Բանաստեղծություն: Դու գիտես գերել

Ամսաթիվ

Դու գիտես գերել խոսքերով սիրուն,
Հմայել գիտես անմեղ սրտերն,
Շուրթերդ անվերջ սեր են խոստանում,
Բայց մնում են դու խոսքերիդ գերին…


Այո՛, դու գիտես, թե ինչպես գերել,
Բարի աչքերով, ժպիտով թովիչ,
Ու եթե պետք է, կարող ես ներել,
Չէ՞ որ դու գիտես ամեն-ամեն ինչ…


Ճիշտ է, դու գիտես, կարող ես գերել,
Դառնալ կատարյալ մի ակնթարթում,
Սակայն չգիտես դու անկեղծ սիրել,
Սերն է, որ բնավ չկա քո հոգում…


Այնքա՜ն հպարտ ես, որ գիտես գերել,
Եվ հոգուդ խորքում հերոս ես ասես,
Սակայն եթե դու չես կարող սիրել,
Ուրեմն ոչինչ, ոչինչ չգիտես.

Հավանեցի՞ր, դե տեղեկացրու ընկերներիդ,
կարդա նաև նմանատիպ գրառումները 😊

մեկնաբանություն Facebook-ի պրոֆիլով
0 մեկնաբանություն Google-ի պրոֆիլով

Գրել մեկնաբանություն