CES 2019: Gillette-ը ներկայացրեց տաքացուցիչով սափրվելու սարք

Ամսաթիվ 11/01/2019 թ.

CES 2019 ամենամյա ցուցահանդեսի ժամանակ Gillette-ը ներկայացրեց սափրվելու համար նախատեսված նոր սարք, որն ունի տաքացուցիչ:

Heated Razor նոր սարքի վրա տեղադրված տաքացուցիչը վայրկյանների ընթացքում տաքանում է մինչև +45°С/+50°С, ինչի շնորհիվ այն տաքացնում է սափրվելու փրփուրը/մածուկը կամ մարդու մաշկը: Սարքը ստեղծողները հավաստիացնում են, որ այս կերպ մարդու դեմքը ավելի լավ է տաքանում, քան տաք ջրով լվանալիս:

Heated Razor սարքը լիցքավորվում է անլար տեխնոլոգիայով, որի լիցքավորող սարքը ներառված է փաթեթի մեջ: Heated Razor սարքը վաճառվելու է $160-ով:

CES 2019 ցուցահանդես բերելուց առաջ Gillette-ը Indiegogo կայքում քրաուդֆանդինգ արշավ էր ստեղծել, որտեղ հավաքել էր պահանվող գումարից 5 անգամ շատ գումար: