Armenix հիվանդության մասին



Հայաստանում մեծ ծավալով սկսել է տարածվել մի նոր հիվանդություն, որի անունը Արմենիքսացավ է: 

Պատմությունը
Այս հիվանդությունը սկիզբ է առել հեռավոր 2010 թվականի ապրիլի 16-ին և մեծ տեմպերով վարակում է մարդկանց: Ըստ վերջին ուսումնասիրությունների, այս հիվանդությունը առաջացել է աշխարհում հայտնի թվիթերացավից:

Վարակվածների թիվը
Վերջին տվյալներով արդեն 1000 մարդ վարակվել են այս անբուժելի հիվանդությամբ: 

Ախտանիշները
Այս հիվանդության նշանները սկզբնական շրջանում չեն երևում, բայց մի քանի շաբաթից այն ամբողջովին վարակում է օգտատիրոջը: Հիվանդությունը հատկապես խորն է արտահայտվում երեկոյան ժամերին, երբ բոլոր վարակվածները հավաքվում են նույն վայրում: Հիվանդները գրում են տարբեր մտքեր և կիսվում իրենց կարծիքներով: 


Ինչպես է տարածվում
Ամեն ամսվա վերջին կիրակին վարակվածները սկսում են այլ մարդկանց վարակել այս հիվանդությամբ: Հիվանդությունը տարածվում է ինտերնետի միջոցով, փողոցում քայլելու ժամանակ, լսարանների նստարաններին և այլ մարդաշատ վայրերում:

Ովքեր կարող են վարակվել
Այս հիվանդությամբ կարող են վարակվել ինտերնետից որոշակի գաղափար ունեցող և Օդնոկլասնիկից միշտ դժգոհ մարդիկ՝ անկախ սեռից, տարիքից ու ազգային պատկանելիությունից:

Մուտացիա
Կա վարակվածների մի զանգված, որոնք մուտացիայի են ենթարկվել: Նրանց անվանում են սպամերներ:


Տոները և միջոցառումները
Հիվանդները անխտիր նշում են բոլոր տոները և ծնունդները, բացի դրանից ամիսը մեկ անգամ հավաքվում են և ինչ-որ միջոցառման մասնակցում:

Ակտիվիստներ
Գոյություն ունեն ակտիվ հիվանդներ, որոնցից վարակվելու հավանականությունը ավելի մեծ է:

Վարակվածների դեմ ինչ կարելի է կիրառել
Վարակվածները հանդիսանում են անբուժելի հիվանդներ, սակայն կա մի հնարք, որից նրանք նյարդայնանում են: Անհրաժեշտ է ամենաթեժ գրառման ներքևում ավելացնել նոր մեկնաբանություն:

Անունները և դեմքերը
Վարակվածներից շատերը հանդես են գալիս այլ անուններով և դեմքերով, որպեսզի նրանց շատ մարդ չճանաչի:

Խոսելաձևը
Հիվանդները խոսում են միմիայն հայերեն լեզվով և անհասկանալի տառերով, օրինակ՝ Ճ կամ Պ, իսկ եթե մի միտք նրանց դուր է գալիս, ապա ասում են "+1":

Ինչ պետք է անել
Այս հարցը ցավոք չունի պատասխան և վաղ թե ուշ դուք վարակվելու եք: Այնպես որ, ավելի լավ է սեփական կամքով մտնել www.armenix.com կայքը և վարակվել:

Բա հետո՞
Հետո կարող եք մտնել այս վարակվածի էջը ու հետևել նրան:

Իսկ եթե լուրջ
Իսկ եթե լուրջ, ապա Հայաստանում արդեն մեկ տարի գոյություն ունի միկրոբլոգ, որտեղ կարող եք գրանցվել և կիսվել Ձեր կարծիքներով: 

Հ.Գ.
Շնորհավոր ծնունդդ Արմենիքս ջան !!!

Հավանեցի՞ր, դե տեղեկացրու ընկերներիդ`

Comments
12 Comments

12 մեկնաբ.:

  1. 21-րդ դարի ամենահաճելի «հիվանդություններից» մեկնա :)

    ReplyDelete
  2. +1, Արմեն ջան, դեմքություն էր ։ՃՃ ։ՊՊ
    Արմենիքս ջան, ծնունդդ շնորհավոր լինի ։ՃՃՃ

    ReplyDelete
  3. Շաատ լավն էր...
    Արմենիքս Շնորհավոր:ՃՃՃ

    ReplyDelete
  4. Վերջն էր :ՃՃ ահագին խնդացի ;)

    ReplyDelete
  5. ♥♥♥.......Շնոր--հա--վո~~~ր.......♥♥♥

    ReplyDelete
  6. Ծնունդդ շնորհավոր արմենիքս:Ճ Like

    ReplyDelete
  7. Շնորհավոր բոլոր արմենիքսցիներին և ապագա արմենիքսցիներին ))))

    ReplyDelete
  8. վուծյաաաաաաաաա շնորհավոոոր Արմենիիիիքս :Ճ
    ապիիի չայը !!! ուծյուու

    ReplyDelete