ggTaxi: Երևանում հնարավոր է տաքսի պատվիրել սմարթֆոնի կոճակի մեկ հպումով
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEjcQZLBK-iPtgUpPuAzmZmJ1il3wLpEjibuj5PxZy8sk-D33fgUm6nzE6t84XbLvbFA6M0tGb0qXAq-wRPNJdXHFM8KEe5P51XDsSWEp76z-BqEmMvDZf7uuDlPfIKOfGCB_M4BVvz1TCI/s1600/taxi+online+yerevan.png)
Այսօր մեր քաղաքում հատկապես պիկ ժամերին գնալով ավելանում է տաքսի պատվիրողների թիվը, ու տաքսի գտնելը խնդիր է դառնում: Երեկոյան կանգնում ենք կանգառներում ու փորձում վստահելի տաքսի «բռնացնել»:
Ինովացիոն ggTaxi համակարգը միտված է լուծել այս հարցը: Դուք այլևս կարիք չունեք հիշելու տաքսի ծառայությունների հեռախոսահամարները, զանգահարել նրանց ու սպասել արձագանքի: gglaboratories ընկերությունը առաջարկում է ներբեռնել Ձեր սմարթֆոնում նորարարական ggTaxi հավելվածը, որը թույլ է տալիս կոճակի մի քանի պարզունակ հպումով պատվիրել տաքսի ցանկացած պահի ու Երևան քաղաքի ցանկացած վայրում (ծառայությունը դեռևս աշխատում է միայն Երևանի տարածքում): Սմարթֆոնով տաքսի պատվիրելիս Ձեզ կսպասարկի Ձեզ ամենամոտ գտնվող մեքենան:
![](https://blogger.googleusercontent.com/img/b/R29vZ2xl/AVvXsEgom0CSBgmfmWnc5yg-m8QLx3lUbE48MCuhN0ofAvhIXV_Tn2yijG5-G3tLWyqfcjKxspuS8o5glBHwhCXVeao4N3PqYgkw7283O0Fj5soKS8rENV0_f4diLMqHCk4kjP-8Ypc_yTOqbWw/s1600/2014-05-01+14-35-42+Screenshot.png)
Հավելվածը հասանելի է Android և iOS համակարգերի օգտատերերին: Բացի մոբայլ հավելվածից, գործում են նաև կայքով մեքենա պատվիրելու և ավանդական զանգի տարբերակները: Կարևոր է այն, որ ցանցում գտնվող մեքենաներն ու վարորդները ընտրվելու են ընկերության կողմից և համապատասխանելու են սպասարկման հստակ կանոնների:
![](https://blogger.googleusercontent.com/img/b/R29vZ2xl/AVvXsEhfT7liVbB1yQAY0R_4IETBv8sDBX-c8axv6SbsqorVcoICg1_uMbLP2g_V3GeaaBCIIyrJbG7Vg4y_GQVjkA7VrviEuICOpJuMBWSB19RkXGg12NZfICb1c3GjMs_Ycy9ccYV0AjUITnI/s1600/2014-05-01+15-36-54+Screenshot.png)
ggTaxi հավելվածը ստեղծել է երիտասարդ ծրագարավորողների մի խումբ, ուսումնեսիրելով միջազգային փորձը, և հանրությանը ներկայացրել է տեղեկատվական ոլորտում հայկական հեղինակային արտադրանք: Հավելվածը անընդհատ թարմացվելու է. այն ունի հետադարձ կապի հնարավորություն, և Ձեր յուրաքանչյուր կարծիք ու մեկնաբանություն կարող է արտացոլվել նոր, թարմացված տարբերակում: Շուտով Դուք կկարողանաք գնահատել վարորդի սպասարկման որակը: Ավելի ուշ հնարավոր կլինի նաև ընտրել Ձեր նախընտած վարորդին: