Armblog.net

Հաճախակի տրվող հարցեր

«Ո՞վ է ուզում դառնալ միլիոնատեր» խաղի երկրորդ տարբերակը

Նոր խաղ Android-ի համար: ArmHang

Լսեք հայկական ռադիոկայաններն օնլայն: ArmRadio

Վաստակեք իրական գումար՝ ինտերնետ կայքեր այցելելով

Լսեք հայկական և արտասահմանյան ռադիոկայաններն օնլայն ռեժիմով

Հայաստանում աշխատանք գտնելու կայքերի ամբողջական ցանկ

Չափեք Ձեր ինտերնետի արագությունը

Ֆեյսբուքի հայկական էջերի վարկանիշային աղյուսակ

PicsArt-ը սկսում է JavaScript և C++ լեզուների օնլայն անվճար դասընթաց

Հայկական PicsArt ընկերությունը սկսում է JavaScript և C++ ծրագրավորման լեզուների օնլայն անվճար դասընթաց: Դասընթացներին կարող են մասնակցել բոլոր ցանկացողները: Տվյալ պահին ընթանում է հայերի ընդունման փուլը: Շտապեք գրանցվել:

JavaScript դասընթացի համար 👉 https://bit.ly/3bY8BfX

C++ դասընթացի համար՝ 👉 https://bit.ly/39TrW0m

Կարդալ ավելին

Ինչպես անել, որ Face ID-ն ճանաչի Ձեզ դիմակով

Քանի օր Apple-ի վերջին սմարթֆոնները չունեն մատնահետքի սկաներներ և օգտատերերի մեծ մասը օգտվում են դեմքի ճանաչման ֆունկցիայից, ապա վերջին դեպքերի հետ կապված կարող են առաջանել սմարթֆոնները ապաարգելափակելո հետ կապված խնդիրներ: Դիմակով դեմքը ճանաչելու համար օտատերերը գտել են մի հետաքրքիր հնարք:

1. Բացեք «Settings» → «Face ID & Passcode»:

2. Սեղմեք «Reset Face ID»:

3. Սեղմեք «Set Up Face ID»:

4. Դիմակը կիսով չափ ծալեք և սկանավորեք դեմքը:

Կարդալ ավելին

Ճապոնիայում ուսանողների փոխարեն դիպլոմներ են ստացել ռոբոտները (տեսանյութ)

Ճապոնիայի համալսարաններից մեկում զվարճալի ու հետաքրքիր ձև են գտել կորոնավիրուսի ժամանակաշրջանում ուսանողներին դիպլոմների հանձնելու համար: Նրանք հատուկ ռոբոտների գլխներին տեղադրել են մեծ պլանշետներ, որոնց վրա միացված են եղել ուսանողների վիդեոզանգերը: Դասախոսները դիպլոմները տվել են ռոբոտներին ու նկարվել նրանց հետ:

Կարդալ ավելին

3DsMax, V-ray և Photoshop-ի հայերեն անվճար 30 վիդեոդասեր

Արսեն Ավոյան օգտատիրոջ YouTube-ի ալիքում կարող եք գտնել 3DsMax ծրագրի հայերեն 37 անվճար վիդեոդասեր, որոնցից յուրաքանչյուրի տևողությունը մոտ մեկ ժամ է: Եթե ցանկանում եք սովորել 3DsMax ծրագրի հմտությունները, ապա սա հիանալի առիթ է:

Կարդալ ավելին

Ինչ է Zoombombing-ը և ինչպես պաշտպանվել դրանից

Կորոնավիրուսի հետ կապված վերջերս բազմաթիվ ուսումնական հաստատություններ սկսել են Zoom ծրագրով վիդեոզանգեր կատարել, ինչի շնորհիվ այս ծրագրի ճանաչումն ու եկամուտները զգալի աճ են գրանցել: Սակայն ամեն ինչ այդքան էլ հեշտ չի: Բանն այն է, որ ծրագիրն ունի խոցելի տեղեր, ինչից օգտվելով անծանոթները միանում են վիդեոզանգերին և այնտեղ ցուցադրում անցանկալի վիդեոներ: Այս երևույթը ստացել է Zoombombing անվանումը և մի շարք երկրներում արդեն սկսել են սրա դեմ կտրուկ քայլերի դիմել: Օրինակ Նյու Յորքի դպրոցներն արդեն հրաժարվել են Zoom ծրագրից օգտվել, իսկ որոշ նահանգներում նախատեսվում է խիստ պատժել նմանատիպ արարքի հեղինակներին:

Համացանցում կան նաև տարածված ծրագրեր, որոնք ավտոմատ կարողանում են գտնել Zoom-ի բաց ID-ներով վիդեոզանգեր և միանալ դրանց:

