Facebook-ի մասին պատմող գեղարվեստական ֆիլմ. «The Social Network»
Ամսաթիվ
Ֆիլմի վերնագրից արդեն կարելի է ենթադրել, որ այն Ֆեյսբուք սոցիալական ցանցի մասին է: Ի տարբերություն «Սիլիկոնային հովտի ցանցահենները» ֆիլմի, այս ֆիլմի ռեժիսորները չեն ջանացել պահպանել բոլոր իրական փաստերը, սակայն այդ փաստերը այդքան էլ կարևոր դեր չեն խաղացել Ֆեյսբուք սոցիալական ցանցը ստեղծելու ժամանակ: Այս ֆիլմը առաջին հերթին Մարկ Ցուկերբերգի մասին է, ով լինելով բավականին երիտասարդ, փորձում է գրավել ամբողջ աշխարհը: Այս ֆիլմը ընկերության, դավաճանության, մենակության, ձգտումների ու ջանասիրաբար աշխատանքի մասին է: Ֆիլմում ներկայացված են գլխավոր հերոսի ինչպես դրական, այնպես էլ բացասական կողմերը:
Ինչու՞ պետք է դիտել այս ֆիլմը: Որովհետև այն թույլ է տալիս իմանալ Ֆեյսբուք սոցիալական ցանցի ստեղծման պատմությունը: Ֆիլմը դիտելուց հետո իմանում ենք, որ Ֆեյսբուք սոցիալական ցանցի հեղինակն իրականում այդքան էլ «սուրբ» չի և մասնակի գողացել է աշխարհի ամենախոշոր սոցիալական ցանց ստեղծելու գաղափարը: Ֆիլմում մանրամասն նկարագրված է, թե ինչ դատական քաշքշուքների մեջ է ընկնում Ցուկերբերգը և ինչպես է վերջում ավարտում այս ամբողջ պատմությունը:
