Apple-ը ներկայացրեց OS X 10.10 Yosemite օպերացիոն համակարգը
![](https://1.bp.blogspot.com/-LN7Nn40PC1Q/XywdvjMHYbI/AAAAAAAAlAQ/psfAd8Ql_YAFvTu_-7_np67HPczVcMb4wCLcBGAsYHQ/s200/Generic-calendar-page-icon.png)
![](https://blogger.googleusercontent.com/img/b/R29vZ2xl/AVvXsEitf_7AadgRRU60uMaAaWXnFbOKwyFsBmLgkC3eX9nwbubpiAi585LOH56MXSa6rSoMxHNbt2eKIRcjRb4YWk3QpQ5qlHJthkRT5A7o2Sm9DppAx1Xyj1j0l5CP5n9LAfopfZMMb622pLc/s1600/p2_24711.jpg)
Դիզայն
Ի տարբերություն նախորդ օպերացիոն համակարգերի, որոնք արտաքնապես իրարից շատ քիչ էին տարբերվում, Yosemite օպերացիոն համակարգում Apple-ը ամբողջովին փոխել է դիզայնը և նմանեցրել iOS 7 համակարգի ինտերֆեյսին:
![](https://blogger.googleusercontent.com/img/b/R29vZ2xl/AVvXsEg6SXcfLblUWWAo4Nif40Q4b9PQ0MIfT9My2t7jN_GBBtYUlaoa9HDrOMc0bKQj-a1xdBnyVT-W5St7p9zG6OBi12ZZwQ4bLUugOcGfIzBROAb-QAp5xXZLTxk8V-ZuuHG4AH1keM1UI6g/s1600/osx_design_view_facetime-650x407.jpg)
Ծանուցումների վահանակում (Notification Center) արդեն հնարավոր է ավելացնել վիջետներ:
OS X 10.10 Yosemite համակարգում որոնման Spotlight գործառույթում կատարվել են զգալի փոփոխություններ: Որոնման պատուհանը կտեղադրվի էկրանի կենտրոնում: Որոնման արդյունքներում կհայտնվեն ավելի շատ տվյալներ և հնարավոր կլինի կատարել որոնում ինտերնետում:
![](https://blogger.googleusercontent.com/img/b/R29vZ2xl/AVvXsEiQJNdQLuKMS3URT-oUFAs1iJEoDgGFegzjbPi4DDH2zUQNtfJ8u5RteEPkqX7zrhCi0gQjINQmsookhKFsZxym5hr1G5dX4DEyRB35B7HH7LQfW5BlAKr1B6KJ6GF_BFpPRayldzPtAiE/s1600/osx_design_spotlight_app_launch-650x407.jpg)
Ծրագրեր
Yosemite համակարգում տեղադրված Safari ինտերնետ դիտարկչում կցուցադրվեն ավելի քիչ վահանակներ: Apple-ի դիզայներներին հաջողվել է ծրագրի հիմնական էլեմենտները տեղադրել մի վահանակի վրա: Դրա վրա տեղադրված են ղեկավարման կոճակներն ու կայքի հասցեների դաշտը: Հասցեների դաշտն այժմ ներառում է բացվող մենյու, որի վրա տեղադրված են հայտնի կայքերի նշանները: Բացի այդ, Safari-ի նոր տարբերակում կատարված որոնման արդյունքները համալրված են Wikipedia-ի նյութերով: Նշվում է նաև, որ արագացել է ծրագրի աշխատանքը:
OS X 10.10 Yosemite համակարգում կատարելագործվել է նաև փոստային կլիենտը: Հնարավոր կլինի ուղարկել մինչև 5 Գբ ծավալ ունեցող ֆայլեր ի շնորհիվ iCloud ծառայության: Այդ ֆունկցիան կոչվում է Mail Drop:
Փոփոխություններ են կատարվել նաև iMessage ծրագրում: iPhone-ի վրա գտնվող բոլոր նամակները, SMS-ներն ու MMS-ները հասանելի կլինեն նաև OS X համակարգում: iMessage ծրագրում հնարավոր կլինի ուղարկել ձայնային հաղորդագրություններ, զրույցներին տալ անվանումներ, ինչպես նաև ստեղծել խմբակային զրույցներ:
Finder ֆայլային մենեջերը կհամագործակցի iCloud ծառայության հետ: Ավելի ճիշտ նոր iCloud Drive ծառայության հետ: Հավանաբար կռահեցիք, որ սա Dropbox, OneDrive և Google Drive ծառայությունների նման ծառայություն է և միանգամից ներառված OS X համակարգում: Այս ծառայությունը ներառված է նաև iOS 8 համակարգում:
OS X 10.10 Yosemite օպերացիոն համակարգը օգտատերերի համար հասանելի կլինի այս աշնանը: Նշեմ, որ այս օպերացիոն համակարգը կլինի անվճար:
Finder ֆայլային մենեջերը կհամագործակցի iCloud ծառայության հետ: Ավելի ճիշտ նոր iCloud Drive ծառայության հետ: Հավանաբար կռահեցիք, որ սա Dropbox, OneDrive և Google Drive ծառայությունների նման ծառայություն է և միանգամից ներառված OS X համակարգում: Այս ծառայությունը ներառված է նաև iOS 8 համակարգում:
Համագործակցություն iOS-ի հետ
Apple ընկերությունը իր նոր համակարգերում ստեղծել է մի շարք ֆունկցիաներ, որոնք թույլ են տալիս համակագործակցել միմյանց հետ: OS X Yosemite-ով աշխատող համակարգիչները կարող են հայտնաբերել մոտակայքում գտնվող iOS 8 համակարգերով աշխատող սարքեր: Օրինակ, եթե օգտատերը iMac-ի վրա խմբագրում է փաստաթուղթ, ապա նա կարող է վերցնել մոտակայքում գտնվող iPad-ը և շարունակել խմբագրել նույն տեղից: Դրա համար պետք չի iPad-ի վրա բացել համապատասխան ծրագրեր: Փաստաթղթերը ավտոմատ կհայտնվեն iPad-ի էկրանի վրա:
Նույն գործառույթի շնորհիվ օգտատերը կարող է iPhone-ի վրա նամակ գրել ու այդ գործընթացի կեսից նստել համակարգչի առջև և շարունակել գրել: Բացի այդ, հնարավոր է համակարգչի վրա պատասխանել iPhone-ի վրա եկած զանգերին, ինչպես նաև ուղարկել ու ստանալ SMS-ներ: