Currency հայկական բջջային հավելվածն արդեն հասանելի է Android համակարգի համար

Ամսաթիվ 26/06/2013 թ.

ՀՀ բանկերի փոխարժեքների ֆինանսական պորտալ Currency.am-ի բջջային տարբերակն արդեն հասանելի է Android համակարգի համար: ArmCurrency բջջային հավելվածը հնարավորություն է ընձեռում.

1.Ծանոթանալ ՀՀ-ում գործող բանկերի կողմից առաջարկվող լավագույն փոխարժեքների տվյալներին (USD, EUR, RUR, GEL, GBP և այլն) անմիջապես Ձեր Android սարքից Ձեզ հարմար վայրում և Ձեզ հարմար պահին:

2.Ծանոթանալ ՀՀ Կենտրոնական Բանկի կողմից առաջարկվող փոխարժեքների տվյալներին:

3.ՀՀ բանկերի մասնաճյուղերի ու բանկոմատների ամբողջական և անընդհատ թարմացվող քարտեզի օգնությամբ գտնել ամենամոտ տեղակայված բանկը կամ բանկոմատը: Որևէ բանկի մասնաճյուղ կամ բանկոմատ գտնելու համար անհրաժեշտ է բացվող ցուցակից ընտրել տվյալ բանկը, սեղմել քարտեզի վրա մասնաճյուղի կամ բանկոմատի նշանի վրա մանրամասն հասցեն տեսնելու համար:

4.Արտարժույթի հաշվիչի օգնությամբ հաշվել ցանկացած գումարի չափը անհրաժեշտ արժույթով:

Նշեմ, որ ավելի վաղ թողարկվել էր նաև ArmCurrency հավելվածի iOS տարբերակը:

Ներբեռնել Android-ի համար | iOS-ի համար