Armblog.net

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

Ներկայացվեց նոր ASUS ZenBook Pro նոթբուքը, որի թաչփադը նաև լրացուցիչ էկրան է

Computex 2018 ցուցահանդեսի ժամանակ ASUS ընկերությունը ներկայացրեց 15.5 դյույմանոց էկրանով ZenBook Pro 15 (UX580) նոթբուքը, որն հանդիսանում է ZenBook Pro շարքի հաջորդ մոդելը: Արտաքնապես այս մոդելը քիչ է տարբերվում նախորդ տարբերակներից: ASUS-ը համառորեն չի վերացրել նաև էկրանի կողքի հաստ շրջանակը, որից զրկված են նման գնի ու տեսակի մնացած նոթբուքները (օրինակ MacBook Pro):

UX580 մոդելի էկրանը հասանելի է երկու տարբերակով՝ FullHD և 4K, պրոցեսորը՝ Intel Core i7 կամ i9: Նոթբուքի օպերատիվ հիշողությունը 16 ԳԲ է, ներքին հիշողությունը՝ 1ԳԲ SSD, իսկ վիդեոքարտը NVIDIA GTX1050 Ti կամ GTX1050 MAX-Q: Բնականաբար մոդելից կախված այս պարամետրերը կարող են տարբեր լինել:

ZenBook Pro UX580-ի վրա կան 2 հատ USB 3.1 Gen 2 Type-C (Thunderbolt 3) և USB 3.1 Gen 2 Type-A բնիկներ: Հասանելի են նաև HDMI, 3,5 մմ ականջակալների և microSD բնիկներ: Նոթբուքի WiFi-ն աշխատում է Wi-Fi 2×2 802.11ac ստանդարտով, իսկ Bluetooth-ը՝ 5.0:

ZenBook Pro UX580-ի գլխավոր նորույթը ստեղնաշարի տակ գտնվող նոր սենսորային թաչփադն է, որը հանդիսանում է նաև 5.5 դյույմանոց անկյունագծով լրացուցիչ էկրան: Այս էկրանը ASUS-ը անվանել է ScreenPad և գրանցել է համանուն ապրանքանիշ, որպեսզի մնացած ընկերությունները չկարողանան օգտագործել այս անունը:

ScreenPad-ի գաղափարը ASUS-ը վերցրել է Apple MacBook Pro նոթբուքներից, որոնց ստեղնաշարի վերևի հատվածում նույնպես տեղադրված է սենսորային փոքր էկրան: ASUS-ի ScreenPad-ը հնարավոր է օգտագործել ինչպես սովորական թաչփադ, այնպես էլ օգտվել հետևյալ ռեժիմներից.

ScreenPad-ի միջոցով հնարավոր է հիմնական էկրանի վրա բացել ծրագրեր:

ScreenPad-ի վրա հնարավոր է ցուցադրել օրացույց, հաշվիչ և ստեղնաշարի թվերի վահանակը:

ScreenPad-ի վրա հնարավոր է նաև ցուցադրել Microsoft Office-ը ու երաժշտությունը կառավարող գործիքներ:

ScreenPad-ը հնարավոր է օգտագործել որպես լրացուցիչ մոնիտոր: Այսինքն կարող եք ScreenPad-ում տեղադրել բացված պատուհաններից մեկը, իսկ հիմնական էկրանում օգտագործել այլ ծրագրեր:

ScreenPad-ում կա ևս մեկ ռեժիմ, որի դեպքում ScreenPad-ի վրա ցուցադրվում են սմարթֆոնի ծանուցումները: Այս ռեժիմը դեռևս գտնվում է պատրաստման փուլում, այդ պատճառով չցուցադրվեց պրեզենտացիայի ժամանակ:

ScreenPad-ն ունի նաև առանձին մենյու, որտեղ հնարավոր է փոխել էկրանի նկարն ու լուսավորությունը, ինչպես նաև կատարել այլ կարգավորումներ:

Կարդալ ավելին

Союзмультфильм-ը թողարկել է Возвращение в Простоквашино մուլտֆիլմի շարունակությունը