Zoom ծրագրի հեղինակները նույնպես անմասն չեն մնացել այս խնդրից ու վերջերս փոխել են ծրագրի կարգավորումներն այնպես, որ ավտոմատ միանում է «սպասողների սենյակ» գործառույթը, որտեղ զանգի կազմակերպիչը հերթով պետք է հաստատի մասնակիցներին: Ավտոմատ միացել է նաև «գաղտնաբառի» անհրաժեշտությունը: Այս պարամետրերը հնարավոր է փոխել կարգավորումներում: Նախկինում դրանք անջատված էին: Zoombombing-ից պաշտպանվելու համար համոզվեք, որ վիդեոզանգն այնպես եք կարգավորել, որպեսզի անծանոթ մարդիկ չկարողանան միանալ զանգին:

Կարդալ ավելին

Skype-ով վիդեոզանգեր կարող եք կատարել նաև առանց գրանցվելու և ներբեռնելու

Covid-19 կորոնավիրուսի հետ կապված ամբողջ աշխարհում շատացել են վիդեոզանգերը և տվյալ պահին մեծ տարածում է գտել Zoom ծրագիրը: Microsoft-ը որոշել է օգտվել առիթից և ավելի է պարզեցրել Skype-ով վիդեոզանգեր կատարելու գործընթացը: Meet Now կոչվող ծառայությունը թույլ է տալիս Skype-ով վիդեոզանգեր կատարել առանց գրանցվելու և որևէ ծրագիր ներբեռնելու:

Պետք է ընդամենը բացել համապատասխան կայքը, մի քլիքով գեներացնել վիդեոզանգի հասցե և այն ուղարկել այլ օգտատերերի, որոնք կարող են առանց գրանցվելու, գաղտնաբառի և ծրագիր ներբեռնելու միանալ վիդեոզանգին:

Բացել կայքը

Կարդալ ավելին

Microsoft Edge դիտարկիչն առաջին անգամ անցավ Firefox-ին և զբաղեցնում է երկրորդ հորիզոնականը

NetMarketShare-ի տվյալներով անցած տարվա մարտին Firefox-ը զբաղեցնում էր շուկայի 9.27%-ը և Chrome-ից զգալի հետ մնալով զբաղեցնում էր երկրորդ հորիզոնականը: Սակայն մեկ տարվա մեջ Firefox-ի մասնաբաժինը նվազել ու դարձել է 7.19%, իսկ ահա Micorosft Edge-ի տարածվածությունը աճել է ու դարձել 7.59%: Եթե հաշվի առնենք, որ վերջին մի քանի ամիսներին FireFox-ի գրաֆիկը նվազում է, իսկ Edge-ին աճում, ապա կարող ենք փաստել, որ մի քանի ամսից այս առավելությունն ավելի զգալի կդառնա: Chrome-ը տվյալ պահին զբաղեցնում է շուկայի 68,5%-ը:

Հիշեցնեմ որ միքանի ամիս առաջ Microsoft-ը թողարկեց Edge ինտերնետ դիտարկչի թարմացված տարբերակը, որը ստեղծված է Chromium պլատֆորմի հիման վրա: Այս փոփոխությունը ևս նպաստեց դրա տարածմանը, քանի որ այն դարձավ ավելի թեթև ու ֆունկցիոնալ:

Կարդալ ավելին

Xiaomi-ն ներկայացրեց 55 դոլարանոց Mi Air 2S անլար ականջակալները

Xiaomi ընկերությունը ներկայացրեց Xiaomi Mi Air 2S անլար ականջակալները, որոնք արտաքին տեսքով ու ֆունկցիոնալությամբ նման են Apple AirPods-ին: Այս նոր ականջակալներն ունեն թարմացված երկու միջականի պրոցեսոր:

Այս ականջակալների մարտկոցը հերիքում է 5 ժամ, իսկ մարտկոց-քեյսը օգտագործելու դեպքում աշխատելու ժամանակը հասնում է մինչև 24 ժամ: Քեյսը լիցքավորվում է անլար Qi տեխնոլոգիայով կամ USB-C լարով: Ամբողջական լիցքավորումը տևում է մոտ մեկ ժամ:

Xiaomi Mi Air 2S ականջակալները ականջից հանելու դեպքում երգն ավտոմատ դադարեցվում է: Երգերը փոխելու կամ զանգերին պատասխանելու համար կարող եք մատով թակել անաջակալը: Այս նոր ականջակալները կվաճառվեն մոտ 55 դոլարով:

Կարդալ ավելին

Epic Games-ն անվճար նվիրում է Drawful 2, Gone Home և Hob խաղերը

Epic Games Store խաղերի լաունչերը շարունակում է ուրախացնել խաղասերներին իր անվճար նվերներով: Այս շաբաթ Epic Games-ը նվիրում է Drawful 2, Gone Home և Hob խաղերը: Նշեմ, որ այս ակցիան գործում է մինչև ապրիլի 9-ը: Այս ընթացքում եթե նշված խաղերն ավելացնեք Epic Games-ի ձեր գրադարանում, ապա դրանք հետագայում նույնպես կարող եք անվճար խաղալ:

Ներբեռնել

Կարդալ ավելին

Ինչպես ցանկացած սարքով դիտել հայկական, ռուսական և արտասահմանյան ալիքներ ամսական 500 դրամով

Նախորդ գրառումներից մեկում անդրադարձել էի OttPlayer ծրագրի միջոցով համակարչգով, հեռուստացույցով կամ ցանկացած այլ սարքով 4K ֆիլմեր նայելուն:

Այս անգամ եկեք տեսնենք, թե ինչպես է հնարավոր նույն OttPlayer-ով դիտել հեռուստատեսային ալիքները: Ինչպես արդեն գիտեք, OttPlayer-ը աշխատում է փլեյլիստերով: Այսինքն այս ծրագրին տալիս ենք փլեյլիստ և այլն ցուցադրում է դրա պարունակությունը:

OttPlayer ծրագրի առանձնահատկությունն այն է, որ այն հնարավոր է բացել ցանկացած սարքի վրա՝ սկսած բջջային հեռախոսներից, վերջացրած PlayStation-ով: Սարքերի ցանկը կարող եք տեսնել այստեղ:

Իսկ եթե ձեր սարքի համար չկա OttPlayer ծրագիրը, ապա կարող եք այդ սարքի ինտերնետ դիտարկչով բացել http://widget.ottplayer.tv կայքը:

OttPlayer-ով հեռուստատեսային ալիքների փլեյլիստ ավելացնելու համար բացեք OttPlayer.tv կայքը և անվճար գրանցվեք: Այնուհետև բացեք ձեր սարքի վրա OttPlayer ծրագիրը կամ վեբ վիջեթը և կարգավորումներում գրեք գրանցված պրոֆիլի լոգինն ու գաղնաբառը:

Այնուհետև բացեք OttPlayer.es կայքում ձեր պրոֆիլի էջը և ավելացրեք փլեյլիստի հասցե: Օրինակ կարող եք ավելացնել այս հասցեն (https://smarttvnews.ru/apps/iptvchannels.m3u), որն անվճար է և պարունակում է բավականին շատ հեռուստատեսային ալիքներ (նաև հայկական): Անվճար փլեյլիստերի հասցերեն կարող եք գտնել նախորդ գրառումներից մեկում:

OttPlayer.es կայքում նոր փլեյլիստ ավելացնելուց ուշադիր եղեք, որ սարքերի ցուցակում նշեք այն բոլոր սարքերը, որոնց վրա տեղադրել եք OttPlayer-ի հավելվածը:

Անվճար փլեյլիստի վատն այն է, որ ալիքների մեծ մասը ժամանակի ընթացքում դառնում են անհասանելի կամ դանդաղ են բացվում:

Դրա փոխարենը առաջարկում եմ օգտվել բավականին էժան փլեյլիստ առաջարկող EdemTV կամ iLookTV ծառայությունից, որը պահանջում է ամսական մոտ 500 դրամ:

iLookTV-ից փլեյլիստ ստանալու համար բացեք https://ilook.tv/auth/signup կայքը և գրանցվեք: Գրանցվելուց հետո կայքն անվճար տրամադրում է փորձնական փլեյլիստ, որը կարող եք մուտքագրել https://ottplayer.tv/playlist/original կայքում:

Փորձնական փաթեթի ավարտից հետո պետք է կատարեք վճարում https://ilook.tv/finance/payment կայքում: Վճարում կարող եք անել ինտերնետ դրամապանակներով կամ MasterCard-ով: Նշեմ, որ MasterCard-ով վճարում կատարելու դեպքում քարտի տվյալները ոչ մի տեղ չեն պահպանվում և ամբողջովին անվտանգ համակարգ է: Վճարումն անելուց հետո https://ilook.tv/tariff/info էջում համոզվեք, որ ակտիվացրեք եք փաթեթը:

Վերջում նշեմ, որ գնի համեմատ այս փլեյլիստը բավականին լավ առաջարկ է: Այն ներառում է հայկական, ռուսական և արտասահմանյան գրեթե բոլոր հեռուստաալիքները, որոնց մեջ կան նաև 4K և FullHD ալիքներ: Ալիքների ամբողջական ցանկը տվյալ պահին դրությամբ կարող եք տեսնել այս էջում:

Նշեմ նաև, որ այս փլեյլիստը տրամադրում է նաև catchup-ի հնարավորություն: Այսինքն կարող եք տեսնել անցած հաղորդումների ցանկը և դիտել արդեն ցուցադրված հաղորդումները: