Arloopa հայկական հավելվածի միջոցով դինոզավրերը կենդանանում են

Ամսաթիվ 02/02/2015 թ.

Այս Ամանորին բոլորը փորձում էին իրենց հյուրերին զարմացնել Coca Cola-ի վիրտուալ անիմացիայով: Բավական էր հեռախոսը կամ պլանշետը պահել Coca Cola-ի շշի վրա ու սարքի էկրանին տեսնել լրացված իրականություն պարունակող անիմացիան: Եթե չգիտեք՝ տեղեկացնեմ, որ այս հավելվածը հայկական է և կոչվում է Arloopa: Հավելվածը ներկայացնում է նոր, յուրօրինակ կատեգորիա, որում միաժամանակ համակցվում են երևակայականն ու իրականը:

Arloopa հավելվածի կիրառությունը գնալով ընդլայնվում է, քանի որ նախագծի հեղինակները պարբերաբար ավելացնում են նոր առարկաներ ու անիմացիաներ (օր. 10.000 դրամանոց թղթադրամը, «Մադագասկարի պինգվիններ» մուլտֆիլմի տոմսը, այցեքարտեր և այլն):