Armblog.net: Nokia

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Ներկայացվեց Nokia 5710 XpressAudio հեռախոսը, որն ունի ականջակալները լիցքավորելու գրպան

HMD ընկերությունը ներկայացրեց Nokia 5710 XpressAudio ֆիզիկական կոճակներով հեռախոսը, որն իր մեջ ունի ականջակալները տեղադրելու և լիցքավորելու գրպան: Ականջակալները ներառված են հեռախոսի կոմպլեկտի մեջ:

Nokia 5710 XpressAudio-ի 1450մԱժ «հանվող» մարտկոցը բավականացնում է 6 ժամ 4G ցանցով խոսելու համար և 20 ժամ անոնիմ ռեժիմի համար (երկու 4G SIM քարտով): Ականջակալները մի լիցքավորումով բավականացնում են 4 ժամ երաժշտություն լսելու և 2.4 ժամ խոսելու համար:

Nokia 5710 XpressAudio հեռախոսն ունի 2.4 դյույմանոց QVGA էկրան և դասական ստեղնաշար: Հեռախոսի վրա տեղադրված է VGA տեսախցիկ: Հեռախոսն աշխատում է Series 30 Plus օպերացիոն համակարգով: Հեռախոսի հիշողությունը հնարավոր է շատացնել մինչև 32 ԳԲ microSD քարտով: Հեռախոսը վաճառվելու է մոտ 90 դոլարով: Հասանելի են լինելու սև/կարմիր և սպիտակ/կարմիր երանգներ:

HMD ընկերությունը ներկայացրեց նաև երկու նոր հեռախոսներ՝ Nokia 8210 4G (1999թ. թողարկված հեռախոսի թարմացված տարբերակը) և Nokia 2660 Flip: Երկու հեռախոսներն էլ վաճառվելու են մոտ 77 դոլարով:

Կարդալ ավելին

Nokia-ներկայացրեց 43 դյույմանոց 4K սմարթ հեռուստացույց (Android TV 9.0), որն ունի JBL դինամիկներ

Nokia ընկերությունը ներկայացրեց 43 դյույմանոց սմարթ հեռուստացույց, որն ունի 4K (3840x2160) էկրան և տեսանելիության 178 աստիճան: Այս հեռուստացույցի մեջ տեղադրված է 24 Վտ JBL դինամիկներ, որտեղ ներդրված են Dolby Audio, DTS Trusurround աուդիո տեխնոլոգիաները: Հեռուստացույցն աշխատում է 4 միջուկանի Mali 450MP4 պրոցեսորով: Օպերատիվ հիշողույթունը 2.25 Գբ է, իսկ ներքին հիշողությունը՝ 16Գբ:

Բնականաբար հեռուստացույց ունի նաև Wi-Fi 802.11a/b/g/n (2,4 ԳՀց), Bluetooth 5.0, Ethernet, HDMI, USB 2.0 և USB 3.0 մոդուլներ: Հեռուստացույցն աշխատում է Android TV 9.0 օպերացիոն համակարգով: Այն կվաճառվի 420 դոլարով:

Կարդալ ավելին

Nokia 125 և Nokia 150 հեռախոսները կարժենան $24 և $29

HMD Global ընկերությունը, որը տնօրինում է Nokia ապրանքանիշին, ներկայացրեց Nokia 125 և Nokia 150 հեռախոսները: Այս հեռախոսներն ունեն 2.4 դյույմանոց QVGA էկրան և մեծ ու հարմարավետ ֆիզիկական կոճակներ:

Հեռախոսներն ունեն 4ՄԲ օպերատիվ և 4ՄԲ ներքին հիշողություն, ինչը բավականացնում է 2000 կոնտակտ և 500 SMS պահելու համար: Հեռախոսներն աշխատում են Series 30+ ֆիրմային պլատֆորմով:

Հեռախոսներն ունեն 2 SIM քարտ տեղադրելու հնարավորություն, 3.5մմ ականջակալի ու micro-USB բնիկներ, LED լամպ հետևի մասում և FM ռադիո, որը լսելու համար պետք չի օգտագործել ականջակալները որպես ընդունիչ:

Nokia 150 հեռախոսը 125-ի համեմատ ունի նաև mp3 նվագարկիչ, Bluetooth մոդուլ, VGA տեսախցիկ և մինչև 32ԳԲ հիշողության քարտի հնարավորություն:

Հեռախոսների մարտկոցները 1020 մԱ/ժ են, ինչը բավականացնում է 19.4 ժամ խոսելու և 23 օր standby ռեժիմի համար:

Հեռախոսներում բնականաբար առկա է նաև հայտնի օձի խաղը: Հեռախոսները հասանելի են լինելու մի քանի գույներով:

Կարդալ ավելին

Ներկայացվեց թարմացված Nokia 5310 հեռախոսը

HMD Global ընկերությունը ներկայացրեց թարմացված Nokia 5310 հեռախոսը, որը արտաքնապես նման է 2007 թվականին թողարկված 5310 XpressMusic հեռախոսին: Այս հեռախոսը նույնպես կողքի հատվածում ունի երաժշտությունը կառավարող ֆիզիկական կոճակներ:

Հեռախոսն ունի 2.4 դյույմանոց QVGA էկրան, որի տակ տեղադրված են թվերի ֆիզիկական կոճակները: Սարքն ունի 16Մբ ներքին հիշողություն, որը հնարավոր է շատացնել մինչև 32Գբ microSD քարտի հաշվին:

Հեռախոսի մարտկոցը 1200 մԱ/ժ է և մեկ լիցքավմամբ անոնին ռեժիմում աշխատում է մոտ մեկ ամիս: Հեռախոսն աշխատում է միայն 2G ցանցով և ունի երկու քարտի հնարավորություն: Թարմացված Nokia 5310 հեռախոսը կվաճառվի 40 Եվրոյով:

Կարդալ ավելին

Ֆեյսբուքի տեսախցիկի էֆեկտներում հայտնվել է հայտնի «Snake» խաղի երկու ռեժիմ

Ֆեյսբուքի տեսախցիկի էֆեկտներում հայտնվել է Nokia հեռախոսներից հայտնի «Snake» խաղի երկու ռեժիմ, որոնք համալրված է AR լրացված իրականության տարրերով: Առաջինի դեպքում օգտագործվում է սմարթֆոնի հիմնական տեսախցիկն ու շրջակա միջավայրը, որտեղ AR տեխնոլոգիայի միջոցով տեղադրվում է օձն ու խաղի մնացած օբյեկտները:

Երկրորդ ռեժիմը օգտագործում է սմարթֆոնի առջևի տեսախցիկը և օգտատիրոջը դեմքին վիրտուալ տեղադրում է օձի դիմակը: Այս խաղերը միանգամից տեսնելու համար կարող եք սեղմել ներքևի հղումներին, որոնք բացելուց հետո կարող է բջջային հեռախոսի Ֆեյսբուք հավելվածին ծանուցում ուղարկել և դրանով միանգամից տեսնել էֆեկտները:

Բացել առաջին ռեժիմը

Բացել երկրորդ ռեժիմը

Կարդալ ավելին

«Մատրիցա» ֆիլմի հայտնի Nokia հեռախոսը վերադառնում է թարմացված տեսքով ու պարամետրերով

HMD Global ընկերությունը որոշել է թարմացնել ու վերաթողարկել հայտնի Nokia 8110 հեռախոսը: Թարմացված տարբերակի կոչվում է 8110 4G, ինչից հետևում է, որ այս մոդելն աշխատելու է 4G ցանցով: Հիշեցնեմ, որ նախորդ տարի Nokia-ն վերաթողարկեց նաև հայտնի 3310 հեռախոսը: Թարմացված 8110 4G հեռախոսը հասանելի կլինի երկու գույներով՝ սև և դեղին (Banana Yellow):

Nokia 8110-ը աշխատելու է KaiOS օպերացիոն համակարգով, այսինքն այս մոդելը կարելի է համարել սմարթֆոն: Այս մոդելի մեջ կան Google Search, Maps, Facebook, Twitter և նույնիսկ Assistant ծառայությունները: Բնականաբար այս մոդելը տեխնիկական բնութագրերով այդքան բարձր ցուցանիշներ չունի, սակայն իր առջև դրված խնդիրների համար բավական է:

Nokia 8110 4G հեռախոսն ունի QVGA 2.4 դյույմանոց էկրան և 2ՄՊ հիմնական տեսախցիկ: Հեռախոսն ունի 1200 մԱ/ժ մարտկոց, ինչը բավականացնում է 48 ժամ երաժշտություն լսելու և 9 ժամ խոսելու համար:

Nokia 8110 4G հեռախոսը հասանելի կլինի մոտակա ամիսներին և կարժենա մոտ €80:

Կարդալ ավելին

Ներկայացվեցին Android-ով աշխատող Nokia 3, Nokia 5, Nokia 6 սմարթֆոնները

Mobile World Congress ցուցահանդեսի ժամանակ HMD Global ընկերությունը ներկայացրեց 3 նոր Nokia սմարթֆոններ, որոնք աշխատում են Android 7.1.1 համակարգով: Ներկայացված սմարթֆոններից Mokia 6-ը նախկինում ներկայացվել էր միայն Չինաստանի շուկայի համար, իսկ այժմ այն հասանելի է լինելու բոլորի համար:

Nokia 3 սմարթֆոնն ունի 1280х720 թողունակությամբ 5 դույմանոց IPS էկրան: Սմարթֆոնն ունի 4 միջուկանի MTK 6737 1.3Գհց պրոցեսոր, 2Գբ օպերատիվ հիշողություն, 16Գբ ներքին հիշողություն և մինչև 128Գբ microSD քարտ տեղադրելու հնարավորություն: Սմարթֆոնի հիմնական տեսախցիկը 8 Մպ է, իսկ առաջնայինը՝ 5Մպ: Nokia 3-ի մարտկոցը 2640 մ/Աժ է: Սմարթֆոնը վաճառվելու է 139 Եվրոյով:

Nokia 5 սմարթֆոնն ունի 1280х720 թողունակությամբ 5.2 դույմանոց IPS էկրան: Սմարթֆոնն ունի 8 միջուկանի Snapdragon 430 պրոցեսոր, 2Գբ օպերատիվ հիշողություն, 16Գբ ներքին հիշողություն և մինչև 128Գբ microSD քարտ տեղադրելու հնարավորություն: Սմարթֆոնի հիմնական տեսախցիկը 13 Մպ է, իսկ առաջնայինը՝ 8 Մպ: Nokia 3-ի մարտկոցը 3000 մ/Աժ է: Սմարթֆոնը վաճառվելու է 189 Եվրոյով:

Nokia 6 սմարթֆոնն ունի 1920х1080 թողունակությամբ 5.5 դույմանոց IPS էկրան: Սմարթֆոնն ունի 8 միջուկանի Snapdragon 430 պրոցեսոր, 3Գբ օպերատիվ հիշողություն, 32Գբ ներքին հիշողություն և մինչև 128Գբ microSD քարտ տեղադրելու հնարավորություն: Սմարթֆոնի հիմնական տեսախցիկը 16 Մպ է, իսկ առաջնայինը՝ 8 Մպ: Nokia 3-ի մարտկոցը 3000 մ/Աժ է: Սմարթֆոնը վաճառվելու է 229 Եվրոյով:

Կարդալ ավելին

Ներկայացվեց լեգենդար Nokia 3310 հեռախոսի թարմացված տարբերակը

HMD Global ընկերությունը վերջապես ներկայացրեց երկար սպասված Nokia 3310 հեռախոսի թարմացված տարբերակը: Այս նոր հեռախոսի վրա կա հայտնի «Змейка» խաղը, ինչպես նաև առկա են հին ռինգթոնները: Հեռախոսն արտաքնապես նման է օրգինալ տարբերակին: Հեռախոսն աշխատում է Nokia Series 30+ պլատֆորմով: Nokia 3310-ը վաճառքում կհայտնվի մոտակա ամիսներին և հասանելի կլինի 4 գույներով՝ կարմիր, դեղին, կապույտ և մոխրագույն:

Nokia 3310 հեռախոսն ունի 2.4 դույմանոց գունավոր էկրան՝ 320х240 թողունակությամբ: Հեռախոսը չունի Wi-Fi, 3G, GPS մոդուլները, սակայն ունի microSD (մինչև 32Գբ), micro USB և 3.5մմ աուդիո բնիկներ: Հեռախոսի ներքին հիշողությունը 16 Մբ է: Հեռախոսն աշխատում է երկու SIM քարտով:

Nokia 3310 հեռախոսն աշխատում է SLAM տեխնոլոգիայով, որը թույլ է տալիս Bluetooth 3.0-ով փոխանակել ֆայլեր այլ սարքերի միջև, ինչպես նաև տեխնոլոգիայով միացնել արտաքին սարքեր (զանգերի և երաժշտություն լսելու համար):

Հեռախոսն ունի նաև RDS-ով աշխատող FM ռադիո և LED լույսով 2Մպ տեսախցիկ: Nokia 3310 հեռախոսն աշխատում է GSM (900/1800 Մհց) ցանցում և ինտերնետ մտնելու համար օգտագործում է EDGE տեխնոլոգիան:

Nokia 3310 հեռախոսի մարտկոցը հերիքում է 22 ժամ խոսելու համար և 51 ժամ երաժշտություն լսելու համար: Ավտոնոմ ռեժիմում հեռախոսի մարտկոցը աշխատում է 25 օր:

Կարդալ ավելին

Նոր Nokia 6-ով օգտատերերը ընկույզ են կոտրում և տեղադրում համացանցում (Տեսանյութ)

Nokia 6 սմարթֆոնը շարունակում է ուշադրության կենտրոնում մնալ և ավելի մեծ պահանջարկ ձեռք բերել: Պարզվում է, որ Անդրոիդով աշխատող այս նոր սմարթֆոնը պատվով պահում է այսպես ասած «Չագուչ Նոկիա» մականունը:

Այս սմարթֆոնի որոշ օգտատերեր արդեն հասցրել են Nokia 6-ով ընկույզներ ջարդել և տեսանյութերը տեղադրել Youtube-ում: Նշեմ, որ այս սմարթֆոնն առայժմ հասանելի է Չինաստանի շուկայի համար և արդեն գրանցվել է մոտ մեկ միլիոն պատվեր:

Nokia 6 սմարթֆոնն ունի ալյումինից կորպուս և 5.5 դյույմանոց Gorilla Glass էկրան՝ 1920х1080 պիկսելների թողունակությամբ: Սմարթֆոնն ունի 1,2 ԳՀց հաճախականությամբ աշխատող Qualcomm Snapdragon 430 պրոցեսոր և Adreno 505 վիդեոադապտեր: Nokia 6-ի օպերատիվ հիշողությունը 4Գբ է, իսկ ներքին հիշողությունը՝ 64Գբ: Հնարավորություն կա նաև տեղադրել microSD քարտ: Սմարթֆոնն ունի նաև մատնահետքի սկաներ և Dolby Atmos տեխնոլոգիայով աշխատող ստերեո դինամիկներ: Nokia 6-ի հիմնական տեսախցիկը 16Մպ է, իսկ առաջնային մասի տեսախցիկը՝ 8Մպ: Սմարթֆոնն ունի 3000 մԱ/ժ մարտկոց: Սմարթֆոնը վաճառվում է 250 դոլարով:

Կարդալ ավելին

24 ժամվա մեջ գրանցվել է Nokia 6 սմարթֆոնի ավելի քան 250 000 նախնական պատվեր

Օրեր առաջ ներկայացվեց Nokia 6 սմարթֆոնը, որն ունի շատ լավ տեխնիկական պարամետրեր ու արժի ընդամենը 250 դոլար: Այս սմարթֆոնն առայժմ հասանելի է միայն Չինաստանի շուկայի համար: Օգտատերերն արդեն սկսել են JD.com կայքում առցանց պատվիրել այս սմարթֆոնը և 24 ժամվա ընթացքում ավելի քան 250 հազար պատվեր է գրանցվել:

Եթե համեմատելու լինենք այս ցուցանիշը մնացած հայտնի հեռախոսների ցուցանիշների հետ, ապա այդքան էլ բարձր չի, սակայն Nokia-ի վերադարձի համար սա շատ լավ ցուցանիշ է: Տեղեկություններ կան նաև, որ շատ շուտով Nokia-ն կներկայացնի նաև այլ մոդելներ, որոնք հասանելի կլինեն բոլորի համար:

Կարդալ ավելին