումը, որպեսզի էներգիայի ծախսը հասցնի նվազագույնի:
Android O-ում հայտնված մյուս փոփոխությունը կապված է ծանուցումների ցուցադրման հետ: Նոր համակարգում հնարավորություն կա խմբավորել ծանուցումները ըստ բաժինների (կանալների) և ավելի լավ կառավարել դրանց ցուցադրումը: Կարող եք նաև հետաձգել ծանուցման կարդալը և որոշակի ժամանակ անց այն նորից կհայտնվի:
![](https://blogger.googleusercontent.com/img/b/R29vZ2xl/AVvXsEgexEmlgdhJsSzzomcEOfwgixEaig2-wan8Zi5GDkN89JqdpmJ21TfgsGzICsu57M2kzQc9bohyphenhyphenr0ToCkewZpPAyjib3bujDukor8rF43ttCCKVEQjF0Nyh8lJF8EzNUuJMYaCtPvR0H6fP/s1600/google+O.png)
Նոր Անդրոիդում Google-ը թույլ է տալու, որպեսզի ծրագրավորողները հավելվածների համար ստեղծեն այսպես կոչվող «հարմարվող նշաններ», որոնք հեռախոսի թեմայից կախված կփոխեն իրենց արտաքին տեսքը:
![](https://blogger.googleusercontent.com/img/b/R29vZ2xl/AVvXsEhl3eiTrEKd6BIowOaUplE1xeGgiPZ4lFUm6I71n6S-wQz2ubvb_Ljju6ofRbkm67TbQ9hv5hF3DZ_16m-2CV9mGr2rpMJDutmdcYXk8hkJV0CJOU3fS4YqdAqroB20qARlSFguRc1ywIBB/s200/NB_Icon_Mask_Shapes_Ext_01-1.gif)
![](https://blogger.googleusercontent.com/img/b/R29vZ2xl/AVvXsEjFyHr7JvB_FwEdTOF-ZAmFM2zHRfo4T7DwnSkEnEkITzKQV7rLyPPYKkKi-1OhtDXrlZwNEvlOLenOVGo2CCGaJxtxDajQbVVtSfCC7aC7EjX4CVpY6rDmuy5AICYqysO_NJj_dCOYS38F/s200/NB_Icon_Mask_Shapes_Ext_02-1.gif)
Android O-ում հայտնվելու է նաև «Նկարը նկարի մեջ» ֆունկցիան, որի միջոցով կարող եք միաժամանակ աշխատել և դիտել տեսանյութեր: Android O-ում բարելավվելու է նաև բազմապատուհանային ռեժիմը: Այսինքն կարող եք միաժամանակ օգտվել մի քանի հավելվածներից (Samsung սմարթֆոններում սա վաղուց կա):
Android O-ում կան նաև բազմաթիվ փոփոխություններ ծրագրավորողների համար (նոր Java կոմպոնենտներ, WebView-ի բարելավվում և այլն):
Android O Developer Preview համակարգն առայժմ հնարավոր է տեղադրել Nexus 5X, Nexus 6P, Nexus Player, Pixel, Pixel XL, Pixel C սարքերի, կամ համակարգչի վրա տեղադրված էմուլյատորի վրա:
Android Oreo
ReplyDelete