Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Microsoft-ը պաշտոնապես թողարկեց նոր Windows Terminal-ը

Microsoft-ը պաշտոնապես թողարկեց նոր Windows Terminal-ը


Մոտ մեկ տարի առաջ Microsoft-ը ներկայացրեց Windows Terminal-ը և ահա օրեր առաջ Microsoft Build 2020 միջոցառման ժամանակ (այս տարի օնլայն է տեղի ունենում) կայացավ այս ծրագրի պաշտոնական մեկնարկը:


Մինչ այժմ ծրագիրը գտնվում էր փորձնական փուլում: Սա բազմապատուհան Terminal է, որտեղ միացված են PowerShell, Cmd և Windows Subsystem for Linux (WSL) գործիքները:


Windows Terminal-ի կարգավորումներով հնարավոր է փոխել յուրաքանչյուր գործիքի արտաքին տեսքը՝ հետևի ֆոնը, ֆոնտերը և այլն: Windows Terminal-ում հնարավոր է գրել նաև էմոջիներ, իսկ տեքստի ռենդեռինգը կատարվում է GPU-ի մակարդակով (ապարատային):


Windows Terminal-ի առաջին տարբերակի համարը 1.0.1401.0 է և այն հասանելի է Microsoft Store-ում: Նշեմ, որ Windows Terminal-ը բաց ծրագրային կոդով է, որի կոդերը հասանելի են GitHub-ում: Windows Terminal ծրագիրը կթարմացվի ամեն ամիս:

 Կարդալ ավելին
Ռոբոտ շունը արածեցնում է ոչխարներին և զբաղվում է գյուղատնտեսական աշխատանքներով (վիդեո)

Ռոբոտ շունը արածեցնում է ոչխարներին և զբաղվում է գյուղատնտեսական աշխատանքներով (վիդեո)


Boston Dynamics-ի հայտնի Spot ռոբոտ շանը սովորեցրել են արածեցնել ոչխարներին և զբաղվել գյուղատնտեսական աշխատանքներով:

 Կարդալ ավելին
Mafia խաղի թարմացված տարբերակներն արդեն հասանելի են PC, PlayStation և Xbox համակարգերի համար

Mafia խաղի թարմացված տարբերակներն արդեն հասանելի են PC, PlayStation և Xbox համակարգերի համար


Ինչպես ավելի վաղ խոստացվել էր, 2K Games խաղային ստուդիան ներկայացրեց Mafia խաղի թարմացված տարբերակների մասին ավելի մանրամասն տվյալներ: Այսպիսով թողարկվել են 3 ռեմեյքեր, որոնցից յուրաքանչյուրի անվանը կցվել է Definitive Edition բառը, իսկ այս 3 խաղերը միասին կոչվում են Mafia Trilogy: 


Հնարավորություն կա պաղերը ձեռք բերել ինչպես առանձին, այնպես էլ մի փաթեթով:



Mafia 2 և Mafia 3 Definitive Edition խաղերի թվային տարբերակներն արդեն հասանելի են PlayStation 4 և Xbox One խաղային կոնսոլների համար, ինչպես նաև PC համակարգիչների Steam խանութում (հետագայում կհայտնվեն նաև Epic Games-ում և Google Stadia-ում): 

Իսկ ահա խաղի առաջին տարբերակի ռեմեյքը հասանելի կլինի օգոստոսի 28-ին: Mafia Trilogy խաղերի ֆիզիկական տարբերակը նույնպես հասանելի կլինի օգոստոսի 28-ին:



Mafia 2 և Mafia 3 Definitive Edition խաղերում օրիգինալի համեմատ թարմացվել է խաղային գրաֆիկան (4K/HDR): Այս խաղերում ներառված են նախկինում թողարկված բոլոր հավելումները (DLC):



Իսկ ահա Mafia 1 խաղում գրաֆիկայի թարմացումից բացի ավելացել են նոր հանձնարարություններ, խոսակցություններ, սցենաներ և այլն:



Նրանք, ովքեր նախկինում Steam-ից ձեռք են բերել Mafia 2 խաղի օրիգինալ տարբերակը, ապա անվճար կստանան նաև այս խաղի Definitive Edition-ը: 

Նույնը վերաբերում է նաև Mafia 3-ին: Այն PlayStation, Xbox և PC տարբերակների վրա անվճար կստանան նախորդ տարբերակների տերերը:

 Mafia Definitive Edition (PS4, Xbox, Steam)
Mafia II Definitive Edition (PS4, Xbox, Steam)
Mafia III Definitive Edition (PS4, Xbox, Steam)
Mafia Trilogy (PS4, Xbox, Steam)
 Կարդալ ավելին
Xiaomi-ն ներկայացրեց MIUI 12 համակարգը և այն առաջինը ստացող սմարթֆոնների ցանկը

Xiaomi-ն ներկայացրեց MIUI 12 համակարգը և այն առաջինը ստացող սմարթֆոնների ցանկը


Xiaomi ընկերությունը ներկայացրեց MIUI 12 օպերացիոն համակարգի գլոբալ տարբերակը: Հիշեցնեմ, որ ավելի վաղ Xiaomi-ն ներկայացրել էր այս համակարգի փորձնական տարբերակը չինական շուկայի համար:

Այս նոր օպերացիոն համակարգում կատարվել են մի շարք վիզուալ փոփոխություններ, բարելավվել են անվտանգությանը վերաբերող գործառույթները, թարմացվել են ֆիրմային ծրագրերը, բարելավվել է սև թեմայի ինտեգրացիան ֆիրմային և այլ հավելվածներում:




MIUI 12 օպերացիոն համակարգը հիմնված է Android 10-ի վրա և այստեղ ներառված են նաև Android 10-ի մի շարք նոր գործառույթներ: Հնարավորություն կա տեսնել և փակել այն ծրագրերը, որոնք տվյալ պահին օգտագործում են տեսախցիկը կամ GPS-ը:


MIUI 12-ում ավելացել է նաև մարտկոցի լիցքը խնայելու նոր Ultra ռեժիմ:



MIUI 12-ում անիմացիաներն ու ինտերֆեյսները նմանեցվել են iOS-ին: 

MIUI 12-ում ավելացել են բարձր որակի անիմացիոն wallpaper-ներ:



Տվյալ պահին պլանավորվում է MIUI 12-ի թարմացումն ապահովել 47 սմարթֆոնների վրա: Թարմացումը տեղի կունենա երկու փուլով և կմեկնարկի հունիսին:

Կարդալ ավելին
97 մլն դոլար պիցցայի համար

97 մլն դոլար պիցցայի համար


Մայիսի 22-ին բլոկչեյն համայնքը նշում է «Bitcoin Pizza Day», որը խորհրդանշում է իրական, ոչ վիրտուալ աշխարհում կատարված կրիպտորաժույթով առաջին գործարքը։

2010 թվականի մայիսի 22-ին Լազլո Հայնիչ անունով մի ծրագրավորող Ֆլորիդայից համացանցում առաջարկեց վճարել 10,000 բիթքոին 2 պիցցայի համար, ինչն այդ պահին համարժեք էր 41 ԱՄՆ դոլարին։ Մեկ այլ օգտատեր ընդունեց այդ առաջարկը և բիթքոինները ստանալուց հետո Papa John-ից 2 պիցցա առաքեց նրա տուն:

Եվ քանի որ բիթքոինի գինն այն ժամանակից շարունակել է աճել, շուտով այդ երկու կլոր ուտեստը դարձան պատմության ամենաթանկ պիցցաները: Եվ այսօր, երբ մեկ բիթքոինը համարժեք է 9700 դոլարին, հեշտությամբ կարելի է հաշվել, որ այդ պիցցաների համար վճարվել է 97,000,000 ԱՄՆ դոլար կարողություն, որքան էլ դժվար է դա պատկերացնել:

Զարմանալիորեն, Հայնիչը, ում նաև որպես Bitcoin Pizza Guy են ճանաչում, երբեք չի զղջացել իր բիթքոինները վատնելու համար: Այն պահին դրանք մեծ արժեք չունեին, և երևի թե կշարունակեին այդպես էլ մնալ, եթե ինչ-որ մեկը չապացուցեր, որ դրանցով կարելի է իրական աշխարհում գործարքներ կատարել: Այսինքն` այդ թվում իր արարքը ժամանակին բեկումնային է եղել բիթքոինի տարածման և արժեքի աճի համար:

Այս տարվա մայիսի 22-ին կնշենք Bitcoin Pizza Day-ի տասներորդ տարելիցը`վստահ լինելով, որ հաջորդ տասնամյակն էլ ավելի վառ է լինելու բլոկչեյնի ու կրիպտոարժույթների համար:

Nooor Blockchain Armenia-ի թիմը սիրում է ավանդույթներ և ի սկզբանե որոշել էր մեծ Pizza Party կազմակերպել Nooor-ի բոլոր ընկերների համար: Բայց COVID-ը ստիպում է փոխել շատ պլաններ: Այնուամենայնիվ, որոշեցինք մեր համայնքի հետ (թեև իրարից հեռու) տոնել այս հատուկ օրը` կազմակերպելով պիցցա giveaway: Հետևյալ հղումով կարող եք ծանոթանալ մանրամասներին և մասնակցել, ինչպես նաև իմանալ ավելին բլոկչեյն տեխնոլոգիայի ու կրիպտոարժույթների մասին և բացահայտել ոլորտում հաջողելու նոր հնարավորություններ։
 Կարդալ ավելին
Հայկական dzook գործիքով կարող եք անվճար գեներացնել ձեր դեմքի իլյուստրացիան

Հայկական dzook գործիքով կարող եք անվճար գեներացնել ձեր դեմքի իլյուստրացիան


Հայկական dzook գործիքը արհեստական բանականության շնորհիվ անվճար գեներացնում է լուսանկարի իլյուստրացիոն տարբերակը: Պետք է ընդամենը բացել dzook-ի կայքը և ընտրել լուսանկարը:

 Կարդալ ավելին
AliExpress-ում վաճառում են հեռախոս, որի վրա առկա է անհպում ջերմաչափ

AliExpress-ում վաճառում են հեռախոս, որի վրա առկա է անհպում ջերմաչափ


Չինացիների համար անհնար բան չկա և խելամիտ գնով կարող են ստեղծել ու վաճառել ցանկացած ապրանք: AliExpress-ում վերջերս վաճառվում է Kumi Mi 1 հեռախոս, որի վրա տեղադրված է անհպում ջերմաչափի ինֆրակարմիր սկաներ:


Հեռախոսն ունի 2.4 դյույմանոց էկրան, Bluetooth, FM ռադիո, լեդ լամպ, 32 ՄԲ ներքին հիշողություն (որը կարելի է շատացնել հիշողության քարտով): Հեռախոսի մարտկոցը 1700 մԱ/ժ է: Հեռախոսն արժի մոտ 35$:
 Կարդալ ավելին
Facebook-ը գնեց անիմացիոն gif-երի ամենահայտնի GIPHY կայքը

Facebook-ը գնեց անիմացիոն gif-երի ամենահայտնի GIPHY կայքը


Ֆեյսբուքը գնեց անիմացիոն gif-երի ամենահայտնի GIPHY կայքը: Այն ավելի շատ է ներդրվելու Ինստագրամում և Ֆեյսբուքին պատկանող այլ ծառայություններում: GIPHY-ի API-ից տվյալ պահին օգտվում են մի շարք խոշոր ծառայություններ: Գործարքի գինը պաշտոնապես չի հայտնվում, սակայն ըստ որոշ աղբյուրների այն կազմում է 400 միլիոն դոլար:


Հիշեցնեմ, որ նախորդ տարի Հայաստանում կայացած WCIT 2019 միջոցառմանը ներկա էր նաև GIPHY-ի հիմնադիր և գործադիր տնօրեն Ալեքս Չունգը:
 Կարդալ ավելին
Epic Games-ն անվճար նվիրում է GTA V Premium Edition խաղը: Շտապեք ներբեռնել

Epic Games-ն անվճար նվիրում է GTA V Premium Edition խաղը: Շտապեք ներբեռնել


Epic Games-ը յուրաքանչյուր շաբաթ նվիրում է մեկ կամ երկու PC համակարգչային խաղեր, որոնք հիմնականում հայտնի խաղեր են լինում: Ընդ որում մեկ շաբաթ առաջ արդեն հայտնի է լինում, թե ինչ խաղ է նվիրվելու մյուս շաբաթ: 

Այս անգամ Epic Games-ն իր կայքում թաքցրել էր գալիք անվճար խաղի մասին ինֆորմացիան և փոխարենը ցուցադրում էր հետհաշվարկ: 


 Հետհաշվարկը լրանալուց հետո պարզ դարձավ, որ այս շաբաթվա անվճար խաղը GTA V Premium Edition խաղն է, որը Ձեր գրադարանում ավելացնելուց հետո կարող եք անվերջ անվճար խաղալ: Խաղը անվճար կարող եք ավելացնել Ձեր գրադարանում մինչև ս.թ. մայիսի 21-ը: Նշեմ, որ Premium Edition-ը ներառում է նաև խաղի օնլայն անվճար տարբերակը:

Նշեմ, որ հետհաշվարկը լրանալու պահից սկսած Epic Games-ի սերվերները մի քանի ժամով շարքից դուրս եկան, որովհետև մեծ թվով օգտատերեր միաժամանակ բացեցին EpicGames-ի կայքը:

Տվյալ պահին ևս կան տեխնիկական խնդիրներ, սակայն շուտով կկարգավորվեն:

 Կարդալ ավելին
Google Meet վիդեոկոնֆերանսի ծառայությունն արդեն անվճար հասանելի է բոլորի համար

Google Meet վիդեոկոնֆերանսի ծառայությունն արդեն անվճար հասանելի է բոլորի համար


Նախորդ գրառումներից մեկում գրել էի, որ Google-ը նախատեսում է իր Պրեմիում Google Meet վիդեոկոնֆերանսի ծառայությունը դարձնել անվճար: Այսպիսով այն արդեն անվճար հասանելի է բոլոր օգտատերերի համար (նաև Հայաստանում): 


Google Meet ծառայությունը հասանելի է բջջային և վեբ տարբերակով: Բացի այդ, Google-ը ներդրել է Meet ծառայությունը Gmail-ի մեջ: Այն հասանելի է նաև Gmail-ի ձախ կողմի վահանակում: 

 Կարդալ ավելին
Subscribe to: Posts (Atom)