Союзмультфильм-ը թողարկել է Возвращение в Простоквашино մուլտֆիլմի շարունակությունը: Մուլտֆիլմում հերոսները շփվում են ինտերնետով: Ընտանիքում հայտնվել է նաև փոքր երեխա: Նախատեսված 30 սերիաներին տվյալ պահին հասանելի են երկուսը՝

1-ին սերիա՝ https://goo.gl/s5d9rD

2-րդ սերիա՝ https://goo.gl/c27HZ6

Կարդալ ավելին

Ինչպես տեղադրել iOS 12 beta օպերացիոն համակարգը

Ծրագրեր մշակողների համար Apple-ը հասանելի է դարձրել iOS 12 beta օպերացիոն տարբերակը: Այն տեղադրելու համար պետք գրանցվել Apple Developer Program-ում: Կարող եք նաև iOS սարքով ներբեռնել այս պրոֆիլը և թարմացնել: Թարմացնելուց առաջ խորհուրդ է տրվել iTunes ծրագրով backup անել հեռախոսի մեջ գտնվող տվյալներն ու ֆայլերը:

Կարդալ ավելին

Apple-ը ներկայացրեց iOS 12 օպերացիոն համակարգը

Ծրագրեր մշակողների համար նախատեսված WWDC 2018 համաժողովի ժամանակ Apple ընկերությունը ցուցադրեց iOS 12-ում տեղ գտած փոփոխությունները: Այս նոր օպերացիոն համակարգում մեծ ուշադրության է արժանացել արագագործության բարձրացման հարցը: Նշվում է, որ iOS 12-ը դառնալու է մինչ այժմ թողարկված ամենարագ iOS համակարգը: Արագագործության բարձրացման շնորհիվ այս համակարգը հնարավոր կլինի տեղադրել նույն սարքերի վրա, որոնց վրա հնարավոր էր տեղադրել iOS 11 (iPhone X, iPhone 8, iPhone 8 Plus, iPhone 7, iPhone 7 Plus, iPhone 6s, iPhone 6s Plus, iPhone 6, iPhone 6 Plus, iPhone SE, iPhone 5s, 5-րդ և ավելի բարձր սերնդի iPad, iPad mini 2, iPad mini 3, iPad mini 4): Եկեք տեսնենք, թե ինչ փոփոխություններ կան այս նոր օպերացիոն համակարգում:

Արագագործության զգալի աճ

Հին սմարթֆոնների վրա iOS 12 տեղադրելուց հետո օգտատերերը միանգամից կնկատեն արագագործության աճը. հավելվածները կբացվեն 40% ավելի արագ, ստեղնաշարն աշխատում է 50%-ով արագ, իսկ տեսախցիկը՝ 70%:

Լրացված իրականություն (AR)

iOS 12-ում մեծ ուշադրության է արժանացել նաև լրացված իրականության հետ աշխատանքը: Ստեղծվել է ֆայլերի նոր USDZ ֆորմատ, որը թույլ է տալիս աշխատել լրացված իրականության գրաֆիկական օբյեկտների հետ: Հայտնի գրաֆիկական ծրագրերը նույնպես կաշխատեն այս ֆորմատի հետ:

iOS 12-ում լրացված իրականության տեխնոլոգիայի միջոցով հնարավոր է չափել իրական աշխարհի օբյեկտների չափսերը: Օրինակ կարող եք սմարթֆոնը պահել սեղանի վրա և տեսնել դրա չափսերը: Ծրագրավորողների համար թարմացվել է նաև ARkit գրադարանը:

Մեմոջի

iOS 12-ում օգտատերերը կարող են ստեղծել իրենց դեմքով անիմացիոն էմոջիներ (անիմոջի): Այդպիսի էմոջիները կոչվում են մեմոջիներ:

iOS 12-ում հայտնվել են նաև անիմոջիների մի քանի նոր կերպարներ: Անիմոջիներն ավելի լավ են հետևում օգտատիրոջ շարժումներին (ավելացել է լեզվի շարժումները):

Լուսանկարների հավելված

iOS 12-ում զգալի բարելավվել է Photos հավելվածը: Դրա մեջ ներդրվել է օբյեկտների որոնման գործառույթ: Ավելացել է նոր «For you» բաժին, որտեղ արհեստական ինտելեկտի շնորհիվ ցուցադրվում են տվյալ պահին օգտատիրոջը հետաքրքրող լուսանկարները:

Siri

iOS 12-ում փոփոխություններից անմասն չի մնացել նաև Siri ձայնային օգնականը. բարելավվել է Siri-ի ինտեգրումը այլ հավելվածների ու ծառայությունների հետ: Siri-ում ավելացել է նաև ենթադրությունների գործառույթ: Siri Shortcut նոր գործառույթի շնորհիվ հնարավոր է նաև ստեղծել ավտոմատացված հրամաններ:

FaceTime

FaceTime-ում ավելացել է խմբակային վիդեզանգեր կատարելու հնարավորություն: Վիդեոզանգին կարող են մասնակցել մինչև 32 օգտատեր: Տվյալ պահին խոսացող օգտատիրոջ դեմքը ցուցադրվում է մեծ չափսերով: Օգտատերերը կարող են նաև իրենց դեմքի փոխարեն օգտագործել մեմոջիներ:

Ժամանակի կառավարում

iOS 12-ում ավելացել է հավելվածների օգտագործման ժամանակի սահմանափակման գործառույթ, որի միջոցով օգտատերերը կարող են տեսնել, թե որ հավելվածների վրա են շատ ժամանակ ծախսում և սահմանափակեն այդ հավելվածների օգտագործումը:

Օրինակ կարող եք օրական մեկ ժամ օգտվել Instagram-ից: Այս գործառույթից կարող են օգտվել նաև ծնողները և սահմանափակեն իրենց երեխաների ժամանակը:

Այլ փոփոխություններ

Թարմացվել են «News» և այլ ներքին հավելվածները: iBooks հավելվածը վերանվանվել է Apple Books: Ավելացել է ծանուցումների խմբավորման գործառույթ: «Do not disturb» ռեժիմն այժմ ոչ միայն անջատում է ծանուցումների ձայնը, այլև օգտատիրոջը չի ցուցադրում ծանուցումները:

iOS 12-ի բետա տարբերակն արդեն հասանելի է ծրագրավորողների համար: Վերջնական տարբերակը հասանելի կլինի այս տարվա աշնանը:

Կարդալ ավելին

Չինացի զույգերն այսուհետ կարող են պաշտոնապես բաժանվել WeChat մեսենջերի միջոցով

Չինաստանի իշխանությունները թույլատրել են զույգերին բաժանվել WeChat մեսենջերի միջոցով: Տվյալ պահին այս ֆունկցիան հասանելի է միայն մի նահանգի համար, սակայն հետագայում այն կընդլայնվի: Բաժանվելու համար օգտատերերը պետք է սեղմեն WeChat ծրագրի կարգավորումներում հայտնված հատուկ կոճակի վրա, որից հետո պետք է գնան ազգային դատարան և ավարտին հասցնեն գործը:

Հիշեցնեմ, որ մինչ այս WeChat-ում օգտատերերը կարող էին պահպանել իրենց անձնագրերն ու վարորդական իրավունքները, ամուսնանալու թույլատվություն ստանալ, ինչպես նաև վճարել կոմունալներ:

Կարդալ ավելին

Microsoft-ը գնեց ծրագրային կոդերի կառավարման GitHub ծառայությունը

Վերջերս լուրեր էին տարածվել, որ Microsoft ընկերությունը պատրաստվում է գնել GitHub ծառայությունը: Այսօր այդ լուրերը հաստատվեցին հենց Microsoft-ի կողմից: Գործարքի գինը կազմել է 7.5 միլիարդ դոլար: Հիշեցնեմ, որ GitHub ծառայությունը թույլ է տալիս ծրագրավորողներին տեղադրել և կառավարել իրենց կոդերը այս համակարգում: Կոդերը կարող են տեղադրվել ինչպես փակ, այնպես էլ բաց տարբերակով:

GitHub-ում բաց կոդեր ունեն Microsoft-ը, Google-ը, Apple-ը և մի շարք այլ հայտնի ընկերություններ: GitHub-ից տվյալ պահին օգտվում են ավելի քան 27 միլիոն ծրագրավորողներ:

Կարդալ ավելին

Անդրոիդի Google հավելվածում «vizela viagens» որոնելու դեպքում ցուցադրվում են SMS-ները

Reddit օգտատերերից մեկը բացահայտել է, որ Անդրոիդի համակարգում Google հավելվածում մի քանի անհասկանալի արտահայտություններ գրելու դեպքում ցուցադրվում են օգտատիրոջ SMS հաղորդագրությունները: Այդ արտահայտություններն են՝ «vizela viagens», «Zela viagens», «the1975..com» և այլն: Google-ը պարզաբանել է, որ սա թարգմանության հետ կապված ծրագրային սխալ է և մոտ ապագայում խոստացել է վերացնել սխալը:

Նշեմ, որ ծրագրային սխալը ոչ թե SMS-ները ցուցադրելու մեջ է, այլ այդ արտահայտությունների դեպքում ցուցադրելու մեջ: Google հավելվածը ցուցադրում է SMS հաղորդագրությունները արտասանելով կամ գրելով հետևյալ արտահայտությունը՝ show me all my text messages:

Կարդալ ավելին

Jurassic World Alive խաղում Պոկեմոնների փոխարեն պետք է փողոցներում դինոզավրեր որոնել

Անդրոիդ և iOS համակարգերի համար թողարկվեց Jurassic World Alive խաղը, որն հագեցած է լրացված իրականության տարրերով: Այս խաղը նման է Pokemon Go-ի և պոկեմոնների փոխարեն պետք է դինոզավրեր որոնել: Խաղում դինոզավրերը դուրս են եկել Jurassic Park-ից և ազատ քայլում են փողոցներով:

Օգտատերերը պետք է հայտնաբերեն այդ դինոզավրերին ու հավաքեն ԴՆԹ-ի նմուշներ: Խաղի սկզվում առաջարկվում է ընտրել երեք թիմերից մեկը, որոնցից յուրաքանչյուն ունի դինոզավրերի որոշված տեսակներ: Jurassic World Alive խաղում լրացված իրականությունը օգտագործվում է դինոզավրերի հավաքածուն նայելու համար:

Այս ռեժիմը պահանջում է ARCore (Android) или ARKit (iOS) տեխնոլոգիաների առկայություն: Jurassic World Alive խաղում հասանելի են նաև դինոզավրերի խմբակային PvP կռիվներ:

Կարդալ ավելին

Նոր Xiaomi Mi 8 սմարթֆոնն արտաքին տեսքով ու տեխնիկապես չի զիջում iPhone X-ին և կրկնակի էժան է

Ինչպես և նախատեսվում էր, Xiaomi ընկերությունը պաշտոնապես ներկայացրեց Xiaomi Mi 8 սմարթֆոնը, որը փոխարինելու է գալիս նախորդ Xiaomi Mi 6 մոդելին: 7 թիվը որոշվել է բաց թողնել և Xiaomi ընկերության 8-րդ տարեդարձի առթիվ միանգամից թողարկել 8-րդ տարբերակը:

Xiaomi Mi 8-ն այս շարքի առաջին սմարթֆոնն է, որն ունի 18,7:9 հարաբերակցությամբ էկրան և վերևի հատվածի կտրվածք: Սմարթֆոնն ունի 6.21 դյույմանոց AMOLED Full HD+ 2248×1080 էկրան: Սմարթֆոնի էկրանը զբաղեցնում է առջևի մասի 88.5%-ը:

Xiaomi Mi 8 սմարթֆոնն աշխատում է Snapdragon 845 պրոցեսորով: Օպերատիվ հիշողությունը 6 ԳԲ է: Մոդելից կախված ներքին հիշողությունը կարող է լինել 64ԳԲ, 128ԳԲ կամ 256ԳԲ: Սմարթֆոնի մարտկոցը՝ 3400 մԱ/ժ է:

Xiaomi Mi 8 սմարթֆոնի հետևի մասում տեղադրված է կրկնակի տեսախցիկ, որի հիմնական մոդուլն ունի 12ՄՊ f/1.8 սենսոր, իսկ մյուսը՝ 12ՄՊ f/2.4: Նշվում է նաև լուսանկարի ստաբիլիզացիայի 4-առանցքանի օպտիկական համակարգի, ինչպես նաև ավտոֆոկուսի Dual Pixel համակարգի մասին: Սմարթֆոնի առջևի մասում տեղադրված է 20ՄՊ f/2.0 տեսախցիկ:

DxOMark-ի տվյալների համաձայն, Xiaomi Mi 8-ի տեսախցիկը հավաքել է առավելագույն միավորները: Երկու տեսախցիկներն էլ ունեն արհեստական ինտելեկտի ֆունկցիաներ, որը թույլ է տալիս ստանալ ավելի կատարյալ լուսանկարներ:

Xiaomi Mi 8 սմարթֆոնի առջև մասի կտրվածքում տեղադրված է ինֆրակարմիր լույս ու սենսոր, որոնք օգտագործվում են օգտատիրոջ դեմքը ճանաչելու համար (Infrared Face Unlock): Սմարթֆոնի հետևի մասում տեղադրված է մատնահետքի սկաներ:

Xiaomi Mi 8 սմարթֆոնն ունի երկու SIM քարտ տեղադրելու հնարավորություն, 4G VoLTE, Wi-Fi 802.11ac, NFC և Bluetooth 5.0 մոդուլներ: Սմարթֆոնն ունի նաև առաջին անգամ կիրառվող Dual-GPS համակարգ, որն օգնում է շենքերի մեջ ավելի ճիշտ գտնել կոորդինատները:

Սմարթֆոնն աշխատում է Android 8.1 Oreo օպերացիոն համակարգով և MIUI 10 ինտերֆեյսով: Սմարթֆոնի հետնամասն ապակի է, իսկ կենտրոնական շրջանակը՝ ալյումին: Սմարթֆոնը հասանելի է սև, կապույտ, սպիտակ և ոսկեգույն գույներով: Սմարթֆոնի 64ԳԲ, 128ԳԲ և 256ԳԲ մոդելները կվաճառվեն համապատասխանաբար 421, 468 և 515 դոլարով:

Xiaomi ընկերությունը ներկայացրեց նաև Xiaomi Mi 8-ի երկու մոդիֆիկացիաներ: Xiaomi Mi 8 Explorer Edition-ն ունի կիսաթափանցիկ հետնամաս:

Ինչպես արդեն նշեցի, սովորական Xiaomi Mi 8 սմարթֆոնն ունի դեմքի ճանաչման ֆունկցիա, սակայն այն ավելի հասարակ է ու ի տարբերություն մյուս ժամանակակից Անդրոիդ սմարթֆոնների, ճանաչում է օգտատիրոջ դեմքը նաև մթության մեջ:

Իսկ ահա Explorer Edition-ը ունի 3D face unlock սենսորներ (ինչպես iPhone X-ում), որն օգտագործվում է դեմքի եռաչափ ճանաչման և 3D անիմացիոն էմոջիներ ստեղծելու համար:

Explorer Edition-ը էկրանի մեջ ներդրված ունի նաև մատնահետքի սկաներ: Explorer Edition-ի օպերատիվ հիշողությունը 8ԳԲ է, ներքին հիշողությունը՝ 128ԳԲ, իսկ մարտկոցը՝ 3000 մԱ/ժ: Explorer Edition-ը կվաճառվի մոտ 570 դոլարով:

Xiaomi Mi 8-ի մյուս մոդիֆիկացիան կոչվում է Xiaomi Mi 8 SE, որն ավելի պարզեցված ու էժան մոդել է: Այս սմարթֆոնն ունի 5,88 դյույմանոց 1080x2244 AMOLED էկրան, Snapdragon 710 պրոցեսոր, 64ԳԲ ներքին և 6ԳԲ օպերատիվ հիշողություն:

Xiaomi Mi 8 SE սմարթֆոնի հետնամասի կրկնակի տեսախցիկն ունի 12ՄՊ և 5ՄՊ սենսորներ, իսկ առջևինը՝ 20ՄՊ: Այս մոդելը ևս առջևում ունի կտրվածք և դեմքի ճանաչման սենսորներ: Xiaomi Mi 8 SE մոդելը վաճառվելու է մոտ $281-ով:

Կարդալ ավելին