Հաճախակի տրվող հարցեր
«Ո՞վ է ուզում դառնալ միլիոնատեր» խաղի երկրորդ տարբերակը
Նոր խաղ Android-ի համար: ArmHang
Լսեք հայկական ռադիոկայաններն օնլայն: ArmRadio
Վաստակեք իրական գումար՝ ինտերնետ կայքեր այցելելով
Լսեք հայկական և արտասահմանյան ռադիոկայաններն օնլայն ռեժիմով
Հայաստանում աշխատանք գտնելու կայքերի ամբողջական ցանկ
Չափեք Ձեր ինտերնետի արագությունը
Ֆեյսբուքի հայկական էջերի վարկանիշային աղյուսակ
Իլոն Մասկը գնեց Թվիթերը և աշխատանքից ազատեց գործադիր տնօրեններին

Իլոն Մասկը գնեց Թվիթերը և աշխատանքից ազատեց գործադիր տնօրեններին

Tesla-ի ղեկավար Իլոն Մասկին վերջապես հաջողվեց գործարքը ավարտին հասցնել և գնել Թվիթերը 44 միլիարդ դոլարով: Գործարքը կատարելուց հետո նաև Թվիթերում գրել է՝ «Թռչնակն արդեն ազատ է»: Մասկը նաև գովազդատուներին է ուղերձ հղել Թվիթերում, որում նշում է, որ Թվիթերը գնել է ոչ թե գումար վաստակելու համար, այլև մարդկությանը օգնելու համար:

Նշվում է, որ Մասկը անմիջապես աշխատանքից հեռացրել է գործադիր տնօրենին, իրավաբանական և ֆինանսական բաժինների ղեկավարներին: Ընդհանուր առմամբ նրանք ստացել են 88 միլիոն դոլարի փոխհատուցում: Միայն գլխավոր գործադիր տնօրենը ստացել է 38.7 միլիոն դոլար փոխհատուցում:

 Կարդալ ավելին
Իլոն Մասկը գնում է Թվիթերը 44 միլիարդ դոլարով

Իլոն Մասկը գնում է Թվիթերը 44 միլիարդ դոլարով

Twitter-ի տնօրենների խորհուրդը ընդունել է Իլոն Մասկի առաջարկը և վաճառելու է Թվիթերը 44 միլիարդ դոլարով (մի ակցիան 54,2 դոլար): Գործարքը նախատեսվում է ավարտին հասցնել մինչև 2022թ. վերջ, սակայն այն նախևառաջ պետք է ստանալ ռեգուլյատորների թույլատվությունը: Tesla-ի և SpaceX-ի ղեկավար Իլոն Մասկը նախատեսում է Twitter-ի կոդը դարձնել բաց և սոցկայքը դարձնել ազատ խոսքի պլատֆորմ:

 Կարդալ ավելին
Twitter-ում հայտնվել է աուդիո թվիթներ ավելացնելու հնարավորություն

Twitter-ում հայտնվել է աուդիո թվիթներ ավելացնելու հնարավորություն


Twitter միկրոբլոգում ավելացել է նոր գործառույթը, որը թույլ է տալիս ձայնագրել Ձեր ձայնը և այն միանգամից տեղադրել թվիթի մեջ: Այս գործառույթն առայժմ հասանելի է քիչ թվով մարդկանց համար, սակայն մոտակա շաբաթներում այն հասանելի կլինի բոլորի համար: 


Աուդիո թվիթի առավելագույն տևողությունը 140 վայրկյան է, սակայն կարող եք շարունակել խոսել և ավտոմատ կստեղծվեն շղթայական աուդիո թվիթներ: 


Աուդիո թվիթը հետևորդների հոսքի վրա ցուցադրվում որպես վիդեոհոլովակ, որտեղ ցուցադրվում է Ձեր լուսանկարը: iOS տարբերակում հնարավոր է նաև շարունակել սքրոլ անել հոսքը և լսել թվիթը:
 Կարդալ ավելին
Huawei ընկերությունն անդրադարձել է նոր iPhone-ներին՝ «Շնորհակալություն, որ նոր բան ցույց չտվեցիք»

Huawei ընկերությունն անդրադարձել է նոր iPhone-ներին՝ «Շնորհակալություն, որ նոր բան ցույց չտվեցիք»


Huawei ընկերությունն իր Twitter-ի էջում տեղադրել է մի քանի գրառումներ, որոնցում անդրադարձել է երեկ ներկայացված նոր iPhone-ներին: Առաջին գրառման մեջ նշված է՝ «Շնորհակալություն, որ մեզ թույլ տվեցիք դառնալ այս տարվա իրական հերոսը: Կհանդիպենք Լոնդոնում 16.10.18-ին:»


Huawei ընկերությունն այսքանով չի բավարարվել և երկրորդ գրառման մեջ գրել է՝ «Շնորհակալություն, որ մեզ աջակցում եք որպես նորարարներ: Կհանդիպենք Լոնդոնում 16.10.18-ին»:

Իսկ երրորդ գրառման մեջ Huawei ընկերությունը գրել է՝ «Շնորհակալություն, որ նոր բան ցույց չտվեցիք»:



Հիշեցնեմ, որ ս.թ. հոկտեմբերի 16-ին Huawei ընկերությունը ցուցադրելու է Mate20 սմարթֆոնները:
 Կարդալ ավելին
Twitter-ը դադարեցնում է Vine ծառայության սպասարկումն ու զարգացումը

Twitter-ը դադարեցնում է Vine ծառայության սպասարկումն ու զարգացումը



Twitter ընկերությունը որոշել է դադարեցնել կարճ վիդեոներ նկարելու համար նախատեսված Vine ծառայության սպասարկումն ու զարգացումը: Հիշեցնեմ, որ օրեր առաջ Twitter-ը հայտարարել է 350 աշխատակցի կրճատման մասին (սա Twitter-ի աշխատակիցների մոտ 9%-ն է): Twitter-ը այս կրճատման շնորհիվ ցանկանում է կրճատել ծախսերը և ավելացնել եկամուտը:



Նշցում է նաև, որ Vine ծառայության պաշտոնական կայքը և այնտեղ տեղադրված վիդեոները մնալու են հասանելի ներբեռնման և դիտելու համար, սակայն նոր վիդեոներ այլևս հնարավոր չի լինի ավելացնել: Vine ծառայությունը թողարկվել էր 2013 թվականին և 2015 թվականին այն ուներ 200 միլիոն ակտիվ օգտատեր:
Կարդալ ավելին
Ինչպես Twitter-ի պրոֆիլը դարձնել ստուգված ✔

Ինչպես Twitter-ի պրոֆիլը դարձնել ստուգված ✔


Twitter միկրոբլոգն այժմ օգտատերերին թույլ է տալիս հայտ ներկայացնել և իրենց պրոֆիլները դարձնել ստուգված: Ստուգված պրոֆիլներում օգտատիրոջ անվան կողքին դրվում է  նշանը: Հայտը ներկայացնելու առաջ Ձեր պրոֆիլում պետք է լրացված լինեն ճիշտ տվյալներ (օր. ծննդյան տարեթիվ, անուն ազգանուն, ճիշտ լուսանկար): Հաստատվող պրոֆիլի բբոլոր պահանջներին կարող եք ծանոթանալ այստեղ: Հնարավորություն կա նաև հաստատել ապրանքանիշերի կամ ծառայությունների պաշտոնական պրոֆիլները: Հաշվի առեք նաև, որ հայտը մերժելուց հետո մեկ ամսվա ընթացքում այլևս չեք կարողանա նոր հայտ ուղարկել:

 Կարդալ ավելին
Twitter միկրոբլոգն այսօր դարձավ 10 տարեկան

Twitter միկրոբլոգն այսօր դարձավ 10 տարեկան


Twitter միկրոբլոգն այսօր դարձավ 10 տարեկան: Սկզբնական շրջանում այս նախագիծը փորձննական բնույթ էր կրում և նախատեսված էր Odeo ընկերության աշխատակիցների շփման համար: Այն ժամանակ այս ծառայությունը կոչվում էր twttr: Ծառայության առաջին թվիթը հանդիսանում է դրա համահիմնադիրներից մեկի՝ Ջեկ Դորսի թվիթը:




 Այնուհետև 2006թ. հուլիսի 15-ին Twitter-ը դարձավ հասանելի բոլորի համար: Այդ պահից սկսած Թվիթերի օգտատերերի թիվը հասել է մինչև 320 միլիոն ակտիվ օգատերերի:
 Կարդալ ավելին
Լեոնարդո Դի Կապրիոյի Օսկար ստանալու մասին փաստը թվիթվել է 440 հազար թվիթ/րոպե ռեկորդային արագությամբ

Լեոնարդո Դի Կապրիոյի Օսկար ստանալու մասին փաստը թվիթվել է 440 հազար թվիթ/րոպե ռեկորդային արագությամբ


Երեկ Լոս Անջելոսում կայացած Օսկարիի 88-րդ մրցանակաբաշխության ժամանակ Լեոնարդո Դի Կապրիոն վերջապես ստացավ երկար սպասված Օսկարը և միաժամանակ հասցրեց Twitter-ում ռեկորդ գրանցել: Ըստ Twitter-ի տվյալների այս դերասանի օսկար ստանալու փաստի մասին օգատերերը գրառումներ են կատարել 440 հազար թվիթ/րոպե արագությամբ: Համեմատության համար նշեմ, որ նախորդ ռեկորդը 255 թվիթ/րոպե արագությունն էր, որը գրանցել էր հայտնի հաղորդավար Էլեն Դեջեներիսը, ավելի ճիշտ նրա կողմից կատարված խմբակային սելֆին:
 Կարդալ ավելին
Facebook-ում հայտնվել է ուղիղ հեռարձակման հնարավորություն

Facebook-ում հայտնվել է ուղիղ հեռարձակման հնարավորություն


Facebook-ի ղեկավարները շարունակում է ավելացնել նոր ֆունկցիաներ և դրանով փորձել ավելի շատ օգտատերի պահել իրենց կայքում: Այս անգամ հերթը հասավ ուղիղ հեռարձակումներին: Այսուհետ ցանկացած օգտատեր կարող է սեղմել համապատասխան կոճակը և այսպես ասած live stream անել: Բնականաբար ընկերներն ու մնացած օգտատերերը կարող են մեկնաբանել կամ հավանել այդ հեռարձակումը օնլայն ռեժիմում: Այս ֆունկցիան առայժմ հասանելի կլինի միայն ԱՄՆ օգտատերերի համար և փորձարկումներից հետո հասանելի կլինի բոլորի համար: Հիշեցնեմ, որ Twitter-ը նույնպես ունի նմանատիպ ծառայություն, որը կոչվում է Periscope:
 Կարդալ ավելին
Այս ծրագիրը հաղթել է Twitter-ում անցկացվող բազմաթիվ մրցույթներում

Այս ծրագիրը հաղթել է Twitter-ում անցկացվող բազմաթիվ մրցույթներում


Ծրագրավորող Հանթեր Սկոտը ստեղծել է ծրագիր-բոտ, որն ավտոմատ մասնակցել է սոցիալական ցանցերում անցկացվող մրցույթներին, որտեղ պահանջվել է տարածել հատուկ հեշտեգերով գրառումները: Թվիթերում նմանատիպ մրցույթներ բավականին շատ են, ինչի հետևանքով այս ծրագիրը հաղթել է բազմաթիվ մրցանակներ: Ծրագիրը ստեղվել է Python ծրագրավորման լեզվով: Այն ավտոմատ որոնել է մրցույթային տվիթները և տարածել դրանք: Այս ծրագիրն անդադար աշխատել է 9 ամիս և միջին հաշվարկով օրական 4 մրցանակ է շահել: Որոշ մրցույթներ պահանջում են, որպեսզի մասնակիցները դառնան իրենց հետևորդները: Ծրագիրը փորձել է բաժանորդագրվել այդ էջերին, իսկ եթե դա չի ստացվել, այն պարզապես ռեթվիթ է արել հաղորդագրությունները: Բնականաբար նմանատիպ ծրագիր ստեղծելու դեպքում կարևոր պայմաններից է սոցիալական ցանցերի արգելափակումներից խուսափելը: Օրինակ Թվիթերը չի թույլատրում չափից շատ թվիթներ անել որոշակի ժամանակահատվածում կամ արագ հետևել և ջնջել մարդկանց: Սակայն այս ծրագրի հեղինակը կարողացել է այնպես անել, որպեսզի չընկնի արգելափակման տակ: Ծրագի միջոցով շահած մրցանակների ցուցակը կարող եք տեսնել այստեղ:
 Կարդալ ավելին
Վիդեոներ հեռաձարկելու համար նախատեսված Periscope հավելվածն արդեն հասանելի է Անդրոիդի վրա

Վիդեոներ հեռաձարկելու համար նախատեսված Periscope հավելվածն արդեն հասանելի է Անդրոիդի վրա



Երկու ամիս առաջ Twitter ընկերությունը iOS համակարգի համար ներկայացրեց Periscope ծառայությունը, որը նախատեսված է ուղիղ եթերով վիդեոներ հեռարձակելու համար: Այդ ծառայության մասին մանրամասն մեկ անգամ արդեն գրել եմ, այդ պատճառով այս անգամ չեմ անդրադառնա (կարդալ): Միայն նշեմ, որ վերջերս ստեղծվել է նաև այդ ծառայության Android հավելվածը, որը հնարավոր է ներբեռնել Google Play-ից: Հիշեցնեմ նաև, որ շաբաթներ առաջ ստեղծվել է հատուկ կայք, որտեղ կարող եք տեսնել Periscope-ով տվյալ պահին հեռարձակվող բոլոր վիդեոները:
Կարդալ ավելին
Ինչպես տեսնել տվյալ պահին Periscope-ով հեռարձակվող բոլոր վիդեոները

Ինչպես տեսնել տվյալ պահին Periscope-ով հեռարձակվող բոլոր վիդեոները


Օրեր առաջ Twitter-ը ներկայացեց Periscope ծառայությունը, որի միջոցով iOS համակարգի օգտատերերը կարող են բջջային սարքով նկարել վիդեո և այն ուղիղ եթերով հեռարձակել իրենց հետևորդների կամ այլ օգտատերերի համար: Սակայն Periscope հավելվածը ցուցադրվում է միայն մի քանի հեռարձակումներ և պետք է հաճախակի թարմացնել ցուցակը, որպեսզի ցուցադրվեն այլ հեռարձակումներ: Այս թերությունը վերացնելու համար ստեղծվել է հատուկ կայք, որտեղ ցուցադրվում են Periscope-ով հեռարձակվող բոլոր վիդեոները:

 Կարդալ ավելին
Twitter ընկերությունը թողարկել է վիդեոներ հեռաձարկելու հավելված

Twitter ընկերությունը թողարկել է վիդեոներ հեռաձարկելու հավելված



Twitter ընկերությունը iOS համակարգի համար ստեղծել է նոր հավելված, որը նախատեսված է ուղիղ եթերում վիդեոներ հեռաձարկելու համար: Հավելվածը կոչվում է Periscope և հասանելի է App Store-ում: Հեռարձակման ժամանակ հնարավոր է նշել նաև հեռարձակման վայրը: Երբ օգտատերերից մեկը սկսում է հեռարձակել վիդեո, նրա պրոֆիլին հետևողները տեղեկանում են դրա մասին ծանուցումների տեսքով: Եթե ընտրված է «Հեռարձակել Twitter-ում» ֆունկցիան, ապա հեռարձակողի անունից «թվիթ» է գրվում, որտեղ նշված է հեռարձակման հղումը: Բաժանորդները կարող են սեղմել այդ հասցեի վրա և վեբ ինտերֆեյսում տեսնել հեռարձակումը:



Հետևորդները կարող են իրական ժամանակում մեկնաբանել կամ «սրտիկներ» դնել հեռարձակմանը: Հեռարձակումն ավարտելուց հետո հեղինակը կարող է պահպանել վիդեոն այն հետևորդների համար, ովքեր բաց են թողել ուղիղ հեռարձակումը: Հնարավոր է նաև ստեղծել «Թաքուն» հեռարձակում և դրա հասցեն ուղարկել միայն հատուկ մարդկանց:
Կարդալ ավելին
Twitter-ը պաշտոնապես ներկայացրեց «Mute» ֆունկցիան

Twitter-ը պաշտոնապես ներկայացրեց «Mute» ֆունկցիան



Twitter-ը պաշտոնապես ներկայացրեց «Mute» ֆունկցիան Android, iPhone և վեբ տարբերակների համար, որն աստիճանաբար հասանելի կլինի բոլոր օգտատերերի համար: Այն թույլ է տալիս առանց «Unfollow» անելու  (Չհետևել) անջատել այն մարդկանց գրառումները, որոնց հետևում եք: Մարդկանց «Mute» անելու դեպքում նրանց գրառումները այլևս չեն երևա օգտատերերի գրառումների հոսքի վրա: Հետագայում հնարավորություն կա «UnMute» անել և նորից տեսնել այդ մարդկանց գրառումները: «Mute» ֆունկցիան հասանելի է գրառման կամ թվիթի «more» բաժնում կամ օգտատիրոջ էջի կարգավորումներում: Նշեմ, որ թեպետ Թվիթերում նմանատիպ ֆունկցիա նախկինում չկար, բայց կողմնակի հավելվածներում այն առկա էր: Օրինակ Tweetbot-ում կա ոչ միայն «Mute» ֆունկցիա, այլ նաև հնարավոր է անջատել կոնկրետ #հեշթեգեր կամ բառեր պարունակող թվիթներ:
Կարդալ ավելին
Թվիթերի փոխնախագահ Րաֆֆի Գրիգորյանը կայցելի Հայաստան

Թվիթերի փոխնախագահ Րաֆֆի Գրիգորյանը կայցելի Հայաստան



Թումոյի խորհրդի անդամ և Թվիթերի փոխնախագահ Րաֆֆի Գրիգորյանը Թումոյի հրավերով ապրիլ ամսի երկրորդ կեսին կայցելի Հայաստան: Մեկ շաբաթվա ընթացքում Րաֆֆին կանցկացնի երկու ծրագրավորման դասընթաց, կտա հանրային դասախոսություն, կհանդիպի Հայաստանում ՏՏ ոլորտի մասնագետների և կառավարության անդամների հետ:

Րաֆֆի Գրիգորյանը և իր թիմակիցները ղեկավարում են Թվիթերի կարևորագույն ենթակառուցվածքները, ինչպիսիք են՝ տվյալների շտեմարանը, վեբ սպասարկիչները և ծրագրերի դարանները: Նախքան Թվիթերը, Մասաչուսեթսի տեխնոլոգիական ինստիտուտի շրջանավարտ Րաֆֆին համահիմնադրել է անձնական էներգախնայողության նախագիծը՝ WattzOn, ղեկավարել խորհրդատվական ընկերություն, ինչպես նաև դասավանդել է Նյու Յորքի համալսարանի Ինտերակտիվ հեռահաղորդակցության բաժնում:

Ապրիլի 18-ին Րաֆֆին կանցկացնի դասախոսություն Ծրագրային մշակման կառավարման թեմայով՝ «Այն, ինչ կարևոր է» խորագրով, որտեղ կներկայացնի Թվիթերում իր աշխատանքային փորձառությունը:

Րաֆֆին կվարի նաև առաջադեմ ծրագրավորման դասընթաց, որը բաց կլինի համալսարանի ուսանողների և ՏՏ ոլորտի մասնագետների համար, որի ընթացքում մասնակիցներին կծանոթացնի Թվիթերի API-ին, և միջին մակարդակի դասընթաց Թումո պատանիների համար գրագետ կոդավորման մեթոդների մասին:
 Կարդալ ավելին
Օսկար մրցանակաբաշխության ժամանակ նկարված սելֆին ռեթվիթների քանակով դարձավ Թվիթերի ռեկորդակիր

Օսկար մրցանակաբաշխության ժամանակ նկարված սելֆին ռեթվիթների քանակով դարձավ Թվիթերի ռեկորդակիր



ԱՄՆ-ում տեղի ունեցած Օսկար մրցանակաբաշխության վարող Էլեն Դեջեներեսի թվիթը գրանցեց հերթական ռեկորդը: Նախորդ ռեկորդը պատկանում էր Բարակ Օբամային, ով ԱՄՆ նախագահ վերընտրվելուց հետո 2012թ. նոյեմբերի 7-ին կատարեց հետևյալ թվիթը և այն տարածվեց (retweet)  781,398 անգամ՝


Իսկ ահա Էլեն Դեջեներեսի թվիթը, որն իր մեջ ներառում է հայտնի աստղերի մասնակցությամբ սելֆի լուսանկար, մի քանի ժամում արդեն տարածվել է 2,189,150 անգամ: Ի դեպ, սելֆին նկարվել է Samsung հեռախոսով:

 Կարդալ ավելին
Ճապոնացիների նոր ռեկորդը Թվիթերում

Ճապոնացիների նոր ռեկորդը Թվիթերում


ճապոնացի օգտատերերը Twitter միկրոբլոգում նոր միջազգային ռեկորդի հեղինակ դարձան: Նրանք Twitter-ում մեկ վայրկյանի ընթացքում գրեցին 143.999 նմանատիպ հաղորդագրություն: Այս ակտիվության պատճառը հանդիսացավ 1986 թվականին թողարկված «Երկնային ամրոցը» անիմացիոն մուլտֆիլմի հեռարձակումը Nippon TV-ով: Twitter-ում ռեկորդի մասնակից դարձած օգտատերերը միկրոբլոգում նույն վայրկյանին գրել են ընդամենը մեկ բառ՝ «Բալուս» (երևի ուզեցել են բայլուս գրեն ): Մուլտֆիլմի մեջ սա կախարդական բառ է, որն ասելուց հետո մուլտֆիլմում սկսվում է կախարդական թռչող կղզու ինքնաոչնչացման գործընթացը: Twitter-ի ղեկավարությունն արդեն հաստատել է այս ռեկորդը: Համեմատության համար նշեմ, որ Քեյթ Միդլտոնի և արքայազն Ուիլյամի երեխայի ծնունդի ժամանակ կատարվել էր ընդամենը 25.300 թվիթ: Ընդ որում այդ քանակը գրանցվել էր ոչ թե մեկ վայրկյանում, այլ՝ մեկ րոպեում:
 Կարդալ ավելին
Այժմ հնարավոր է ներբեռնել Ձեր թվիթների արխիվը

Այժմ հնարավոր է ներբեռնել Ձեր թվիթների արխիվը



Twitter միկրոբլոգում ավելացել է նոր ֆունկցիա, որը թույլ է տալիս ներբեռնել Ձեր բոլոր թվիթները և պահել դրանք համակարգչի մեջ: Այս ֆունկցիան առայժմ հասանելի է ոչ բոլոր օգտատերերի համար, սակայն աստիճանաբար հասանելի կլինի բոլորին: Ահա, թե ինչպես կարող եք ներբեռնել Ձեր թվիթները՝

1.Մտեք կարգավորումների էջ (սեղմեք այստեղ):
2.Ամենաներքևում սեղմեք Requset your archive
3.Որոշակի ժամանակ անց Ձեր էլ. փոստին կստանաք նամակ: Բացեք նամակը և ներբեռնեք արխիվը:

 Կարդալ ավելին
Ինչպես ակտիվացնել Twitter-ի նոր ինտերֆեյսը

Ինչպես ակտիվացնել Twitter-ի նոր ինտերֆեյսը



Twitter միկրոբլոգի պրոֆիլներում նույնպես հնարավոր է տեղադրել մեծ չափսերով պատկերներ (Ֆեյսբուքի cover-ների նման): Twitter-ում դրանք կոչվում են header-ներ: Ֆեյսբուքում խորհուրդ է տրվում օգտագործել 851x315 չափսի պատկերներ, իսկ Twitter-ում՝ 1252x626: Հeader-ը տեղադրելու համար բացեք պրոֆիլի կարգավորումները և Header բաժնում նշեք ցանկացած պատկեր:

 Կարդալ ավելին
Քանի՞ միավոր ունեք սոցիալական ցանցերում:

Քանի՞ միավոր ունեք սոցիալական ցանցերում:







Klout.com կայքը թույլ է տալիս հաշվել ձեր ակտիվությունը տարբեր սոցիալական կայքերում և արդյունքը համեմատել այլ մարդկանց հետ: Հաշվարկը կատարվում է Twitter-ում, Facebook-ում և Google+ -ում ձեր ակտիվության հիման վրա: Միավորներիի միջակայքը 0-100 է, այսինքն առավելագույնը կարող եք ստանալ 100 միավոր: Հաշվարկը կատարվում է պարբերաբար, այնպես որ այսօրվա ձեր ունեցած միավորը կարող է տարբերվել վաղվա միավորից: Klout-ում բարձր միավորներ հավաքելու համար անհրաժեշտ է՝

-ունենալ շատ հետևորդներ Թվիթերում
-հետևել շատ մարդկանց Թվիթերում
-հաճախակի կատարել գրառումներ (թվիթներ)
-հաճախակի վերահրապարակել այլ մարդկանց թվիթները
-հետևել հնարավորինս քիչ սպամ կամ կեղծ պրոֆիլների
-այլ մարդկանց գրառումներում հնարավորինս շատ պետ է նշված լինի Ձեր Թվիթերի անունը (mention)
-ստանալ շատ անձնական նամակներ




Այս տվյալներին գումարվում է նաև Ֆեյսբուքի և այլ սոցիալական ցանցերում ձեր ընկերների, մեկնաբանությունների, լայքերի, գրառումների և այլ բաղադրիչների քանակը: Առաջիկայում նախատեսվում է նաև այս տվյալներին գումարել Ֆեյսբուքի էջերի ակտիվությունը: Klout համակարգ կարող եք մուտք գործել օգտագործելով ձեր Ֆեյսբուքի կամ Թվիթերի պրոֆիլը: Մի խոսքով հաշվեք ձեր վարկանիշը սոցիալական կայքերում և համեմատեք ընկերների հետ:



 Կարդալ ավելին
Subscribe to: Posts (Atom)