Apple-ի և Microsoft-ի մասին պատմող գեղարվեստական ֆիլմ. «Սիլիկոնային հովտի ցանցահենները»
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEhKAfu6QkurDPDCFJ5NaGXkmQ6agUVZtz6RC6GRrQdIfGX6pxJ5h9cKSWnkdgxrcnd_FnohXmEdxYb-FbxgxJYD3QxbKZoPWOscad1-lMgtC-YqF3NHY8EY6xwjN7WBqgpqdYBwiw-owAY/s640/pirates-of-silicon-valley-original.jpg)
Ինտերնետն ու IT ինդուստրիան հանդիսանում են վերջին տասնամյակների ամենամեծ ձեռքբերումները և սա չէր կարող վրիպել կինոռեժիսորների աչքերից: Մինչ այժմ նկարահանվել են IT բնագավառին վերաբերող բազմաթիվ վավերագրական ու գեղարվեստական ֆիլմեր: Աստիճանաբար կփորձեմ ներկայացնել այս բնագավառին վերաբերող լավագույն ֆիլմերը:
![](https://blogger.googleusercontent.com/img/b/R29vZ2xl/AVvXsEhXs9N1s7gARALP5ikfo0tnxvR65tLIB2ZYIxT7byFQPjlZl14Uz3DdM2PSyscbvq-KZcz5KKl1P_EMymHX05vLgQryvWb2VfUr1uLWGkqjXzI1TP-DyCy_oUUSmcMVCmSmUMEeOOGjRZY/s1600/pirates-de-la-silicon-valley-tv-1999-02-g.jpg)
Առաջին ֆիլմը, որին ցանկանում եմ անդրադառնալ, կոչվում է Սիլիկոնային հովտի ցանցահենները (Pirates of Silicon Valley): Ֆիլմը նկարահանվել է 1999թ.: Ֆիլմում նկարագրված է, թե ինչպես են ձևավորվել 2 հսկա ընկերությունները՝ Microsoft-ը և Apple-ը: Բնականաբար Ֆիլմի գլխավոր հերոսներն են Ստիվ Ջոբսը, Ստիվ Վոզնյակը, Բիլ Գեյթսը և Ստիվ Բալմերը: Նշեմ, որ ֆիլմի դերակատարները իրականում շատ նման են վերոնշյալ մարդկանց: Ի տարբերություն մնացած ֆիլմերի, այստեղ պատմությունները ճոխացված չեն: Օրինակ ֆիլմում կարող ենք տեսնել, թե ինչպես է Ստիվ Ջոբսը հաջողությունից կորցնում իր գլուխը, ինչպես վատ է նա վերաբերվում իր աշխատողների հետ, կամ ինչպես է նա թողնում իր հղի ընկերուհուն: Ֆիլմում առանց թերությունների չի մնացել նաև Բիլ Գեյթսը: Նա խաբում է IBM-ին՝ DOS համակարգը սեփական արտադրանք ներկայացնելով: Ֆիլմում տեսնում ենք նաև, թե ինչպես է Ստիվ Ջոբսը իրենով անում Xerox ընկերության արտադրանքները և դրանց հիմքի վրա ստեղծում իր օպերացիոն համակարգը: Իսկ Բիլ Գեյթսը այնուհետև գողանում է Ստիվ Ջոբսից և ստեղծում Windows-ը:
![](https://blogger.googleusercontent.com/img/b/R29vZ2xl/AVvXsEjPzKaMKPDUysBT4frpyvjm5SPvd0rwpqrNy8WI0YPKXOdrCrrsNJ_drgz6oNuvGQ9SiqYfHhyQRZo8FHbZb-QqLEkeNH_hDkTKX5izv6U3R4zJOHjEV2OxGBC2rfsMHexauEu1awfiUpo/s1600/tumblr_my2jmsoIJn1sfihdlo3_1280.jpg)
Բացի Microsoft-ից և Apple-ից, այս ֆիլմում ներկայացված են նաև IBM և Xerox ընկերություններ պատմությունից դրվագներ: Բնականաբար ռեժիսորները չէին կարող սա բաց թողնել, քանի որ Apple-ի և Microsoft-ի ձևավորման սկզբնական փուլում այս ընկերությունները մեծ դեր են խաղացել:
![](https://blogger.googleusercontent.com/img/b/R29vZ2xl/AVvXsEil8o_sVVUUcyhvxAkqCazDy8VVxdjiaKlGIgz3Uhq36oLxC5OzpbkVHV2E54-Mmov5at9ZaOsbMa-SWhsEYnRlW2-tQcriIBsEfz6CRgk6GEED6q8HYWlmBSzvig4M9aAGFvIR_KetwEc/s1600/dc295a2e.jpg)
Ֆիլմի հերոսները գնում են բազմաթիվ զոհաբերությունների, որպեսզի հասնեն իրենց նպատակին: Նրանք մտնում են դաժան պայքարի մեջ և երբեմն առաջնորդի դերում հայտնվում խաբեության շնորհիվ: Սակայն, չնայած այս ամենին, մենք այնուհանդերձ խղճում ենք ֆիլմի հերոսներին և նախապատվություն տալիս այս կամ այն կերպարին:
![](https://blogger.googleusercontent.com/img/b/R29vZ2xl/AVvXsEiH5Lzvhmk7I3ohbGdSRiFCQytikSDGLVV0D2xa3T9jSJN918FcYhoDs-C1L1LlcUpLkN22BXSoO1yKCZhvYgCVxnD1sBzcL7hwUiNNbr6EEF14sYQDMEsFxG4L7E0Yk6zuYCT2GF6Ohyg/s1600/gal-internet-pirates-of-silicon-valley-jpg+(1).jpg)
Ինչու՞ պետք է դիտել այս ֆիլմը: Որովհետև այն թույլ է տալիս իմանալ երկու առաջադեմ տեխնոլոգիական ընկերությունների պատմությունը: Բացի այդ, դիտելով այս ֆիլմը, հնարավոր է դառնում չիդեալականացնել Ստիվ Ջոբսին և Բիլ Գեյթսին, այլ գիտակցել նրանց իրական նվաճումներն ու բացթողումները: Վերջում նշեմ, որ Ֆիլմը նաև պարունակում է մի շարք հումորային տեսարաններ: